ഹിജാബ്: കു​റ​ച്ചു​കൂ​ടി മെ​ച്ച​പ്പെ​ട്ട വി​ധി​യാ​ണ് പ്ര​തീ​ക്ഷി​ച്ച​തെന്ന് കർണാടക മന്ത്രി; ഭിന്നവിധി കർണാടക സർക്കാറിന് താൽക്കാലിക തിരിച്ചടി

ബം​ഗ​ളൂ​രു: ശി​രോ​വ​സ്ത്ര നി​രോ​ധ​ന​വു​മാ​യി ബ​ന്ധ​പ്പെ​ട്ട കേ​സി​ൽ സു​പ്രീം​കോ​ട​തി​യി​ലെ ര​ണ്ടം​ഗ ബെ​ഞ്ച് ഭി​ന്ന​വി​ധി പു​റ​പ്പെ​ടു​വി​ച്ച​ത് ക​ർ​ണാ​ട​ക​യി​ലെ ബി.​ജെ.​പി സ​ർ​ക്കാ​റി​നേ​റ്റ പ്ര​ഹ​രം. യൂ​നി​ഫോ​മി​ന്റെ പേ​രി​ൽ ശി​രോ​വ​സ്ത്ര​വി​ഷ​യ​ത്തി​ൽ കാ​മ്പ​സു​ക​ളി​ൽ സാ​മൂ​ഹി​ക ധ്രു​വീ​ക​ര​ണ​ത്തി​നും വ​ർ​ഗീ​യ വേ​ർ​തി​രി​വി​നും വ​ഴി​വെ​ച്ച ബി.​ജെ.​പി സ​ർ​ക്കാ​റി​ന്റെ നീ​ക്ക​ത്തി​നാ​ണ് ജ​സ്റ്റി​സ് സു​ധാ​ൻ​ശു ധു​ലി​യ​യു​ടെ വി​ധി​യി​ൽ താ​ൽ​ക്കാ​ലി​ക തി​രി​ച്ച​ടി​യാ​യ​ത്.

കേ​സി​ൽ സു​പ്രീം​കോ​ട​തി​യി​ൽ​നി​ന്ന് മെ​ച്ച​പ്പെ​ട്ട വി​ധി​യാ​ണ് പ്ര​തീ​ക്ഷി​ച്ച​തെ​ന്നാ​യി​രു​ന്നു ക​ർ​ണാ​ട​ക പ്രൈ​മ​റി ആ​ൻ​ഡ് സെ​ക്ക​ൻ​ഡ​റി വി​ദ്യാ​ഭ്യാ​സ മ​ ന്ത്രി ബി.​സി. നാ​​ഗേ​ഷി​ന്റെ പ്ര​തി​ക​ര​ണം.

'ജ​നാ​ധി​പ​ത്യ സ​ർ​ക്കാ​ർ എ​ന്ന നി​ല​യി​ൽ സു​പ്രീം​കോ​ട​തി​യി​ൽ​നി​ന്നു​ള്ള വി​ധി​യെ സ്വാ​ഗ​തം ചെ​യ്യു​ന്നു. എ​ന്നാ​ൽ, കു​റ​ച്ചു​കൂ​ടി മെ​ച്ച​പ്പെ​ട്ട വി​ധി​യാ​ണ് ഞ​ങ്ങ​ൾ പ്ര​തീ​ക്ഷി​ച്ച​ത്. ഇ​റാ​ൻ, ഇ​റാ​ഖ്, സ്വി​റ്റ്സ​ർ​ല​ൻ​ഡ് തു​ട​ങ്ങി​യ രാ​ജ്യ​ങ്ങ​ളി​ൽ ശി​രോ​വ​സ്ത്ര​ത്തി​നും (ഹി​ജാ​ബ്) മു​ഖാ​വ​ര​ണ​ത്തി​നും (ബു​ർ​ഖ) എ​തി​രെ വ​നി​ത​ക​ൾ രം​ഗ​ത്തി​റ​ങ്ങി​യ പ​ശ്ചാ​ത്ത​ല​ത്തി​ൽ ക​ർ​ണാ​ട​ക ഹൈ​കോ​ട​തി​യു​ടെ വി​ധി സു​പ്രീം​കോ​ട​തി ഉ​യ​ർ​ത്തി​പ്പി​ടി​ക്കു​മെ​ന്നാ​ണ് ക​രു​തി​യ​ത്. എ​ന്നാ​ൽ, നി​രാ​ശ​പ്പെ​ടു​ത്തി. ശി​രോ​വ​സ്ത്ര നി​രോ​ധ​നം തു​ട​രും. ക്ലാ​സ് മു​റി​ക​ളി​ൽ ഒ​രു വി​ദ്യാ​ർ​ഥി​യെ​യും ശി​രോ​വ​സ്ത്രം ധ​രി​ക്കാ​ൻ അ​നു​വ​ദി​ക്കി​ല്ല എ​ന്ന കാ​ര്യ​ത്തി​ൽ ഒ​രു മാ​റ്റ​വു​മി​ല്ല. ക്ലാ​സ് മു​റി​ക​ളി​ൽ മ​ത​പ​ര​മാ​യ ഒ​രു കാ​ര്യ​വും ക​ർ​ണാ​ട​ക വി​ദ്യാ​ഭ്യാ​സ നി​യ​മം അ​നു​വ​ദി​ക്കു​ന്നി​ല്ല. യൂ​നി​ഫോ​മി​ന്റെ കാ​ര്യ​ത്തി​ൽ ക​ർ​ണാ​ട​ക ഹൈ​കോ​ട​തി പു​റ​പ്പെ​ടു​വി​ച്ച ഉ​ത്ത​ര​വ് ഇ​​പ്പോ​ഴും ബാ​ധ​ക​മാ​ണ്' -അ​ദ്ദേ​ഹം വ്യ​ക്ത​മാ​ക്കി.

വി​ധി പ​ഠി​ച്ച​ശേ​ഷം പ്ര​തി​ക​രി​ക്കാ​മെ​ന്ന് മു​ഖ്യ​മ​ന്ത്രി ബ​സ​വ​രാ​ജ് ബൊ​മ്മൈ പ​റ​ഞ്ഞു. അ​തേ​സ​മ​യം, സു​പ്രീം​കോ​ട​തി ഭി​ന്ന​വി​ധി പു​റ​പ്പെ​ടു​വി​ച്ചെ​ങ്കി​ലും ശി​രോ​വ​സ്ത്ര നി​രോ​ധ​ന​ത്തി​ൽ​നി​ന്ന് ഒ​ര​ടി​പോ​ലും പി​റ​കോ​ട്ടി​ല്ലെ​ന്ന് ക​ന്ന​ഡ സാം​സ്കാ​രി​ക മ​ന്ത്രി വി. ​സു​നി​ൽ കു​മാ​ർ വ്യ​ക്ത​മാ​ക്കി. ക​ർ​ണാ​ട​ക ഹൈ​കോ​ട​തി വി​ധി​ക്കെ​തി​രെ സു​പ്രീം​കോ​ട​തി​യെ സ​മീ​പി​ച്ച​തി​ന് പി​ന്നി​ൽ വ​ർ​ഗീ​യ ശ​ക്തി​ക​ളു​ടെ ഗൂ​ഢാ​ലോ​ച​ന​യു​ണ്ടെ​ന്നും അ​ദ്ദേ​ഹം ആ​രോ​പി​ച്ചു. കേ​സ് ചീ​ഫ് ജ​സ്റ്റി​സി​ന് വി​ട്ട സ്ഥി​തി​ക്ക് ക​ർ​ണാ​ട​ക സ​ർ​ക്കാ​ർ അ​ന്തി​മ വി​ധി കാ​ത്തി​രി​ക്കു​ക​യാ​ണെ​ന്ന് ആ​ഭ്യ​ന്ത​ര മ​ന്ത്രി അ​ര​ഗ ജ്ഞാ​നേ​ന്ദ്ര പ്ര​തി​ക​രി​ച്ചു.

1983ലെ ​ക​ർ​ണാ​ട​ക വി​ദ്യാ​ഭ്യാ​സ നി​യ​മ​ത്തി​ന്റെ അ​ടി​സ്ഥാ​ന​ത്തി​ൽ ക​ഴി​ഞ്ഞ ഫെ​ബ്രു​വ​രി അ​ഞ്ചി​നാ​യി​രു​ന്നു കാ​മ്പ​സു​ക​ളി​ൽ ശി​രോ​വ​സ്ത്രം നി​രോ​ധി​ച്ച് ക​ർ​ണാ​ട​ക സ​ർ​ക്കാ​ർ ഉ​ത്ത​ര​വി​റ​ക്കി​യ​ത്. ഈ ​ഉ​ത്ത​ര​വി​നെ​തി​രെ ഉ​ഡു​പ്പി ഗ​വ. പി.​യു കോ​ള​ജി​ലെ​യും കു​ന്താ​പു​ര ഗ​വ. പി.​യു കോ​ള​ജി​ലെ​യും ഏ​താ​നും വി​ദ്യാ​ർ​ഥി​നി​ക​ൾ ക​ർ​ണാ​ട​ക ഹൈ​കോ​ട​തി​യെ സ​മീ​പി​ച്ചു.

സു​ദീ​ർ​ഘ​മാ​യ വാ​ദ​ത്തി​നു​ശേ​ഷം ചീ​ഫ് ജ​സ്റ്റി​സ് ഋ​തു​രാ​ജ് അ​വ​സ്തി, ജ​സ്റ്റി​സു​മാ​രാ​യ കൃ​ഷ്ണ എ​സ്. ദീ​ക്ഷി​ത്, ജൈ​ബു​ന്നി​സ എം. ​ഖാ​സി എ​ന്നി​വ​ര​ട​ങ്ങു​ന്ന ബെ​ഞ്ച് ഹ​ര​ജി​ക​ൾ ത​ള്ളി മാ​ർ​ച്ച് 15ന് ​ഉ​ത്ത​ര​വി​ടു​ക​യാ​യി​രു​ന്നു. ഇ​തോ​ടെ​യാ​ണ് ഹ​ര​ജി​ക്കാ​ർ അ​പ്പീ​ലു​മാ​യി സു​പ്രീം​കോ​ട​തി​യെ സ​മീ​പി​ച്ച​ത്. സു​പ്രീം​കോ​ട​തി വി​ധി​യു​ടെ പ​ശ്ചാ​ത്ത​ല​ത്തി​ൽ ഉ​ഡു​പ്പി, മം​ഗ​ളൂ​രു, ചി​ക്ക​മ​ഗ​ളൂ​രു, ശി​വ​മൊ​ഗ്ഗ, കു​ട​ക് മേ​ഖ​ല​ക​ളി​ൽ സു​ര​ക്ഷ ശ​ക്ത​മാ​ക്കി.