പവാറിന്റെ ക്ഷണം നിരസിച്ച്​ ഷിൻഡെയും ഫഡ്​നാവിസും

മും​ബൈ: അ​ത്താ​ഴ വി​രു​ന്നി​നു​ള്ള എ​ൻ.​സി.​പി സ്ഥാ​പ​ക​ൻ ശ​ര​ദ്​ പ​വാ​റി​ന്റെ ക്ഷ​ണം നി​ര​സി​ച്ച്​ മ​ഹാ​രാ​ഷ്ട്ര മു​ഖ്യ​മ​ന്ത്രി ഏ​ക്​​നാ​ഥ്​ ഷി​ൻ​ഡെ​യും ഉ​പ​മു​ഖ്യ​മ​ന്ത്രി ബി.​ജെ.​പി​യി​ലെ ദേ​വേ​ന്ദ്ര ഫ​ഡ്​​നാ​വി​സും. പാ​ർ​ട്ടി പി​ള​ർ​ത്തി ബി.​ജെ.​പി പാ​ള​യ​ത്തേ​ക്കു​പോ​യ ജ്യേ​ഷ്ഠ​പു​ത്ര​നും ഉ​പ​മു​ഖ്യ​മ​ന്ത്രി​യു​മാ​യ അ​ജി​ത്​ പ​വാ​റി​നെ​യും അ​ത്താ​ഴ​ത്തി​ന്​ ക്ഷ​ണി​ച്ചി​രു​ന്നു. അ​ജി​ത്​ പ്ര​തി​ക​രി​ച്ചി​ട്ടി​ല്ല. ശ​നി​യാ​ഴ്ച ബാ​രാ​മ​തി​യി​ൽ ന​ട​ക്കു​ന്ന തൊ​ഴി​ൽ മേ​ള​ക്കെ​ത്തു​ന്ന മൂ​വ​രെ​യും പ​വാ​ർ വീ​ട്ടി​ലേ​ക്ക്​ ക്ഷ​ണി​ക്കു​ക​യാ​യി​രു​ന്നു. അ​ജി​ത്​ പ​വാ​റി​ന്റെ മേ​ൽ​നോ​ട്ട​ത്തി​ലാ​ണ്​ തൊ​ഴി​ൽ മേ​ള.

മു​ഖ്യ​മ​ന്ത്രി​യാ​യ​ശേ​ഷം ഷി​ൻ​ഡെ ആ​ദ്യ​മാ​യി ത​ന്റെ നാ​ട്ടി​ൽ വ​രു​ന്ന​തി​നാ​ൽ ക്ഷ​ണി​ച്ച​താ​ണെ​ന്നാ​ണ്​ പ​വാ​റി​ന്റെ വി​ശ​ദീ​ക​ര​ണം. എ​ന്നാ​ൽ, താ​ൽ​പ​ര്യ​മു​ണ്ടെ​ങ്കി​ലും നേ​ര​ത്തെ നി​ശ്ച​യി​ച്ച തി​ര​ക്കു​ക​ളെ​ത്തു​ട​ർ​ന്ന്​ വ​രാ​നാ​കി​ല്ലെ​ന്ന്​​ മ​റു​പ​ടി​ക്ക​ത്തി​ൽ ഷി​ൻ​ഡെ​യും ഫ​ഡ്​​നാ​വി​സും പ​വാ​റി​നെ അ​റി​യി​ച്ചു. മു​ഖ്യ​മ​ന്ത്രി​മാ​ർ ബാ​രാ​മ​തി​യി​ൽ എ​ത്തി​യാ​ൽ അ​വ​രെ ക്ഷ​ണി​ക്കു​ന്ന​ത്​ പ​വാ​റി​ന്റെ പ​തി​വാ​ണെ​ന്നാ​ണ്​ മ​ക​ളും എം.​പി​യു​മാ​യ സു​പ്രി​യ സു​ലെ​യു​ടെ​യും പ്ര​തി​ക​ര​ണം.

അ​തേ​സ​മ​യം, അ​ത്താ​ഴ​ത്തി​നു​ള്ള ക്ഷ​ണം പ​വാ​ർ തൊ​ടു​ത്തു​വി​ട്ട അ​സ്ത്ര​മാ​ണെ​ന്ന്​​ വി​ല​യി​രു​ത്ത​ലു​ണ്ട്. ക്ഷ​ണം നി​ര​സി​ച്ചാ​ലും സ്വീ​ക​രി​ച്ചാ​ലും പ​വാ​റി​ന്​ ഗു​ണം​ചെ​യ്യു​മെ​ന്ന​താ​ണ്​ മ​റ്റൊ​ന്ന്. സൂ​ക്ഷ്മ​ത​യോ​ടെ​യാ​ണ്​ ഷി​ൻ​ഡെ​യും ഫ​ഡ്​​നാ​വി​സും വി​രു​ന്നി​ന്​ വ​ര​നാ​കി​ല്ലെ​ന്ന്​ മ​റു​പ​ടി ന​ൽ​കി​യ​ത്. പ​വാ​റി​ന്റെ ഇ​ൻ​സ്റ്റി​റ്റ്യൂ​ട്ടാ​യ വി​ദ്യ​പ​രി​ഷ്​​താ​നി​ലാ​ണ്​ തൊ​ഴി​ൽ മേ​ള ന​ട​ക്കു​ന്ന​തെ​ങ്കി​ലും ച​ട​ങ്ങി​ന്​ പ​വാ​റി​നെ ക്ഷ​ണി​ച്ചി​ട്ടി​ല്ല എ​ന്ന​തും ശ്ര​ദ്ധേ​യ​മാ​ണ്. അ​തേ​സ​മ​യം, പ​വാ​റി​ന്റെ പാ​ർ​ട്ടി എം.​പി​മാ​രാ​യ സു​പ്രി​യ, അ​മോ​ൽ കോ​ലെ, രാ​ജ്യ​സ​ഭാം​ഗം വ​ന്ദ​ന ച​വാ​ൻ എ​ന്നി​വ​രെ ക്ഷ​ണി​ച്ചി​ട്ടു​ണ്ട്.