മഞ്ഞയിൽ ചേലൊത്ത സുന്ദരൻ; വിസ്​മയമായി ഈ ആമ

കൊൽക്കത്ത: പശ്ചിമ ബംഗാളിലെ ബുർദ്​വാനിലെ കുളത്തിൽനിന്ന്​ ക​ണ്ടെടുത്ത ഈ 'സുന്ദരക്കുട്ടപ്പ​നെ' കണ്ട്​ അതിശയം കൂറുകയാണ്​ ആളുകൾ. ശരീരം മുഴുവൻ മഞ്ഞയിൽ പൊതിഞ്ഞ്​ മനോഹരനായ ആമയാണ്​ ത​െൻറ വേറിട്ട നിറവുമായി സാമൂഹിക മാധ്യമങ്ങളിൽ വൈറലായത്​. ഇന്ത്യൻ ഫോറസ്​റ്റ്​​ സർവിസ്​ ഉദ്യോഗസ്​ഥനായ ദേബാശിഷ്​ ശർമ ട്വിറ്ററിൽ ചിത്രം പങ്കുവെച്ചതോടെയാണ്​ മഞ്ഞ ആമ 'താര'മായത്​.

വിരളമായി മാത്രം കണ്ടുവരുന്നവയാണ്​ മഞ്ഞനിറത്തിലുള്ള ആമകൾ. ജനിതക മാറ്റം വഴിയോ ടൈറോസിൻ പിഗ്​മെൻറി​െൻറ അഭാവം കാരണമുള്ള ജന്മനാലുള്ള തകരാറുകൾ വഴിയോ ആവാം ഇത്തരം ആമകൾക്ക്​ മഞ്ഞ നിറം ലഭിക്കുന്നതെന്ന്​​ ട്വീറ്റിൽ ദേബാശിഷ്​ ശർമ കുറിച്ചു.

ദേബാശിഷി​െൻറ പോസ്​റ്റ്​ നിരവധി പേരാണ്​ ഷെയർ ചെയ്​തത്​. ജീവിതത്തിലാദ്യമായാണ്​ മഞ്ഞ നിറത്തിലുള്ള ആമയെ കാണുന്നതെന്ന്​ പലരും അദ്​ഭുതത്തോടെ കുറിച്ചു.