മ​ദ്രാസ്​ ​െഎ.​െഎ.ടിയിൽ മലയാളി എഞ്ചിനീയർ​ ആത്മഹത്യചെയ്​ത നിലയിൽ

മ​ദ്രാസ്​ ​െഎ.​െഎ.ടിയിൽ യുവ മലയാളിഎഞ്ചിനീയറെ ആത്മഹത്യചെയ്​ത നിലയിൽ കണ്ടെത്തി. വ്യാഴാഴ്​ചയാണ്​ 30 കാരനെ കാമ്പസിന്​ പുറത്തെ വീട്ടിൽ മരിച്ച നിലയിൽ കണ്ടെത്തിയത്​. ഇൻസ്റ്റിട്യൂട്ടിൽ താൽക്കാലിക പ്രോജക്റ്റ്​ എഞ്ചിനീയറായി ജോലി ചെയ്​തിരുന്ന എറണാകുളം സ്വദേശി ഉണ്ണികൃഷ്ണൻ ആണ്​ മരിച്ചതെന്ന്​ പൊലീസ്​ പറഞ്ഞു. സംഭവം ​െഎ.​​െഎ.ടി അധികൃതരും സ്​ഥിരീകരിച്ചു.

'കാമ്പസിൽ ഇന്നലെ താൽക്കാലിക പ്രോജക്ട് സ്റ്റാഫ് ഉൾപ്പെട്ട നിർഭാഗ്യകരവും ദാരുണവുമായ സംഭവം ഉണ്ടായി. 2021 ഏപ്രിലിൽ ഇൻസ്റ്റിറ്റ്യൂട്ടിൽ ചേരുകയും പുറത്ത് താമസിക്കുകയും ചെയ്​തിരുന്ന ആളാണ്​ മരണപ്പെട്ടത്​. ഇദ്ദേഹത്തി​െൻറ കുടുംബത്തിനും സുഹൃത്തുക്കൾക്കും സഹപ്രവർത്തകർക്കും ഞങ്ങളുടെ അനുശോചനം അറിയിക്കുന്നു. സംഭവത്തെക്കുറിച്ച് പോലീസ് അന്വേഷിക്കുന്നുണ്ട്. ഇൻസ്റ്റിട്യൂട്ട് ഇൗ വിഷയത്തിൽ അധികാരികളുമായി പൂർണമായും സഹകരിക്കും'-​​െഎ.​െഎ.ടി അധികൃതർ പറഞ്ഞു. കോട്ടൂർപുരം പോലീസാണ്​ സംഭവം അന്വേഷിക്കുന്നത്​. മൃതദേഹം പോസ്റ്റ്‌മോർട്ടത്തിനായി റോയപേട്ട സർക്കാർ ആശുപത്രിയിലേക്ക് മാറ്റി.

ഉണ്ണികൃഷ്ണൻ മറ്റ് രണ്ട് പേർക്കൊപ്പം കാമ്പസിന് പുറത്ത് താമസിക്കുകയായിരുന്നുവെന്ന് പോലീസ് പറഞ്ഞു. 11 പേജുള്ള ആത്മഹത്യാക്കുറിപ്പ് ലഭിച്ചതായും പൊലീസ്​ വെളിപ്പെടുത്തി. ജോലിസ്ഥലത്ത് കടുത്ത സമ്മർദ്ദം അനുഭവിച്ചിരുന്നതായി കുറിപ്പിൽ എഴുതിയിട്ടുണ്ടെന്നാണ്​ സൂചന. പ്രത്യേകമായി ഒരു വ്യക്തിയെക്കുറിച്ചും കുറിപ്പിൽ പരാമർശമില്ലെന്നും പൊലീസ്​ പറയുന്നു.​