അടിയന്തരപ്രമേയം കൊണ്ടുവരാത്തത് പരിശോധിക്കും –സുധീരന്‍

തിരുവനന്തപുരം: എം.കെ. ദാമോദരന്‍ വിവാദകേസുകളില്‍ ഹാജരായ സംഭവത്തില്‍ നിയമസഭയില്‍ പ്രതിപക്ഷം അടിയന്തരപ്രമേയം അവതരിപ്പിക്കാത്തത് പരിശോധിക്കുമെന്ന് കെ.പി.സി.സി പ്രസിഡന്‍റ് വി.എം. സുധീരന്‍. ജനപ്രതിനിധികളുമായി ഇക്കാര്യം ചര്‍ച്ച ചെയ്യും. മുഖ്യമന്ത്രിയുടെ നേതൃത്വത്തില്‍ എം.കെ. ദാമോദരനിലൂടെ സാമൂഹികവിരുദ്ധ ശക്തികള്‍ക്ക് സംരക്ഷണംലഭിക്കുന്ന അസാധാരണ സാഹചര്യമാണ്. ഇടപെടേണ്ട വിഷയങ്ങളില്‍ താന്‍ ഒൗചിത്യപൂര്‍വം ഇടപെടുമെന്ന് കെ. മുരളീധരനും വി.ഡി. സതീശനും മറുപടിയായി സുധീരന്‍ പ്രതികരിച്ചു.