അഴിമതിക്കേസ്; ബി.ജെ.പി എം.എൽ.എക്ക് മുൻകൂർ ജാമ്യം

ബം​ഗ​ളൂ​രു: ​ലോ​കാ​യു​ക്ത ര​ജി​സ്റ്റ​ർ ചെ​യ്ത അ​ഴി​മ​തി​ക്കേ​സി​ൽ ഒ​ന്നാം പ്ര​തി​യാ​യ ക​ർ​ണാ​ട​ക ബി.​ജെ.​പി എം.​എ​ൽ.​എ മ​ദാ​ൽ വി​രു​പ​ക്ഷ​പ്പ​ക്ക് ഹൈ​കോ​ട​തി മു​ൻ​കൂ​ർ ജാ​മ്യം അ​നു​വ​ദി​ച്ചു. 48 മ​ണി​ക്കൂ​റി​ന​കം അ​ന്വേ​ഷ​ണ​സം​ഘ​ത്തി​ന് മു​മ്പാ​കെ ഹാ​ജ​രാ​ക​ണ​മെ​ന്ന ഉ​പാ​ധി​യോ​ടെ​യാ​ണ് ജ​സ്റ്റി​സ് കെ. ​ന​ട​രാ​ജ​ൻ അ​ധ്യ​ക്ഷ​നാ​യ ബെ​ഞ്ച് മു​ൻ​കൂ​ർ ജാ​മ്യം അ​നു​വ​ദി​ച്ച​ത്. ര​ണ്ടു ​പേ​രു​ടെ ആ​ൾ​ജാ​മ്യ​ത്തി​ന് പു​റ​മെ, അ​ഞ്ചു ല​ക്ഷം രൂ​പ കെ​ട്ടി​വെ​ക്ക​ണ​മെ​ന്നും കോ​ട​തി ഉ​ത്ത​ര​വി​ൽ പ​റ​ഞ്ഞു. കേ​സ് അ​ന്വേ​ഷി​ക്കു​ന്ന ലോ​കാ​യു​ക്ത സം​ഘം എം.​എ​ൽ.​എ​ക്കെ​തി​രാ​യ റി​പ്പോ​ർ​ട്ടും രേ​ഖ​ക​ളും ഹാ​ജ​രാ​ക്കു​ന്ന​തു​വ​രെ മാ​ത്ര​മാ​ണ് മു​ൻ​കൂ​ർ ജാ​മ്യം. കേ​സെ​ടു​ത്ത​തോ​​ടെ ഒ​ളി​വി​ൽ​പോ​യ എം.​എ​ൽ.​എ​യെ ക​ണ്ടെ​ത്താ​ൻ ലോ​കാ​യു​ക്ത ഏ​ഴ് അ​ന്വേ​ഷ​ണ സം​ഘ​ങ്ങ​ളെ നി​യോ​ഗി​ച്ചി​രു​ന്നെ​ങ്കി​ലും പി​ടി​കൂ​ടാ​ൻ ക​ഴി​ഞ്ഞി​രു​ന്നി​ല്ല.

എ​ന്നാ​ൽ, മു​ൻ​കൂ​ർ ജാ​മ്യം ല​ഭി​ച്ച ശേ​ഷം ഒ​ളി സ​​ങ്കേ​ത​ത്തി​ൽ നി​ന്ന് പു​റ​ത്തു​വ​ന്ന വി​രു​പ​ക്ഷ​പ്പ ചൊ​വ്വാ​ഴ്ച ദാ​വ​ൻ​ക​രെ​യി​ലെ വീ​ട്ടി​ലെ​ത്തി. എം.​എ​ൽ.​എ​ക്ക് ബി.​ജെ.​പി പ്ര​വ​ർ​ത്ത​ക​ർ മ​ണ്ഡ​ല​ത്തി​ൽ വ​ൻ​വ​ര​വേ​ൽ​പ് ന​ൽ​കി. വീ​ട്ടി​ലേ​ക്കു​ള്ള വ​ഴി മ​ധ്യേ, വി​രു​പ​ക്ഷ​പ്പ​യു​ടെ കാ​റി​ന് ചു​റ്റും പ​ട​ക്കം പൊ​ട്ടി​ച്ചും നൃ​ത്തം ചെ​യ്തു​മാ​ണ് പ്ര​വ​ർ​ത്ത​ക​ർ ആ​ഘോ​ഷം ന​ട​ത്തി​യ​ത്.

ക​ർ​ണാ​ട​ക സോ​പ്സ് ആ​ൻ​ഡ് ഡി​റ്റ​ർ​ജ​ൻ​റ്സ് ലി​മി​റ്റ​ഡി​ലെ (കെ.​എ​സ്.​ഡി.​എ​ൽ) ചെ​യ​ർ​മാ​നാ​യി​രു​ന്ന വി​രു​പ​ക്ഷ​പ്പ അ​സം​സ്കൃ​ത​വ​സ്തു​ക്ക​ളു​ടെ ക​രാ​റി​ന് കൈ​ക്കൂ​ലി വാ​ങ്ങി​യ​താ​യാ​ണ് ലേ​കാ​യു​ക്ത​യു​ടെ ക​ണ്ടെ​ത്ത​ൽ. വി​രു​പ​ക്ഷ​പ്പ​ക്ക് വേ​ണ്ടി മ​ക​ൻ പ്ര​ശാ​ന്ത് മ​ദാ​ൽ 40 ല​ക്ഷം രൂ​പ കൈ​ക്കൂ​ലി കൈ​പ്പ​റ്റു​ന്ന​തി​നി​ടെ ലോ​കാ​യു​ക്ത പൊ​ലീ​സ് കൈ​യോ​ടെ പി​ടി​കൂ​ടി​യി​രു​ന്നു. കേ​സി​ൽ ര​ണ്ടാം പ്ര​തി​യാ​ണ് ബി.​ഡ​ബ്ല്യു.​എ​സ്.​എ​സ്.​ബി ചീ​ഫ് അ​ക്കൗ​ണ്ട​ന്റ് കൂ​ടി​യാ​യ പ്ര​ശാ​ന്ത് മ​ദാ​ൽ. ഇ​യാ​ളു​ടെ അ​റ​സ്റ്റ് രേ​ഖ​പ്പെ​ടു​ത്തി​യി​ട്ടു​ണ്ട്. 8.02 കോ​ടി രൂ​പ​യാ​ണ് എം.​എ​ൽ.​എ​യു​ടെ മ​ക​ന്റെ ഓ​ഫി​സി​ൽ​നി​ന്നും വീ​ട്ടി​ൽ​നി​ന്നു​മാ​യി ലോ​കാ​യു​ക്ത സം​ഘം പി​ടി​ച്ചെ​ടു​ത്ത​ത്. എം.​എ​ൽ.​എ​യു​ടെ ദാ​വ​ൻ​ക​രെ​യി​ലെ വീ​ട്ടി​ലും ഫാം ​ഹൗ​സി​ലും ന​ട​ത്തി​യ റെ​യ്ഡി​ൽ 16.5 ല​ക്ഷം രൂ​പ​യും ര​ണ്ടു കി​ലോ​യി​ലേ​റെ സ്വ​ർ​ണ​വും 26 കി​ലോ വെ​ള്ളി​യും ക​ണ്ടെ​ടു​ത്തി​രു​ന്നു.