രാഹുൽ ഇനിയും മനസ്സുതുറന്നിട്ടില്ല -വേണുഗോപാൽ

ന്യൂ​ഡ​ൽ​ഹി: കോ​ൺ​ഗ്ര​സ്​ അ​ധ്യ​ക്ഷ​നാ​കു​ന്ന കാ​ര്യ​ത്തി​ൽ രാ​ഹു​ൽ ഗാ​ന്ധി ഇ​നി​യും മ​ന​സ്സു​തു​റ​ന്നി​ട്ടി​ല്ലെ​ന്ന്​ എ.​ഐ.​സി.​സി ജ​ന​റ​ൽ സെ​ക്ര​ട്ട​റി​യും രാ​ഹു​ലി​ന്‍റെ വി​ശ്വ​സ്ത​നു​മാ​യ കെ.​സി. വേ​ണു​ഗോ​പാ​ൽ. പ്ര​സി​ഡ​ന്‍റ്​ സ്ഥാ​ന​ത്തേ​ക്ക്​ മ​ത്സ​രി​ക്കു​ന്ന​കാ​ര്യ​ത്തി​ല​ട​ക്കം, അ​ദ്ദേ​ഹ​ത്തി​നു മാ​ത്ര​മേ തീ​രു​മാ​ന​മെ​ടു​ക്കാ​ൻ ക​ഴി​യൂ. രാ​ഹു​ൽ പ്ര​സി​ഡ​ന്‍റ്​ സ്ഥാ​ന​മേ​ൽ​ക്ക​ണ​മെ​ന്ന വി​വി​ധ സം​സ്ഥാ​ന ഘ​ട​ക​ങ്ങ​ളു​ടെ ആ​വ​ശ്യം, കോ​ൺ​ഗ്ര​സ്​ പ്ര​വ​ർ​ത്ത​ക​രു​ടെ വി​കാ​ര​ത്തി​ന്‍റെ പ്ര​ക​ട​ന​മാ​ണ്. അ​തി​ൽ തെ​റ്റു​പ​റ​യാ​ൻ പ​റ്റി​ല്ലെ​ന്നും വേ​ണു​ഗോ​പാ​ൽ പ​റ​ഞ്ഞു. സോ​ണി​യ ഗാ​ന്ധി​യു​മാ​യി ന​ട​ത്തി​യ കൂ​ടി​ക്കാ​ഴ്ച​ക്ക്​ ശേ​ഷം മാ​ധ്യ​മ​പ്ര​വ​ർ​ത്ത​ക​രോ​ട്​ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

പ്ര​സി​ഡ​ന്‍റ്​ സ്ഥാ​ന​ത്തേ​ക്കു​ള്ള തെ​ര​ഞ്ഞെ​ടു​പ്പ്​ സ്വ​ത​ന്ത്ര​വും സു​താ​ര്യ​വു​മാ​യി പാ​ർ​ട്ടി ന​ട​ത്തും. ശ​ശി ത​രൂ​രി​ന്​ മാ​ത്ര​മ​ല്ല, ആ​ർ​ക്കും മ​ത്സ​രി​ക്കാം. തെ​ര​ഞ്ഞെ​ടു​പ്പു​ത​ന്നെ മ​ത്സ​രി​ക്കു​ന്ന​തി​ന്​ അ​വ​സ​രം ഒ​രു​ക്ക​ലാ​ണ്. ഭാ​ര​ത്​ ജോ​ഡോ യാ​ത്ര​യു​ടെ തി​ര​ക്കു​ക​ൾ​ക്കി​ട​യി​ലും സം​ഘ​ട​നാ​കാ​ര്യ​ങ്ങ​ൾ യ​ഥാ​സ​മ​യം മു​​ന്നോ​ട്ടു​നീ​ക്കു​ന്ന​ത് സം​ബ​ന്ധി​ച്ച കാ​ര്യ​ങ്ങ​ളാ​ണ്​ സോ​ണി​യ​യു​മാ​യി ച​ർ​ച്ച ചെ​യ്ത​തെ​ന്ന് വേ​ണു​ഗോ​പാ​ൽ വി​ശ​ദീ​ക​രി​ച്ചു.