രാജ്യത്ത് 66,732 പേര്‍ക്ക്കൂടി കോവിഡ്; 816 മരണം

ന്യൂഡല്‍ഹി: കഴിഞ്ഞ 24 മണിക്കൂറിനിടെ രാജ്യത്ത് 66,732 പേര്‍ക്ക് കൂടി കോവിഡ് സ്ഥിരീകരിച്ചു. കോവിഡ് ബാധിച്ച് 816 മരണമാണ് കഴിഞ്ഞ ദിവസം റിപ്പോര്‍ട്ട് ചെയ്യപ്പെട്ടത്. 9,94,851 സാമ്പിളുകള്‍ പരിശോധിച്ചു.

ഇതോടെ രാജ്യത്ത് കോവിഡ് ബാധിതരുടെ എണ്ണം 71 ലക്ഷം കവിഞ്ഞു. 71,20,539 ആണ് ആകെ കോവിഡ് ബാധിച്ചവരുടെ എണ്ണം. 1,09,150 ആളുകള്‍ക്കാണ് ജീവന്‍ നഷ്ടമായത്.

8,61,853 പേരാണ് നിലവില്‍ ചികിത്സയിലുള്ളത്. ഇതുവരെ 61,49,536 പേര്‍ രോഗമുക്തരായെന്നും കേന്ദ്ര ആരോഗ്യ മന്ത്രാലയം അറിയിച്ചു.