തമിഴ്​നാട്ടിൽ പടക്കനിർമാണ ശാലയിൽ സ്​ഫോടനം; ഒരു കുട്ടിയുൾപ്പെടെ മൂന്നുമരണം

ചെന്നൈ: തമിഴ്​നാട്ടിൽ അനധികൃത പടക്ക നിർമാണ ശാലയിലുണ്ടായ സ്​ഫോടനത്തിൽ മൂന്നുമരണം. ഒരു കുട്ടിയും രണ്ടു സ്​ത്രീകളുമാണ്​ മരിച്ചവർ.

വിരുദ്​നഗർ ജില്ലയിൽ ശിവകാശിക്ക്​ സമീപം തയിൽ​പ്പട്ടിയിലെ പടക്ക നിർമാണ യൂനിറ്റിലായിരുന്നു പൊട്ടിത്തെറി. അപകടത്തിൽ രണ്ടുപേർ​ക്ക്​ പരിക്കേൽക്കുകയും ചെയ്​തു. പരിക്കേറ്റവരെ ആശുപത്രിയിൽ പ്രവേശിപ്പിച്ചിരിക്കുകയാണ്​.

തമിഴ്​നാട്ടിലെ പടക്ക നിർമാണശാല കേന്ദ്രമാണ്​ ശിവകാശി. രാജ്യത്ത്​ ആഘോഷവേളകളിൽ ഉപയോഗിക്കുന്ന 90 മുതൽ 95 ശതമാനം വരെ പടക്ക സാമഗ്രികളും ഉൽപ്പാദിപ്പിക്കുന്നത്​ ഇവിടെയാണ്​. 800 മില്ല്യൺ ഡോളറാണ്​ ഇവയിലൂടെ നേടുന്ന വരുമാനം.