എൻ.സി.പി നേതാവ് സച്ചിൻ കുർമി കൊല്ലപ്പെട്ടു

ന്യൂഡൽഹി: എൻ.സി.പി(അജിത് പവാർ വിഭാഗം) നേതാവ് സച്ചിൻ കുർമി കൊല്ലപ്പെട്ടു. ബുധനാഴ്ച രാത്രി മുംബൈയിലെ ബൈകുള മേഖലയിലാണ് സച്ചിൻ കുർമിയുടെ മൃതദേഹം കണ്ടെത്തിയത്.

ഒരു സംഘം അജ്ഞാതരായ ആളുകൾ മൂർച്ചയേറിയ ആയുധമുപയോഗിച്ച് സച്ചിനെ കൊലപ്പെടുത്തുകയായിരുന്നുവെന്ന് പൊലീസ് പറഞ്ഞു. വിവരം ലഭിച്ചയുടൻ സച്ചിനെ പൊലീസ് ആശുപത്രിയിൽ പ്രവേശിച്ചുവെങ്കിലും മരിക്കുകയായിരുന്നു. സംഭവത്തിൽ മുംബൈ പൊലീസ് കേസെടുത്ത് അന്വേഷണം തുടങ്ങി.