പാക് സൈനിക ഹെലികോപ്റ്റർ തകർന്നു; കമാൻഡർ അടക്കം ആറ്‌ മരണം

ഇസ്ലാമാബാദ്: കറാച്ചിയില്‍ നിന്ന് പുറപ്പെട്ട എ.എസ് 350 സൈനിക ഹെലികോപ്റ്റർ തകർന്നുവീണ് ആറുപേർ മരിച്ചു. ഇസ്‌ലാമാബാദ് പാകിസ്താന്‍ ആര്‍മി കമാന്‍ഡര്‍ അടക്കമുള്ളവര്‍ സഞ്ചരിച്ച സൈനിക ഹെലികോപ്റ്ററാണ് തകര്‍ന്നുവീണത് . ലെഫ്റ്റനന്റ് ജനറല്‍ സര്‍ഫ്രാസ് അലി, ബ്രിഗേഡ്. അംജദ് ഹനീഫ് (ഡി.ജി. കോസ്റ്റ് ഗാര്‍ഡ്), മാജ് സഈദ് (പൈലറ്റ്), മാജ് തല്‍ഹ (കോ പൈലറ്റ്), നായ്ക് മുദസിര്‍ (ഹെലി ക്ര്യൂ) തുടങ്ങിയവരാണ് കോപ്റ്ററിൽ ഉണ്ടായിരുന്നത്.

ബലൂചിസ്താനിലെ ലാസ്‌ബെലയിൽവെച്ചായിരുന്നു അപകടം . ബലൂച് വിമതര്‍ ഹെലികോപ്റ്റര്‍ വെടിവെച്ചിട്ടതാണെന്ന സൂചനകൾ പുറത്തുവരുന്നുണ്ട്. തിങ്കളാഴ്ച രാത്രിയോടെയായിരുന്നു സംഭവം. ബലൂചിസ്താനിലെ പ്രളയ ദുരുതാശ്വാസ പ്രവര്‍ത്തനങ്ങള്‍ നടത്തിയിരുന്ന ഹെലികോപ്റ്ററാണ് അപകടത്തിൽപ്പെട്ടത്.