ആർ.എസ്.എസ് കേരളീയരുടെ ആത്മാഭിമാനത്തെ വെല്ലുവിളിക്കുന്നു -പിണറായി

കോഴിക്കോട്: 'കേരളം ദൈവത്തിന്‍റെ സ്വന്തം നാടോ അതോ ദൈവമില്ലാത്തവരുടെ നാടോ' എന്ന ആർ.എസ്.എസ് മുഖപത്രം ഓർഗനൈസറിലെ ലേഖനത്തിനെതിരെ സി.പി.എം പി.ബി അംഗം പിണറായി വിജയന്‍റെ ഫേസ്ബുക്ക് പോസ്റ്റ്. ഓർഗനൈസറിലെ ലേഖനം കേരളീയർക്കെതിരായ സംഘ പരിവാറിന്‍റെ യുദ്ധ പ്രഖ്യാപനമാണെന്ന് പിണറായി പറയുന്നു. കേരളത്തിന്‍റെ ചരിത്രത്തെയും സംസ്കാരത്തെയും കേരളീയരുടെ ആത്മാഭിമാനത്തെയും ആർ.എസ്.എസ് വെല്ലുവിളിക്കുകയാണ്. ആർ.എസ്.എസ് കേരളത്തെക്കുറിച്ചും കമ്യൂണിസ്റ്റുകാരെകുറിച്ചും ന്യൂനപക്ഷങ്ങളെ കുറിച്ചും പ്രചരിപ്പിക്കുന്ന കല്ലുവെച്ച നുണകളുടെ സമാഹാരമാണ് ലേഖനമെന്നും പിണറായി ഫേസ്ബുക്ക് പോസ്റ്റിൽ ചൂണ്ടിക്കാട്ടുന്നു.