കർഫ്യൂവിൽ ഇളവ്; മണിപ്പൂർ ശാന്തമാകുന്നു

ഇം​ഫാ​ൽ: ദി​വ​സ​ങ്ങ​ളാ​യി ക​ലാ​പം തു​ട​രു​ന്ന മ​ണി​പ്പൂ​രി​ൽ ക​ർ​ഫ്യൂ​വി​ൽ ഇ​ള​വ് വ​രു​ത്തി​യ​തോ​ടെ ജ​ന​ജീ​വി​തം സാ​ധാ​ര​ണ നി​ല​യി​ലേ​ക്കു മ​ട​ങ്ങു​ന്നു. ഇം​ഫാ​ൽ വെ​സ്റ്റ് ജി​ല്ല​യി​ലും മ​റ്റു പ്ര​ദേ​ശ​ങ്ങ​ളി​ലും തി​ങ്ക​ളാ​ഴ്ച രാ​വി​ലെ അ​ഞ്ചു മു​ത​ൽ എ​ട്ടു​വ​രെ മൂ​ന്നു മ​ണി​ക്കൂ​റാ​ണ് ക​ർ​ഫ്യൂ​വി​ൽ ഇ​ള​വ് ന​ൽ​കി​യ​ത്.

ഇ​തോ​ടെ ജ​ന​ങ്ങ​ൾ അ​വ​ശ്യ​സാ​ധ​ന​ങ്ങ​ൾ വാ​ങ്ങാ​ൻ പു​റ​ത്തി​റ​ങ്ങി. ഇം​ഫാ​ലി​ൽ ഉ​ൾ​പ്പെ​ടെ രാ​വി​ലെ കാ​റു​ക​ളും ഓ​ട്ടോ​റി​ക്ഷ​ക​ളും നി​ര​ത്തി​ലി​റ​ങ്ങി. ക​ലാ​പ​ത്തി​ന്റെ പ്ര​ഭ​വ​കേ​ന്ദ്ര​മാ​യ ചു​രാ​ച​ന്ദ്പു​രി​ലും സം​സ്ഥാ​ന​ത്തി​ന്റെ മ​റ്റു ഭാ​ഗ​ങ്ങ​ളി​ലും പെ​ട്രോ​ൾ​പ​മ്പു​ക​ളി​ൽ കാ​റു​ക​ളു​ടെ​യും മ​റ്റു വാ​ഹ​ന​ങ്ങ​ളു​ടെ​യും നീ​ണ്ട നി​ര കാ​ണാ​മാ​യി​രു​ന്നു.

അ​തേ​സ​മ​യം, സം​സ്ഥാ​ന​ത്തും മ്യാ​ന്മ​ർ അ​തി​ർ​ത്തി​യി​ലും ഡ്രോ​ണു​ക​ളും ഹെ​ലി​കോ​പ്ട​റു​ക​ളും നി​രീ​ക്ഷ​ണം തു​ട​ർ​ന്നു. സൈ​ന്യ​വും അ​ർ​ധ​സൈ​നി​ക വി​ഭാ​ഗ​വും മ​ണി​പ്പൂ​രി​ന്റെ പ​ല പ്ര​ദേ​ശ​ങ്ങ​ളി​ലും ഫ്ലാ​ഗ് മാ​ർ​ച്ച് ന​ട​ത്തി. ക​ലാ​പം നി​യ​ന്ത്രി​ക്കാ​ൻ ​സൈ​ന്യ​വും അ​ർ​ധ​സൈ​നി​ക​രും പൊ​ലീ​സും ഉ​ൾ​പ്പെ​ടെ പ​തി​നാ​യി​ര​ത്തോ​ളം സു​ര​ക്ഷ​സേ​നാം​ഗ​ങ്ങ​ളെ​യാ​ണ് വി​ന്യ​സി​ച്ച​ത്. മ​ണി​പ്പൂ​രി​ന്റെ രാ​ജ്യാ​ന്ത​ര അ​തി​ർ​ത്തി​യി​ലും സു​ര​ക്ഷ വ​ർ​ധി​പ്പി​ച്ചി​ട്ടു​ണ്ട്. ക​ലാ​പ​ബാ​ധി​ത പ്ര​ദേ​ശ​ങ്ങ​ളി​ൽ​നി​ന്ന് സൈ​ന്യം 23,000 പേ​രെ സു​ര​ക്ഷി​ത സ്ഥാ​ന​ങ്ങ​ളി​ലേ​ക്കു മാ​റ്റി​യ​താ​യി അ​ധി​കൃ​ത​ർ അ​റി​യി​ച്ചു. മെ​യ്തേ​യി വി​ഭാ​ഗ​ത്തി​ന് പ​ട്ടി​ക​വ​ർ​ഗ​പ​ദ​വി ന​ൽ​കാ​നു​ള്ള നീ​ക്ക​ത്തി​ൽ പ്ര​തി​ഷേ​ധി​ച്ചാ​ണ് സം​സ്ഥാ​ന​ത്ത് ബു​ധ​നാ​ഴ്ച മു​ത​ൽ സം​ഘ​ർ​ഷം തു​ട​ങ്ങി​യ​ത്.