രാജ്യത്ത്​ 63,371 പേർക്ക്​ കൂടി കോവിഡ്​; 895 മരണം

ന്യൂഡൽഹി: രാജ്യത്ത്​ പുതുതായി 63,371 പേർക്ക്​ കൂടി കോവിഡ്​ സ്​ഥിരീകരിച്ചു. 24 മണിക്കൂറിനിടെ 895 മരണവും റിപ്പോർട്ട്​ ചെയ്​തു. ഇതോടെ രാജ്യത്തെ രോഗബാധിതരുടെ എണ്ണം 73,70,469 ആയി ഉയർന്നു.

1,12,161 മരണമാണ്​ രാജ്യത്ത്​ ഇതുവരെ സ്​ഥിരീകരിച്ചത്​. 8,04,528 പേർ നിലവിൽ ചികിത്സയിൽ ​കഴിയുന്നു. 64,53,780 പേർ രോഗമുക്തി നേടിയതായും ആരോഗ്യമന്ത്രാലയം അറിയിച്ചു.

കഴിഞ്ഞദിവസം 10,28,622 സാമ്പിളുകൾ പരിശോധിച്ചു. രാജ്യത്ത്​ ഒക്​ടോബർ 15 വരെ 9,22,54,927 സാമ്പിളുകളാണ്​ പരിശോധിച്ചതെന്ന്​ ഐ.സി.എം.ആർ അറിയിച്ചു.

രാജ്യത്ത്​ 13 ദിവസത്തിനിടെ 10ലക്ഷം പേർക്കാണ്​ കോവിഡ്​ സ്​ഥിരീകരിച്ചത്​. ലോകത്ത്​ ഏറ്റവും കൂടുതൽ കോവിഡ്​ ബാധിതരുള്ള രണ്ടാമത്തെ രാജ്യം ഇന്ത്യയാണ്​. യു.എസിലാണ്​ ഏറ്റവും കൂടുതൽ രോഗബാധിതർ.