ബൈക്ക് മറിഞ്ഞ് എൻജി. വിദ്യാർഥി മരിച്ചു

കൊല്ലം: കൊട്ടാരക്കര ദേശീപാത രണ്ടാം കുറ്റിയിൽ െെബക്ക് റോഡിലേക്ക് മറിഞ്ഞ് ലോറി കയറി എൻജിനീയറിങ് വിദ്യാർഥി മരിച്ചു. കൊല്ലം ടി.കെ.എം എഞ്ചിനീയറിങ് കോളേജിലെ ബി.ആർക് മൂന്നാം വർഷ വിദ്യാർഥിയായ മുക്കം ചേന്ദമംഗല്ലൂർ സ്വദേശി എ.പി അബ്ദുൽ മജീദിന്‍റെ മകൻ അഹമ്മദ് ഷാഫാണ് മരിച്ചത്. തിങ്കളാഴ്ച രാത്രി 10 മണിക്കായിരുന്നു അപകടം. കൂടെയുണ്ടായിരുന്ന സുഹൃത്ത് തമീമിനെ ഗുരുതരപരിക്കുകളോടെ  കൊല്ലം എൽ.എസ് ആശുപത്രിയിൽ പ്രവേശിപ്പിച്ചു. മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ട് നൽകും.