പരിസ്​ഥിതി നിയമ ഭേദഗതിയിൽ അ​ഞ്ച് പ്ര​ശ്ന​ങ്ങ​ള്‍ ഉന്നയിച്ച്​​ ജ​യ​റാം ര​മേ​ശ്​

ന്യൂ​ഡ​ൽ​ഹി: പ​രി​സ്​​ഥി​തി ആ​ഘാ​ത പ​ഠ​ന ക​ര​ട്​ വി​ജ്ഞാ​പ​ന​ത്തി​നെ​തി​രെ താ​ന്‍ ഉ​ന്ന​യി​ച്ച അ​ഞ്ച് പ്ര​ശ്ന​ങ്ങ​ള്‍ അ​വ​ശേ​ഷി​ക്കു​ക​യാ​ണെ​ന്ന് ജ​യ​റാം ര​മേ​ശ് തി​ങ്ക​ളാ​ഴ്ച കേ​ന്ദ്ര​ത്തി​ന്​​ അ​യ​ച്ച ക​ത്തി​ല്‍ വ്യ​ക്ത​മാ​ക്കി. കേന്ദ്ര വനം പരിസ്ഥിതി മന്ത്രി പ്രകാശ് ജാവ്ദേക്കര്‍ക്കാണ്​ കോൺഗ്രസ്​ ​േനതാവ്​ ജ​യ​റാം ര​മേ​ശ് കത്ത്​ നൽകിയത്​.

ഒ​ന്ന്) പ​രി​സ്ഥി​തി ആ​ഘാ​ത പ​ഠ​നം ന​ട​ത്താ​തെ അ​നു​മ​തി ന​ല്‍കി​യ പ​ദ്ധ​തി​ക​ളി​ലെ നി​യ​മ​ലം​ഘ​ന പ്ര​വൃ​ത്തി പൊ​ളി​ച്ചു​ക​ള​യാ​നു​ള്ള നി​ര്‍ദേ​ശം വി​ജ്ഞാ​പ​ന​ത്തി​ലി​ല്ല. എ​ല്ലാ നി​യ​മ​ലം​ഘ​ന​ങ്ങ​ളും നി​യ​മ​വി​ധേ​യ​മാ​ക്കു​ന്ന​തി​നു​ള്ള അ​വ​സ​രം ന​ല്‍കാ​നാ​ണ് വി​വാ​ദ ക​ര​ടി​ലെ 22ാം വ്യ​വ​സ്ഥ.

ര​ണ്ട്) പ​ദ്ധ​തി​ക്കി​ര​യാ​കു​ന്ന ജ​ന​ങ്ങ​ളു​മാ​യു​ള്ള കൂ​ടി​യാ​ലോ​ച​ന​ക്ക് ഒ​രു മാ​സ​മു​ണ്ടാ​യി​രു​ന്ന​ത് 20 ദി​വ​സ​മാ​ക്കി കു​റ​ച്ച​ത് കൂ​ടി​യാ​ലോ​ച​ന​യെ അ​ര്‍ഥ​ശൂ​ന്യ​മാ​ക്കാ​നാ​ണ്. ജ​ന​ങ്ങ​ളു​മാ​യി കൂ​ടി​യാ​ലോ​ചി​ക്കാ​തെ ന​ട​പ്പാ​ക്കു​ന്ന പ​ദ്ധ​തി​ക​ളു​ടെ എ​ണ്ണം വ​ര്‍ധി​പ്പി​ച്ച​തും ഇ​തേ പ്ര​ത്യാ​ഘാ​ത​മു​ണ്ടാ​ക്കും.

മൂ​ന്ന്) പ​രി​സ്ഥി​തി പ​രി​പാ​ല​ന പ​ദ്ധ​തി​ക്കും പ​രി​സ്ഥി​തി ആ​ഘാ​ത പ​ഠ​ന റി​പ്പോ​ര്‍ട്ടി​നും വ്യ​ത്യ​സ്ത ഉ​ദ്ദേ​ശ്യ​ങ്ങ​ളാ​ണ്. ആ​ഘാ​ത റി​പ്പോ​ര്‍ട്ട് ഇ​ല്ലാ​തെ എ​ങ്ങ​നെ​യാ​ണ് പ​രി​സ്ഥി​തി പ​രി​പാ​ല​ന റി​പ്പോ​ര്‍ട്ട് ഉ​ണ്ടാ​ക്കു​ക?

നാ​ല്) വി​ദ​ഗ്ധ സ​മി​തി​യോ​ട് കൂ​ടി​യാ​ലോ​ചി​ച്ചാ​ണ് നി​വ​ലി​ല്‍ മൂ​ന്നു വ​ര്‍ഷ​ത്തേ​ക്ക് പ​രി​സ്ഥി​തി അ​നു​മ​തി ദീ​ര്‍ഘി​പ്പി​ക്കാ​റെ​ങ്കി​ല്‍ അ​തി​ല്ലാ​തെ​ത​ന്നെ ദീ​ര്‍ഘി​പ്പി​ക്കാ​മെ​ന്നാ​ണ് ക​ര​ട് വി​ജ്ഞാ​പ​നം.

അ​ഞ്ച്) കൂ​ടി​യാ​ലോ​ച​ന​യു​ടെ കാ​ര്യ​ത്തി​ല്‍ സം​സ്ഥാ​ന​ങ്ങ​ളു​ടെ സ്വ​യം ഭ​ര​ണ​ത്തി​ല്‍ ക​ട​ന്നു​ക​യ​റു​ന്ന വി​ജ്ഞാ​പ​ന​ത്തി​ലെ 7(7) വ്യ​വ​സ്ഥ 2006ലെ ​വി​ജ്ഞാ​പ​ന​ത്തി​ലി​ല്ല.