മു​ഡ ഭൂ​മി ഇ​ട​പാ​ട് കേ​സ്; സി​ദ്ധ​രാ​മ​യ്യ​ക്ക് പി​ന്തു​ണ​യു​മാ​യി ജെ.​ഡി.​എ​സ് നേ​താ​വ്

ബം​ഗ​ളൂ​രു: മൈ​സൂ​രു വി​ക​സ​ന അ​തോ​റി​റ്റി (മു​ഡ) മു​ഖേ​ന ന​ട​ന്ന ഭൂ​മി ഇ​ട​പാ​ടി​ന്റെ പേ​രി​ൽ കേ​സ് നേ​രി​ടു​ന്ന മു​ഖ്യ​മ​ന്ത്രി സി​ദ്ധ​രാ​മ​യ്യ​ക്ക് പി​ന്തു​ണ​യു​മാ​യി ജെ.​ഡി.​എ​സ് ക​ർ​ണാ​ട​ക കോ​ർ ക​മ്മി​റ്റി ചെ​യ​ർ​മാ​ൻ ജി.​ടി.​ദേ​വ​ഗൗ​ഡ എം.​എ​ൽ.​എ രം​ഗ​ത്ത്. എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്തു എ​ന്ന കാ​ര​ണ​ത്താ​ൽ മു​ഖ്യ​മ​ന്ത്രി രാ​ജി​വെ​ക്ക​ണ​മെ​ന്നാ​വ​ശ്യ​പ്പെ​ടു​ന്ന ത​ന്റെ പാ​ർ​ട്ടി അ​ധ്യ​ക്ഷ​ൻ എ​ച്ച്.​ഡി.​കു​മാ​ര സ്വാ​മി ആ​ദ്യം കേ​ന്ദ്ര മ​ന്ത്രി സ്ഥാ​നം ഒ​ഴി​യ​ട്ടേ​യെ​ന്ന് മൈ​സൂ​രു ദ​സ​റ ആ​ഘോ​ഷ​വു​മാ​യി ബ​ന്ധ​പ്പെ​ട്ട ച​ട​ങ്ങി​ൽ ഗൗ​ഡ തു​റ​ന്ന​ടി​ച്ചു.

എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്തു എ​ന്ന​തി​ന്റെ പേ​രി​ൽ സി​ദ്ധ​രാ​മ​യ്യ മു​ഖ്യ​മ​ന്ത്രി പ​ദ​വി രാ​ജി​വെ​ക്കേ​ണ്ട​തി​ല്ല. മു​മ്പ് എ​ച്ച്.​ഡി. കു​മാ​ര സ്വാ​മി​ക്കെ​തി​രെ​യും എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്തി​ട്ടു​ണ്ട്. അ​ദ്ദേ​ഹം കേ​ന്ദ്ര മ​ന്ത്രി സ്ഥാ​നം ഒ​ഴി​യു​മോ? സി​ദ്ധ​രാ​മ​യ്യ​യോ​ട് രാ​ജി​വെ​ക്കാ​ൻ ആ​വ​ശ്യ​പ്പെ​ടു​മ്പോ​ൾ അ​ത് ചെ​യ്തു കാ​ണി​ക്ക​ട്ടെ. ഖ​നി, റി​യ​ൽ എ​സ്റ്റേ​റ്റു​കാ​ർ ക​ർ​ണാ​ട​ക ഭ​രി​ച്ച​ത് ജ​ന​ങ്ങ​ൾ മ​റ​ന്നി​ട്ടി​ല്ല. സി​ദ്ധ​രാ​മ​യ്യ രാ​ഷ്ട്രീ​യ​ക്കാ​ര​നാ​ണ്. പൊ​തു​പ്ര​വ​ർ​ത്ത​നം അ​ല്ലാ​തെ അ​ദ്ദേ​ഹ​ത്തി​ന് മ​റ്റു ഏ​ർ​പ്പാ​ടു​ക​ളി​ല്ല. ചി​ല്ലു​കൊ​ട്ടാ​ര​ത്തി​ൽ ഇ​രി​ക്കു​ന്ന​വ​ർ​ക്ക് സി​ദ്ധ​രാ​മ​യ്യ​യെ മ​ന​സ്സി​ലാ​വി​ല്ല. ദീ​ർ​ഘ​കാ​ല​മാ​യി എ​നി​ക്ക് അ​റി​യാം. ജ​ന​മ​ന​സ്സി​ലും അ​ദ്ദേ​ഹം ഉ​ണ്ട്. 135 എം.​എ​ൽ.​എ​മാ​രു​ടെ പി​ന്തു​ണ​യോ​ടെ​യാ​ണ്സി ​ദ്ധ​രാ​മ​യ്യ മു​ഖ്യ​മ​ന്ത്രി​യാ​യ​ത്. ബി.​ജെ.​പി​യോ​ടൊ​പ്പം നി​ന്ന്കേ ​ന്ദ്ര മ​ന്ത്രി​യാ​യ അ​വ​നോ അ​വ​ളോ ആ​രു​മാ​ക​ട്ടെ യാ​ഥാ​ർ​ഥ്യ​ബോ​ധ​ത്തോ​ടെ സം​സാ​രി​ക്ക​ണം.

മു​ഖ്യ​മ​ന്ത്രി​യു​ടെ​യും സ​ർ​ക്കാ​റി​ന്റേ​യും ജ​ന​സേ​വ​ന​മാ​ണ് കേ​ന്ദ്ര മ​ന്ത്രി കാ​ണേ​ണ്ട​ത്. അ​ല്ലാ​തെ തി​ക​ച്ചും അ​പ്ര​തീ​ക്ഷി​ത​മാ​യി അ​ദ്ദേ​ഹം പെ​ട്ട കേ​സ​ല്ല. ഭാ​ര്യ ബി.​എം. പാ​ർ​വ​തി​യി​ൽ നി​ന്ന് ‘മു​ഡ’ ഏ​റ്റെ​ടു​ത്ത 3.16 ഏ​ക്ക​റി​ന് പ​ക​രം ന​ൽ​കി​യ 14 പ്ലോ​ട്ടു​ക​ളു​ടെ പേ​രി​ലാ​ണ് സി​ദ്ധ​രാ​മ​യ്യ​യെ പ്ര​തി ചേ​ർ​ത്ത​ത്. ഇ​ത്ര​യും ഭൂ​മി പാ​ർ​വ​തി മു​ഡ​ക്ക് തി​രി​ച്ചു ന​ൽ​കു​ക​യും ചെ​യ്തു. മു​ഖ്യ​മ​ന്ത്രി​യു​ടെ രാ​ജി​ക്ക് തി​ടു​ക്കം കാ​ട്ടു​ന്ന നി​യ​മ​സ​ഭ പ്ര​തി​പ​ക്ഷ നേ​താ​വ് ആ​ർ. അ​ശോ​ക​യു​ടെ പേ​രി​ലു​മു​ണ്ട് എ​ഫ്.​ഐ.​ആ​ർ. മു​ൻ മു​ഖ്യ​മ​ന്ത്രി​മാ​രാ​യ കെ​ങ്ക​ൽ ഹ​നു​മ​ന്ത​യ്യ, വീ​രേ​ന്ദ്ര പാ​ട്ടീ​ൽ, രാ​മ​കൃ​ഷ്ണ ഹെ​ഗ്ഡെ, എ​ച്ച്.​ഡി. ദേ​വ​ഗൗ​ഡ, എ​സ്.​എം.​കൃ​ഷ്ണ എ​ന്നി​വ​രു​ടെ ഭ​ര​ണ​കാ​ലം പ്ര​തി​പ​ക്ഷ നേ​താ​ക്ക​ൾ എ​ന്തു​കൊ​ണ്ടാ​ണ് ത​മ​സ്ക​രി​ക്കു​ന്ന​ത്? ഖ​നി കും​ഭ​കോ​ണ​വും റി​യ​ൽ എ​സ്റ്റേ​റ്റ് മാ​ഫി​യ ബ​ന്ധ​വും അ​ല്ലാ​യി​രു​ന്നു അ​വ​രു​ടേ​ത്. ക​ർ​ണാ​ട​ക​യെ രാ​ജ്യ​ത്തി​ന് മാ​തൃ​ക​യാ​ക്കി​യ ഭ​ര​ണ​മാ​യി​രു​ന്നു. ആ ​മ​ഹി​ത ച​രി​തം ത​മ​സ്ക​രി​ക്കു​ന്ന​വ​ർ സി​ദ്ധ​രാ​മ​യ്യ​യെ താ​റ​ടി​ക്കു​ന്ന​തി​ൽ അ​ത്ഭു​ത​മി​ല്ലെ​ന്നും ജി.ടി. ദേ​വ ഗൗ​ഡ പ​റ​ഞ്ഞു.