മഹാരാഷ്​ട്ര: മന്ത്രിസ്ഥാനങ്ങൾ തുല്യമായി പങ്കുവെക്കാമെന്ന്​ ബി.ജെ.പി

മുംബൈ: മഹാരാഷ്​ട്രയിൽ സർക്കാർ രൂപീകരണത്തിനുള്ള പ്രതിസന്ധി തുടരുന്നതിനിടെ മന്ത്രിസ്ഥാനങ്ങൾ തുല്യമായി പങ്കു വെക്കാമെന്ന്​ അറിയിച്ച്​ ബി.ജെ.പി. ശിവസേന പ്രസിഡൻറ്​ ഉദ്ധവ്​ താക്ക​റയെ ഇക്കാര്യം ​മഹാരാഷ്​ട്ര മുഖ്യമന്ത്രി ദ േവേന്ദ്ര ഫഡ്​​നാവിസ്​ അറിയിച്ചുവെന്നാണ്​ വിവരം.

അതേസമയം, ബി.ജെ.പിയുടെ പുതിയ വാഗ്​ദാനത്തോടെ ശിവസേന നിലപാട്​ മയ​പ്പെടുത്തിയതായി റിപ്പോർട്ടുകളുണ്ട്​. മഹാരാഷ്​ട്രയിലെ മന്ത്രിപദത്തിന്​ പുറമേ കേന്ദ്രസർക്കാറിൽ കാബിനറ്റ്​ മന്ത്രിപദവും സഹമന്ത്രി സ്ഥാനവും ശിവസേന ആവശ്യപ്പെടുമെന്നാണ്​ വാർത്തകൾ.

ഇക്കാര്യം അറിയിച്ച്​ ഫഡ്​നാവിസ്​ ഉദ്ധവ്​ താക്കറയെ വസതിയിൽ സന്ദർശിച്ചുവെന്ന റിപ്പോർട്ടുകളും പുറത്ത്​ വരുന്നുണ്ട്​. നിയമസഭ തെരഞ്ഞെടുപ്പ്​ ഫലം പുറത്ത്​ വന്നിട്ട്​ ഒമ്പത്​ ദിവസം കഴിഞ്ഞിട്ടും മഹാരാഷ്​ട്രയിൽ സർക്കാർ രൂപീകരിക്കാൻ സാധിച്ചിരുന്നില്ല.