Begin typing your search above and press return to search.
proflie-avatar
Login
exit_to_app
exit_to_app

കടുത്ത ദുഃഖമുണ്ടാക്കുന്ന നടപടി; പേരറിവാളന്റെ മോചനത്തിൽ പ്രതികരണവുമായി കോൺഗ്രസ്

text_fields
bookmark_border
Randeep Singh Surjewala
cancel
camera_alt

രണ്​ദീപ്​ സിങ്​ സുർജേവാല

Listen to this Article

ന്യൂഡൽഹി: രാജീവ് ഗാന്ധി വധക്കേസിലെ പ്രതി പേരറിവാളനെ മോചിപ്പിച്ച നടപടിയിൽ പ്രതികരണവുമായി ​കോൺഗ്രസ്. കടുത്ത ദുഃഖമുണ്ടാക്കുന്ന നടപടിയാണെന്ന് കോൺഗ്രസ് വക്താവ് രൺദീപ് സിങ് സുർജേവാല പ്രതികരിച്ചു. കൊലപാതകകേസിലും തീവ്രവാദപ്രവർത്തനത്തിലും ശിക്ഷിക്കപ്പെട്ടയാളെ മോചിപ്പിച്ച നടപടിയേയും കോൺഗ്രസ് ചോദ്യം ചെയ്തു.

സുപ്രീംകോടതിയുടെ തീരുമാനത്തിൽ കടുത്ത ദുഃഖമുണ്ടെന്നും കൊലപാതകകേസിലും തീവ്രവാദകേസിലും ശിക്ഷിക്കപ്പെട്ടയാളെ മോചിപ്പിച്ചാൽ നിയമത്തിന്റെ സമഗ്രത ആരാണ് ഉയർത്തിപ്പിടിക്കുകയെന്നും രൺദീപ് സിങ് സുർജേവാല ചോദിച്ചു.

പ്രധാനമന്ത്രി നരേന്ദ്ര മോദിയും അദ്ദേഹത്തിന്റെ സർക്കാറും ഇതിന് ഉത്തരം പറയണോ. ഇതാണോ തീവ്രവാദത്തേക്കുറിച്ചുള്ള നിങ്ങളുടെ നിലപാട്. തീവ്രവാദത്തിൽ മോദി സർക്കാറിന് ഇരട്ടത്താപ്പാണെന്നും അദ്ദേഹം കുറ്റപ്പെടുത്തി.

മുൻ പ്രധാനമന്ത്രി രാജീവ് ഗാന്ധി വധക്കേസിൽ പ്രതിയാക്കപ്പെട്ട് 31 വർഷമായി ജയിലിൽ കഴിയുന്ന പേരറിവാളനെ മോചിപ്പിക്കാൻ സുപ്രീംകോടതി ഉത്തരവിട്ടിരുന്നു. ഭരണഘടനയുടെ അനുച്ഛേദം 142 ഉപയോഗിച്ചാണ് കോടതി വിധി.

Show Full Article
25% Off
E-Paper First Page
Today
Today's Edition is out

Want the complete newspaper?

Print Replica Crop & Save India & GCC Zoom in and zoom out
News Summary - Congress on Rajiv Gandhi assassination convict's release
Next Story