ന്യൂനപക്ഷ വോട്ടുകളിൽ കണ്ണുനട്ട് ദ്രാവിഡ കക്ഷികൾ

ചെ​ന്നൈ: ന്യൂ​ന​പ​ക്ഷ വോ​ട്ടു​ക​ൾ സ്വാ​ധീ​നി​ക്കാ​ൻ ത​മി​ഴ്നാ​ട്ടി​ലെ മു​ഖ്യ​ധാ​രാ ദ്രാ​വി​ഡ ക​ക്ഷി​ക​ളാ​യ ഡി.​എം.​കെ​യും അ​ണ്ണാ ഡി.​എം.​കെ​യും രം​ഗ​ത്ത്. സം​സ്ഥാ​ന​ത്തെ ജ​ന​സം​ഖ്യ​യു​ടെ 5.8 ശ​ത​മാ​നം മു​സ്‍ലിം​ക​ളും 6.1 ശ​ത​മാ​നം ക്രി​സ്ത്യാ​നി​ക​ളു​മാ​ണ്. ത​മി​ഴ്‌​നാ​ട്ടി​ലെ 19 ലോ​ക്സ​ഭ സീ​റ്റു​ക​ളി​ലെ തെ​ര​ഞ്ഞെ​ടു​പ്പ് ഫ​ല​ത്തി​ൽ ന്യൂ​ന​പ​ക്ഷ വി​ഭാ​ഗ​ങ്ങ​ൾ​ക്ക് നി​ർ​ണാ​യ​ക പ​ങ്കു​വ​ഹി​ക്കാ​നാ​വു​മെ​ന്നാ​ണ് ക​ണ​ക്കു​കൂ​ട്ട​ൽ.

നി​ല​വി​ൽ സം​സ്ഥാ​ന​ത്തെ ര​ണ്ട് പ്ര​ബ​ല മു​സ്‍ലിം സം​ഘ​ട​ന​ക​ളാ​യ മ​നി​ത നേ​യ​മ​ക്ക​ൾ ക​ക്ഷി(​എം.​എം.​കെ), മു​സ്‍ലിം​ലീ​ഗ് എ​ന്നി​വ ഡി.​എം.​കെ സ​ഖ്യ​ത്തി​ലാ​ണ്. ത​മി​ഴ്നാ​ട് മു​സ്‍ലിം മു​ന്നേ​റ്റ ക​ഴ​ക​ത്തി​ന്റെ രാ​ഷ്ട്രീ​യ രൂ​പ​മാ​ണ് എം.​എം.​കെ.

2023 സെ​പ്റ്റം​ബ​റി​ൽ ബി.​ജെ.​പി​യു​മാ​യ ബ​ന്ധം അ​ണ്ണാ ഡി.​എം.​കെ അ​വ​സാ​നി​പ്പി​ച്ചിരുന്നു. ഇക്കാരണത്താൽ എ​സ്.​ഡി.​പി.​ഐ, അ​സാ​ദു​ദ്ദി​ൻ സ​ലാ​വു​ദ്ദി​ൻ ഉ​വൈ​സി​യു​ടെ എ.​ഐ.​എം.​ഐ.​എം, ഐ.​എ​ൻ.​എ​ൽ തു​ട​ങ്ങി​യ സം​ഘ​ട​ന​ക​ൾ അ​ണ്ണാ ഡി.​എം.​കെ​യെ പി​ന്തു​ണ​ച്ച് രം​ഗ​ത്തെ​ത്തിയിട്ടുണ്ട്.

തെ​ര​ഞ്ഞെ​ടു​പ്പി​നു​ശേ​ഷം അ​ണ്ണാ ഡി.​എം.​കെ​ക്ക് ദേ​ശീ​യ​ത​ല​ത്തി​ൽ ന​രേ​ന്ദ്ര മോ​ദി​യെ മാ​ത്ര​മേ പി​ന്തു​ണ​ക്കാ​ൻ ക​ഴി​യൂ​വെ​ന്നും പ്ര​ത്യേ​ക സാ​ഹ​ച​ര്യ​ത്തി​ൽ ബി.​ജെ.​പി -അ​ണ്ണാ ഡി.​എം.​കെ ര​ഹ​സ്യ​ധാ​ര​ണ നി​ല​നി​ൽ​ക്കു​ന്നു​ണ്ടെ​ന്നു​മു​ള്ള ഡി.​എം.​കെ സ​ഖ്യ​ത്തി​ന്റെ പ്ര​ചാ​ര​ണം ന്യൂ​ന​പ​ക്ഷ വി​ഭാ​ഗ​ങ്ങ​ൾ​ക്കി​ട​യി​ൽ ഏ​ശു​ന്നു​ണ്ട്.

ന​രേ​ന്ദ്ര മോ​ദി ഉ​ൾ​പ്പെ​ടെ​യു​ള്ള കേ​ന്ദ്ര നേ​താ​ക്ക​ൾ അ​ണ്ണാ ഡി.​എം.​കെ​ക്കെ​തി​രെ മൗ​നം​പാ​ലി​ക്കു​ക​യും ഡി.​എം.​കെ, കോ​ൺ​ഗ്ര​സ് ക​ക്ഷി​ക​ൾ​ക്ക് നേ​രെ​മാ​ത്രം വി​മ​ർ​ശ​ന​ങ്ങ​ളു​ന്ന​യി​ക്കു​ന്ന​തും ഈ ​സം​ശ​യ​ത്തി​ന് ബ​ല​മേ​കു​ന്നു.

ന്യൂ​ന​പ​ക്ഷാ​ഭി​മു​ഖ്യം പു​ല​ർ​ത്തു​ന്നു​ണ്ടെ​ങ്കി​ലും ഇ​രു ദ്രാ​വി​ഡ ക​ക്ഷി​ക​ളും ന്യൂ​ന​പ​ക്ഷ വി​ഭാ​ഗ​ങ്ങ​ളി​ൽ​പ്പെ​ട്ട​വ​ർ​ക്ക് സീ​റ്റ് ന​ൽ​കാ​ൻ മു​ന്നോ​ട്ടു​വ​ന്നി​ട്ടി​ല്ലെ​ന്ന​തും ശ്ര​ദ്ധേ​യ​മാ​ണ്. ഡി.​എം.​കെ​യു​ടെ 21 സ്ഥാ​നാ​ർ​ഥി​ക​ളി​ൽ ന്യൂ​ന​പ​ക്ഷ​ങ്ങ​ൾ​ക്ക് പ്രാ​തി​നി​ധ്യ​മി​ല്ല. മ​ണ്ഡ​ല​ങ്ങ​ളി​ലെ ജാ​തി, മ​ത സ​മ​വാ​ക്യ​ങ്ങ​ളാ​ണി​തി​ന് കാ​ര​ണം.

തി​രു​നെ​ൽ​വേ​ലി​യി​ലെ കോ​ൺ​ഗ്ര​സ് സ്ഥാ​നാ​ർ​ഥി സി.​റോ​ബ​ർ​ട്ട് ബ്രൂ​സി​നും രാ​മ​നാ​ഥ​പു​ര​ത്തെ മു​സ്‍ലിം ലീ​ഗ് സ്ഥാ​നാ​ർ​ഥി ന​വാ​സ് ക​നി​യു​മാ​ണ് ഡി.​എം.​കെ സ​ഖ്യ​ത്തി​ലെ ന്യൂ​ന​പ​ക്ഷ സ്ഥാ​നാ​ർ​ഥി​ക​ൾ. അ​ണ്ണാ ഡി.​എം.​കെ​യു​ടെ 32 സ്ഥാ​നാ​ർ​ഥി​ക​ളി​ൽ ക​ന്യാ​കു​മാ​രി​യി​ൽ പ​സി​ലി​യ​ൻ ന​സ്ര​ത്തും ശി​വ​ഗം​ഗ​യി​ൽ പ​ന​ങ്കു​ടി എ.​സേ​വ്യ​ർ​ദാ​സും ന്യൂ​ന​പ​ക്ഷ സ​മു​ദാ​യാം​ഗ​ങ്ങ​ളാ​ണ്.

എ​ൻ.​ഡി.​എ വി​ടാ​നു​ള്ള അ​ണ്ണാ ഡി.​എം.​കെ തീ​രു​മാ​ന​ത്തെ വ​ര​വേ​റ്റ മ​ക്ക​ൾ ജ​ന​നാ​യ​ക ക​ക്ഷി നേ​താ​വും മു​ൻ നാ​ഗ​പ​ട്ട​ണം എം.​എ​ൽ.​എ​യു​മാ​യ ത​മി​മു​ൻ അ​ൻ​സാ​രി പ​​ക്ഷേ, ഡി.​എം.​കെ സ​ഖ്യ​ത്തോ​ടൊ​പ്പ​മാ​ണ് നി​ല​കൊ​ള്ളു​ന്ന​ത്. ജ​ന​പി​ന്തു​ണ​യു​ള്ള അ​ൻ​സാ​രി​യെ കൂ​ടെ നി​ർ​ത്താ​ൻ അ​ണ്ണാ ഡി.​എം.​കെ പ​ല ശ്ര​മ​ങ്ങ​ളും ന​ട​ത്തി​യെ​ങ്കി​ലും മു​ഖ്യ​മ​ന്ത്രി എം.​കെ. സ്റ്റാ​ലി​ൻ വി​ളി​ച്ച് സം​സാ​രി​ച്ച​തോ​ടെ നി​രു​പാ​ധി​ക പി​ന്തു​ണ പ്ര​ഖ്യാ​പി​ക്കു​ക​യാ​യി​രു​ന്നു.

മോ​ദി സ​ർ​ക്കാ​റി​നെ​തി​രാ​യ പോ​രാ​ട്ട​ത്തി​ൽ ജ​നാ​ധി​പ​ത്യ​വും ഫാ​ഷി​സ​വും ത​മ്മി​ലു​ള്ള മ​ത്സ​ര​ത്തി​ൽ ‘ഇ​ൻ​ഡ്യ മു​ന്ന​ണി’ മി​ക​ച്ച ബ​ദ​ലാ​ണെ​ന്ന വി​ല​യി​രു​ത്ത​ലാ​ണ് ഇ​ത്ത​ര​മൊ​രു തീ​രു​മാ​ന​ത്തി​ന് കാ​ര​ണ​മാ​യ​തെ​ന്ന് അ​ൻ​സാ​രി പി​ന്നീ​ട് വി​ശ​ദീ​ക​രി​ച്ചു.

മു​സ്‍ലിം- ക്രി​സ്ത്യ​ൻ വി​ഭാ​ഗ​ങ്ങ​ളു​ടെ വി​ശ്വാ​സ്യ​ത നേ​ടി​യെ​ടു​ക്കാ​ൻ അ​ണ്ണാ ഡി.​എം.​കെ​യെ അ​പേ​ക്ഷി​ച്ച് ഡി.​എം.​കെ​ക്ക് ക​ഴി​ഞ്ഞി​ട്ടു​ണ്ട്. വി​വാ​ദ​മാ​യ പൗ​ര​ത്വ നി​യ​മ ഭേ​ദ​ഗ​തി (സി.​എ.​എ) ഉ​ൾ​പ്പെ​ടെ വി​വി​ധ ബി​ല്ലു​ക​ൾ പാ​സാ​ക്കു​ന്ന​തി​ൽ ബി.​ജെ.​പി​ക്ക് കൂ​ട്ടു​നി​ൽ​ക്കു​ന്ന​താ​യ ഡി.​എം.​കെ ആ​രോ​പ​ണം അ​ണ്ണാ ഡി.​എം.​കെ​യെ പ്ര​തി​ക്കൂ​ട്ടി​ലാ​ക്കു​ന്നു.