മാ​വോ​വാ​ദി വേ​ട്ട: അ​ബൂ​ജ്മ​ഡി​ൽ ആ​രു​ടെ താ​ൽ​പ​ര്യം​?

മ​ഹാ​രാ​ഷ്ട്ര​യി​ലെ ഗ​ഡ്ചി​റോ​ളി, ഗോ​ണ്ടി​യ, ഛത്തി​സ്ഗ​ഢി​ലെ ഖൈ​റാ​ഗ​ഢ്, ഛൂയ്ഖ​ഡ​ൻ, ഗ​ണ്ട​യ്, ബീ​ജാ​പു​ർ, സു​ക്മ, ബ​സ്ത​ർ, ദ​ണ്ഡേ​വാ​ഡ തു​ട​ങ്ങി​യ​വ​യാ​ണ് ഇ​ന്ത്യ​യി​ലെ ഏ​റ്റ​വും ശ​ക്ത​മാ​യ മാ​വോ​വാ​ദി കേ​ന്ദ്ര​മാ​യി അ​റി​യ​പ്പെ​ടു​ന്ന​ത്. ഇ​തി​ൽ ബീ​ജാ​പു​ർ, ദ​ണ്ഡേ​വാ​ഡ, നാ​രാ​യ​ൺ​പു​ർ എ​ന്നീ ജി​ല്ല​ക​ളു​ടെ ഭാ​ഗ​ങ്ങ​ൾ ഉ​ൾ​പ്പെ​ടു​ന്ന അ​ബൂ​ജ്മ​ഡ് എ​ന്ന വ​ന​മേ​ഖ​ല​യി​ൽ മാ​വോ​വാ​ദി​ക​ൾ ത​മ്പ​ടി​ച്ചി​രി​ക്കു​ന്നു​വെ​ന്നാ​ണ് സ​ർ​ക്കാ​റി​ന്റെ അ​വ​കാ​ശ​വാ​ദം. ക​ഴി​ഞ്ഞ മാ​സം ഈ ​മേ​ഖ​ല സ​ന്ദ​ർ​​ശി​ച്ച കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ, ​രാ​ജ്യ​ത്തെ മാ​വോ​വാ​ദി സാ​ന്നി​ധ്യ​ത്തി​ന് അ​ടു​ത്ത മാ​ർ​ച്ചോ​ടെ അ​ന്ത്യം കു​റി​ക്കു​മെ​ന്ന് പ്ര​ഖ്യാ​പി​ച്ചി​രു​ന്നു. ക​ഴി​ഞ്ഞ​ദി​വ​സം ഏ​റ്റു​മു​ട്ട​ലു​ണ്ടാ​യ​തും ഇ​തേ വ​ന​മേ​ഖ​ല​യി​ലാ​ണ്. 4000ത്തി​ൽ​പ​രം ച​തു​ര​ശ്ര കി​ലോ​മീ​റ്റ​ർ വി​സ്തൃ​തി​യു​ള്ള ഈ ​വ​ന​മേ​ഖ​ല മ​ഹാ​രാ​ഷ്ട്ര-ഛ​ത്തി​സ്ഗ​ഢ് സം​സ്ഥാ​ന​ങ്ങ​ളെ ത​മ്മി​ൽ ബ​ന്ധി​പ്പി​ക്കു​ന്നു.

ര​ണ്ടാ​യി​ര​ത്തി​ല​ധി​കം കു​ടും​ബ​ങ്ങ​ളി​ലാ​യി പ​തി​നാ​യി​ര​ത്തോ​ളം പേ​ർ താ​മ​സി​ക്കു​ന്ന ഇ​വി​ടെ ഒ​രു സൈ​നി​ക കേ​ന്ദ്രം സ്ഥാ​പി​ക്കാ​നൊ​രു​ങ്ങു​ക​യാ​ണ് കേ​ന്ദ്ര സ​ർ​ക്കാ​ർ. 2017ൽ ​പ്ര​ഖ്യാ​പി​ച്ച ഈ ​നി​ല​യ​ത്തി​നാ​യി അ​ര ല​ക്ഷം ഹെ​ക്ട​ർ ഭൂ​മി ഏ​റ്റെ​ടു​ക്കേ​ണ്ട​തു​ണ്ട്. ഇ​ത്ര​യും കു​ടും​ബ​ങ്ങ​ളെ കു​ടി​യൊ​ഴി​പ്പി​ച്ചു​വേ​ണം ഈ ​പ​ദ്ധ​തി ന​ട​പ്പാ​ക്കാ​ൻ. സ്വാ​ത​ന്ത്ര്യാ​ന​ന്ത​രം സ​ർ​വേ ന​ട​ക്കാ​ത്ത ഇ​ന്ത്യ​യി​ലെ ഏ​ക വ​ന​ഭൂ​മി​യും ഇ​താ​ണ്. ഭൂ​മി ഏ​റ്റെ​ടു​ക്ക​ൽ സം​ബ​ന്ധി​ച്ച പ്ര​ക്ഷോ​ഭ​ങ്ങ​ളും ഇ​വി​ടെ ന​ട​ക്കു​ന്നു​ണ്ട്. ഈ ​സ​മ​ര​ങ്ങ​ൾ​ക്ക് പി​ന്നി​ലും മാ​വോ​വാ​ദി​ക​ളു​ണ്ടെ​ന്നാ​ണ് റി​പ്പോ​ർ​ട്ടു​ക​ൾ. അ​തു​കൊ​ണ്ടു​ത​ന്നെ, കേ​ന്ദ്ര​ത്തി​ന്റെ മാ​വോ​വാ​ദി വേ​ട്ട​ക്കു പി​ന്നി​ൽ ഇ​ങ്ങ​നെ​യൊ​രു താ​ൽ​പ​ര്യ​മു​ള്ള​താ​യും പ​റ​യ​പ്പെ​ടു​ന്നു. അ​തേ​സ​മ​യം, കൃ​ത്യ​മാ​യ ന​ഷ്ട​പ​രി​ഹാ​രം ന​ൽ​കി​യാ​കും ഭൂ​മി ഏ​റ്റെ​ടു​ക്കു​ക എ​ന്ന​താ​ണ് സ​ർ​ക്കാ​ർ വാ​ദം. വ​ന​പ്ര​ദേ​ശ​ത്തി​ന്റെ വ​ലി​യൊ​രു ഭാ​ഗം മാ​വോ​വാ​ദി​ക​ളു​ടെ അ​ധീ​ന​ത​യി​ലാ​ണെ​ന്നും അ​ധി​കൃ​ത​ർ പ​റ​യു​ന്നു.