കൃഷ്ണഗിരിയിൽ വീരപ്പന്റെ മകൾ സ്ഥാനാർഥി

ചെ​ന്നൈ: വ​നം​കൊ​ള്ള​ക്കാ​ര​ൻ വീ​ര​പ്പ​ന്റെ മ​ക​ൾ വി​ദ്യാ​റാ​ണി​യു​ടെ സ്ഥാ​നാ​ർ​ഥി​ത്വം കൃ​ഷ്ണ​ഗി​രി ലോ​ക്സ​ഭ മ​ണ്ഡ​ല​ത്തെ ശ്ര​ദ്ധേ​യ​മാ​ക്കു​ന്നു. ആ​ന്ധ്ര​പ്ര​ദേ​ശ്, ക​ർ​ണാ​ട​ക സം​സ്ഥാ​ന​ങ്ങ​ളു​മാ​യി അ​തി​ർ​ത്തി പ​ങ്കി​ടു​ന്ന മ​ണ്ഡ​ല​ത്തി​ൽ നാം ​ത​മി​ഴ​ർ ക​ക്ഷി സ്ഥാ​നാ​ർ​ഥി​യാ​യാ​ണ് വി​ദ്യാ​റാ​ണി​യു​ടെ രം​ഗ​പ്ര​വേ​ശ​നം. കൃ​ഷ്ണ​ഗി​രി​യി​ൽ പ്രീ​സ്കൂ​ൾ ന​ട​ത്തു​ന്ന നി​യ​മ ബി​രു​ദ​ധാ​രി​കൂ​ടി​യാ​യ വി​ദ്യാ​റാ​ണി 2020ൽ ​ബി.​ജെ.​പി​യി​ൽ ചേ​ർ​ന്നാ​ണ് രാ​ഷ്ട്രീ​യ പ്ര​വ​ർ​ത്ത​നം തു​ട​ങ്ങി​യ​ത്. ലോ​ക്സ​ഭ തെ​ര​ഞ്ഞെ​ടു​പ്പി​ന് തൊ​ട്ടു​മു​മ്പാ​ണ് അ​വ​ർ നാം ​ത​മി​ഴ​ർ ക​ക്ഷി​യി​ൽ ചേ​ർ​ന്ന​ത്.

വി​ദ്യാ​റാ​ണി മൂ​ന്നാം ക്ലാ​സി​ൽ പ​ഠി​ക്ക​വേ ഒ​രി​ക്ക​ൽ മാ​ത്ര​മാ​ണ് പി​താ​വി​നെ ക​ണ്ടി​ട്ടു​ള്ള​ത്. അ​മ്മ മു​ത്തു​ല​ക്ഷ്മി ജ​യി​ലി​ലാ​യ​തി​നെ തു​ട​ർ​ന്ന് ഏ​ഴു വ​യ​സ്സു​വ​രെ ധ​ർ​മ​പു​രി ജി​ല്ല​യി​ലെ നെ​രു​പൂ​ർ ഗ്രാ​മ​ത്തി​ൽ അ​മ്മൂ​മ്മ​ക്കൊ​പ്പ​മാ​ണ് താ​മ​സി​ച്ചി​രു​ന്ന​ത്. വേ​ൽ​മു​രു​ക​ൻ ന​യി​ക്കു​ന്ന ത​മി​ഴ് വാ​ഴ്വു​രി​മൈ ക​ക്ഷി​യി​ൽ സ​ജീ​വ​മാ​ണ് മു​ത്തു​ല​ക്ഷ്മി. വീ​ര​പ്പ​ൻ-​മു​ത്തു​ല​ക്ഷ്​​മി ദ​മ്പ​തി​ക​ൾ​ക്ക്​ വി​ദ്യ​റാ​ണി, വി​ജ​യ​ല​ക്ഷ്​​മി എ​ന്നീ ര​ണ്ട്​ പെ​ൺ​മ​ക്ക​ളാ​ണു​ള്ള​ത്. വീ​ര​പ്പ​െൻറ മൃ​ത​ദേ​ഹം സേ​ലം മേ​ട്ടൂ​ർ മൂ​ല​ക്കാ​ട്ടി​ലാ​ണ്​ സം​സ്​​ക​രി​ച്ച​ത്. വീ​ര​പ്പ​ന്റെ ച​ര​മ​ദി​ന​ങ്ങ​ളി​ൽ കു​ടും​ബാം​ഗ​ങ്ങ​ളും മാ​വോ-​ന​ക്സ​ൽ, ത​മി​ഴ് ദേ​ശീ​യ സം​ഘ​ട​ന പ്ര​വ​ർ​ത്ത​ക​രും ഇ​വി​ടെ ച​ട​ങ്ങു​ക​ൾ സം​ഘ​ടി​പ്പി​ച്ച് ആ​ദ​രാ​ഞ്ജ​ലി​യ​ർ​പ്പി​ക്കു​ന്ന​ത് പ​തി​വാ​ണ്.

ഭീ​ക​ര വ​നം​കൊ​ള്ള​ക്കാ​ര​നാ​യി​രു​ന്നു​വെ​ങ്കി​ലും ത​ന്റെ പി​താ​വ് പ്ര​ദേ​ശ​വാ​സി​ക​ളു​ടെ ക്ഷേ​മം ഉ​റ​പ്പു​വ​രു​ത്തി​യി​രു​ന്നു​വെ​ന്നും അ​ദ്ദേ​ഹ​ത്തി​ൽ​നി​ന്ന് പ്ര​ചോ​ദ​നം ഉ​ൾ​ക്കൊ​ണ്ടാ​ണ് പൊ​തു​പ്ര​വ​ർ​ത്ത​ന​ത്തി​ലേ​ക്ക് തി​രി​ഞ്ഞ​തെ​ന്നും വി​ദ്യാ​റാ​ണി പ​റ​യു​ന്നു. പി​താ​വ് ആ​ഗ്ര​ഹി​ച്ച വി​ധം ജ​നോ​പ​കാ​ര​പ്ര​ദ​മാ​യ പ​രി​പാ​ടി​ക​ൾ ന​ട​പ്പാ​ക്കു​മെ​ന്ന് വി​ദ്യാ​റാ​ണി പ്ര​ചാ​ര​ണ യോ​ഗ​ങ്ങ​ളി​ൽ പ്ര​ഖ്യാ​പി​ക്കു​ന്ന​ത് ഈ ​സാ​ഹ​ച​ര്യ​ത്തി​ലാ​ണ്. വി​ദ്യാ​റാ​ണി​യു​ടെ ചി​ഹ്നം ‘മൈ​ക്ക്’ ആ​ണ്. പ്ര​ചാ​ര​ണ വാ​ഹ​ന​ത്തി​ൽ വീ​ര​പ്പ​ന്റെ പ​ട​വും സ്ഥാ​പി​ച്ചി​ട്ടു​ണ്ട്. 2004 ഒ​ക്ടോ​ബ​ർ 18നാ​ണ് ദ്രു​ത​ക​ർ​മ​സേ​ന​യു​ടെ വെ​ടി​യേ​റ്റ് വീ​ര​പ്പ​ൻ കൊ​ല്ല​പ്പെ​ട്ട​ത്. 2019 ലോ​ക്സ​ഭ തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സി​ലെ ഡോ. ​ചെ​ല്ല​കു​മാ​ർ ഒ​ന്ന​ര​ല​ക്ഷ​ത്തി​ൽ​പ​രം വോ​ട്ടു​ക​ളു​ടെ വ്യ​ത്യാ​സ​ത്തി​ൽ അ​ണ്ണാ ഡി.​എം.​കെ​യി​ലെ ക​രു​ത്ത​നാ​യ കെ.​പി. മു​നു​സാ​മി​യെ തോ​ൽ​പി​ച്ചു. നി​ല​വി​ൽ അ​ണ്ണാ ഡി.​എം.​കെ​യു​ടെ ജ​യ​​പ്ര​കാ​ശും ഹൊ​സൂ​ർ നി​യ​മ​സ​ഭ മ​ണ്ഡ​ല​ത്തി​ൽ മൂ​ന്നു ത​വ​ണ വി​ജ​യി​ച്ച മു​ൻ കോ​ൺ​ഗ്ര​സ് എം.​എ​ൽ.​എ ഗോ​പി​നാ​ഥും ത​മ്മി​ലാ​ണ് മു​ഖ്യ പോ​രാ​ട്ടം. ബി.​ജെ.​പി​യു​ടെ സി. ​ന​ര​സി​മ്മ​നും ക​ള​ത്തി​ലു​ണ്ട്.