മൊബൈൽ ആപ്പുകളിലൂടെ ബി.ജെ.പിയുടെ വ്യാജ പ്രചാരണം

ന്യൂ​ഡ​ൽ​ഹി: മൊ​ബൈ​ൽ ആ​പ്പു​ക​ളി​ലൂ​ടെ​യും സ​മൂ​ഹ മാ​ധ്യ​മ​ങ്ങ​ളി​ലൂ​ടെ​യും ബി.​ജെ.​പി വ്യാ​ജ പ്ര​ചാ​ര​ണ​ങ്ങ​ൾ ന​ട​ത്തു​ന്ന​താ​യി റി​പ്പോ​ർ​ട്ട്. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ ന​മോ ആ​പ്പി​ൽ​നി​ന്നു​പോ​ലും വ്യാ​ജ​പ്ര​ചാ​ര​ണം നി​ർ​ബാ​ധം തു​ട​രു​ന്ന​താ​യി മാ​ധ്യ​മ​പ്ര​വ​ർ​ത്ത​ക​നാ​യ സ​മ​ർ​ഥ്​ ബ​ൻ​സാ​ൽ ക​ഴി​ഞ്ഞ​ദി​വ​സം പ്ര​സി​ദ്ധീ​ക​രി​ച്ച റി​പ്പോ​ർ​ട്ടി​ൽ പ​റ​യു​ന്നു. ക​ഴി​ഞ്ഞ കു​റ​ച്ചു​വ​ർ​ഷ​ങ്ങ​ളാ​യി രാ​ജ്യ​ത്ത്​ ന​ട​ന്ന നി​ര​വ​ധി ആ​ൾ​ക്കൂ​ട്ട ആ​ക്ര​മ​ണ​ങ്ങ​ൾ വ്യാ​ജ പ്ര​ചാ​ര​ണ​ത്തി​​​െൻറ ഫ​ല​മാ​യി​രു​ന്നു​വെ​ന്ന്​ ഇ​ത്​ ആ​രോ​പി​ച്ചു.

പാ​ർ​ട്ടി പ്ര​വ​ർ​ത്ത​ക​രും അ​നു​ഭാ​വി​ക​ളും ഒ​രു​കോ​ടി ത​വ​ണ ഡൗ​ൺ​ലോ​ഡ്​ ചെ​യ്​​ത പ്ര​ധാ​ന​മ​ന്ത്രി​യു​ടെ ‘​ന​മോ ആ​പ്പി’​ലൂ​ടെ നി​ര​വ​ധി വ്യാ​ജ പ്ര​ചാ​ര​ണ​ങ്ങ​ളാ​ണ്​ ന​ട​ത്തു​ന്ന​ത്. മു​ൻ​കൂ​ട്ടി അ​നു​മ​തി വാ​ങ്ങാ​തെ ത​ന്നെ മൂ​ന്നാം ക​ക്ഷി​ക്ക്​ ഏ​ത്​ വി​ഷ​യ​വും ഇ​തി​ലൂ​ടെ ഷെ​യ​ർ ചെ​യ്യാ​നാ​കു​മെ​ന്നും ക​ണ്ടെ​ത്തി. ക​ർ​ണാ​ട​ക​യി​ൽ ബി.​ജെ.​പി പി​ന്നി​ലാ​കാ​ൻ കാ​ര​ണം ഹി​ന്ദു വോ​ട്ടു​ക​ൾ കു​റ​ഞ്ഞ​താ​ണെ​ന്ന അ​ടു​ത്ത കാ​ല​ത്തു​ണ്ടാ​യ പ്ര​ചാ​ര​ണം വ​സ്​​തു​താ​പ​ര​മ​ല്ല. തെ​ര​ഞ്ഞെ​ടു​പ്പ്​ ക​മീ​ഷ​​​െൻറ വി​വ​ര​ങ്ങ​ളി​ലൊ​ന്നും ഇ​ത്ത​രം വി​ധി​യെ​ഴു​ത്ത്​ അ​വി​ടെ ഉ​ണ്ടാ​യ​താ​യി ക​ണ്ടെ​ത്താ​നാ​യി​ല്ല.

കോ​ൺ​ഗ്ര​സ്​ അ​ധ്യ​ക്ഷ​ൻ രാ​ഹു​ൽ ഗാ​ന്ധി​യു​ടെ ഇ​രി​പ്പി​ടം മു​ഗ​ൾ ച​ക്ര​വ​ർ​ത്തി​യു​ടെ പ​ശ്ചാ​ത്ത​ല ചി​ത്ര​ത്തി​ന്​ പി​ന്നി​ലാ​ണെ​ന്നാ​യി​രു​ന്നു മ​റ്റൊ​രു വ്യാ​ജ​ പ്ര​ചാ​ര​ണം. ഇ​ത്​ ഫോ​േ​ട്ടാ​ഷോ​പ് ചെ​യ്​​ത​താ​ണെ​ന്ന്​ പി​ന്നീ​ട്​ വ്യ​ക്ത​മാ​യി​രു​ന്നു.