തീവ്രവാദികളും നക്​സലുകളും ബി.ജെ.പി ഭരണം ഭയക്കുന്നു- യോഗി ആദിത്യനാഥ്​

റായ്​പുർ: തീവ്രവാദികളും നക്​സലുകളും ബി.ജെ.പി ഭരണത്തെ ഭയക്കുന്നുവെന്ന്​ ഉത്തർപ്രദേശ്​ മുഖ്യമന്ത്രി യോഗി ആദിത്യനാഥ്​. ഭീകരരും മാവോയിസ്​റ്റുകളുമെല്ലാം ബി.ജെ.പി സർക്കാറിനെ ഭയക്കുന്നു. അവർ ബി.ജെ.പി ഭരണത്തിലുള്ള സ്ഥലങ്ങളിലേക്ക്​ അടുക്കുന്നില്ല, എന്തുകൊണ്ടെന്നാൽ അവർ ജയിലിലടക്കപ്പെടുമെന്നോ അല്ലെങ്കിൽ കൊല്ലപ്പെടുമെന്നോ ഉറപ്പാണ്. ഇത്​ കൂടാതെ മൂന്നാമതൊരു കാര്യം നടക്കില്ലെന്നും യോഗി പറഞ്ഞു. റായ്​പൂരി​ൽ തെരഞ്ഞെടുപ്പ്​ റാലിയിൽ സംസാരിക്കുകയായിരുന്നു അദ്ദേഹം.

ഛത്തിസ്​ഗഢിൽ കോൺഗ്രസ്​ ഭരണം തുടങ്ങി 5-6 മാസത്തിനുള്ളിൽ എല്ലാ സംവിധാനങ്ങളും തകരാറിലായിരിക്കയാണ്​. 55-60 വർഷത്തെ ഭരണത്തിലൂടെ കോൺഗ്രസ്​ സർക്കാർ രാജ്യത്തെ കട്ടുമുടിച്ചു, ദാരിദ്ര്യത്തിൽ മുങ്ങി, ജാതി-മത - വർഗീയത നിറച്ചു, തീവ്രവാദവും നക്​സലിസവും വേരുറച്ചതും ഇക്കാലത്താണ്​- യോഗി പറഞ്ഞു.

മുൻ പ്രധാനമന്ത്രി മ​ൻമോഹൻ സിങ്​ മുസ്​ലിംകളെയും മറ്റ്​ മതസ്ഥരെയും തമ്മിൽ വേർതിരിച്ചെന്നും യോഗി ആരോപിച്ചു.