കണ്ണൂർ അക്രമം; മുഖ്യമന്ത്രി ആഭ്യന്തര വകുപ്പ്​ ഒഴിയണമെന്ന്​ വി.എം സുധീരൻ

 തിരുവനന്തപുരം: കണ്ണൂർ അക്രമവുമായി ബന്ധപ്പെട്ട്​ മുഖ്യമന്ത്രി പിണറായി വിജയൻ ആഭ്യന്തര വകുപ്പ്​ ഒ​ഴിയണമെന്ന്​ കെ.പി.സി.സി പ്രസിഡൻറ്​ വി.എം സുധീരൻ. സംസ്​ഥാനത്ത്​ പൊലീസ്​ നോക്കു കുത്തിയായി. ബി.ജെ.പിയും സി.പി.എമ്മും കേരളത്തിൽ ചോരക്കളി അവസാനിപ്പിക്കണം. രണ്ടു പാർട്ടികളും സ്വീകരിക്കുന്നത്​ ഭീകരരുടെ ശൈലിയാണെന്നും ജനങ്ങളുടെ സമാധാന ജീവിതത്തിന്​ വില കൽപിക്കണമെന്നും സുധീരൻ വ്യക്​തമാക്കി.

ഇ.പി ജയരാജനെതിരെ പാർട്ടി നടപടിയല്ല വേണ്ടത്​. അദ്ദേഹത്തിനെതിരെ നിയമ നടപടി സ്വീകരിക്കണമെന്നും സുധീരൻ വ്യക്​തമാക്കി. ഇ.പി ജയരാജ​െൻറ രാജി ആവശ്യപ്പെട്ട്​ 17ന്​ നിയമസഭ മാർച്ച്​ നടത്തുമെന്നും സുധീരൻ വ്യക്​തമാക്കി. നിയമസഭയിൽ ഇൗ വിഷയം ഉന്നയിക്കുമെന്നും തിരുവനന്തപുരത്ത്​ നടന്ന രാഷ്​ട്രീയ കാര്യ സമിതിയിൽ സുധീരൻ വ്യക്​തമാക്കി.