ഹിന്ദുത്വവാദികൾ കൊലപ്പെടുത്തിയ ജുനൈദിന്‍റെ സഹോദരൻ കാസിം കോൺഗ്രസിൽ ചേർന്നു

ന്യൂഡൽഹി: ഹിന്ദുത്വവാദികൾ ട്രെയിൻ യാത്രക്കിടയിൽ കൊലപ്പെടുത്തിയ 15കാരനായ ജുനൈദ് ​ഖാന്‍റെ സഹോദരൻ കാസിം കോൺഗ്രസിൽ ചേർന്നു. ജുനൈദിന്‍റെ മൂത്ത സഹോദരനാണ്​ കാസിം. ജിഗ്​നേഷ്​ മേവാനിക്കൊപ്പമെത്തിയാണ്​ കാസിം കോൺഗ്രസിൽ ചേർന്നത്​.

2017 ൽ മു​മ്പ്​ ജൂൺ 22ന്​ യു.പിയിലെ മഥുരയിലേക്കുള്ള ട്രെയിനിൽ ഗോരക്ഷക ഗുണ്ടകൾ 15കാരനായ ജുനൈദ് ​ഖാൻ എന്ന ബാലനെ അടിച്ചും കുത്തിയും കൊലപ്പെടുത്തിയത്​. നാലു വർഷം പിന്നി​ട്ടെങ്കിലും ഇനിയും ആ കുടുംബത്തിന്​ നീതി ലഭിച്ചിട്ടില്ല.

ജുനൈദും സഹോദരനും രണ്ട്​ സുഹൃത്തുക്കൾ​​ക്കൊപ്പം അവശ്യ വസ്​തുക്കൾ വാങ്ങാനായി പുറപ്പെട്ടതായിരുന്നു. ട്രെയിനിൽ കയറിയ അവനെയും സുഹൃത്തുക്കളെയും ഗോരക്ഷാഗുണ്ടകൾ അടിക്കുകയും കുത്തുകയും ചെയ്​ത ശേഷം ട്രെയിനിൽനിന്ന്​ പുറത്തേക്കെറിയുകയായിരുന്നു.

സംഭവവുമായി ബന്ധപ്പെട്ട്​ ആറു പേർ അറസ്റ്റിലായിരുന്നു. ഇവർ പിന്നീട്​ ജാമ്യം നേടി പുറത്തിറങ്ങി. സംഭവത്തെക്കുറിച്ച്​ സി.ബി.​െഎ അന്വേഷിക്കണമെന്ന കുടുംബത്തി​​​െൻറ ഹരജി പഞ്ചാബ്​-ഹരിയാന ഹൈകോടതി തള്ളി.