കോയമ്പത്തൂരിൽ 'കൊറോണ ദേവി'ക്ക്​ ക്ഷേത്രം

കോയമ്പത്തൂർ: കോവിഡ്​ വ്യാപനം അധികരിച്ച നിലയിൽ കൊറോണ ദേവീക്ഷേത്രം നിർമിച്ച്​ പൂജാകർമങ്ങൾ തുടങ്ങി. കോവിഡിൽ നിന്ന്​ ജനങ്ങളെ രക്ഷിക്കാൻ വേണ്ടിയാണ്​ കെ​ാറോണ ദേവിക്ഷേത്രം ഒരുക്കി പ്രാർഥന തുടങ്ങിയതെന്ന്​ ക്ഷേത്ര ഭാരവാഹികൾ പറഞ്ഞു.

കോയമ്പത്തൂർ ഇരുഗൂർ കാമാക്ഷിപുരി ആദീനം ശക്തിപീഠത്തിലാണ്​ കൊറോണ ദേവിയുടെ വിഗ്രഹം പ്രതിഷ്​ഠിച്ചിരിക്കുന്നത്​. ഉടൻ തന്നെ മഹായാഗം നടത്തുമെന്ന്​ ഭാരവാഹികൾ പറഞ്ഞു.

48 ദിവസം യാഗപൂജകൾ നടക്കുമെങ്കിലും പൊതുജനങ്ങൾക്ക്​ സന്ദർശനാനുമതിയില്ല. ക്ഷേത്രപരിസരത്ത്​ കഷായം, മുഖകവചങ്ങൾ എന്നിവ വിതരണം ചെയ്യുന്നു. ഇതിന്​ പുറമെ അന്നദാനവുമുണ്ട്​.