നിയമസഭയിൽ പ്രത്യേക ബ്ളോക്ക് വേണമെന്ന് കേരള കോൺഗ്രസ് എം

തിരുവനന്തപുരം: നിയമസഭയിൽ പ്രത്യേക ബ്ളോക്കായി ഇരിക്കാൻ അനുവദിക്കണമെന്ന് കേരള കോൺഗ്രസ് (എം). ഈ ആവശ്യമുന്നയിച്ച് കൊണ്ട് കേരള കോൺഗ്രസ്, സ്പീക്കർ ശ്രീരാമകൃഷ്ണന് കത്ത് നൽകി. നിയമസഭാ കക്ഷി സെക്രട്ടറി മോൻസ് ജോസഫ് എം.എൽ.എ, പാർട്ടി ചീഫ് വിപ്പ് റോഷി അഗസ്റ്റിൻ എം.എൽ.എ എന്നിവരാണ് സ്പീക്കർക്ക് നൽകിയ കത്തിൽ ഒപ്പ് വെച്ചിരിക്കുന്നത്.

ഈ മാസം 26ന് തുടങ്ങുന്ന നിയമസഭാ സമ്മേളനത്തിൽ പ്രത്യേക ബ്ളോക്കായി ഇരിക്കാൻ അനുവദിക്കണമെന്നും ഇതിനാവശ്യമായ ക്രമീകരണങ്ങൾ സഭയിൽ സ്വീകരിക്കണമെന്നും കത്തിൽ ആവശ്യപ്പെടുന്നു. കേരള കോൺഗ്രസ് (എം) ചരൽക്കുന്നിൽ ചേർന്ന നേതൃയോഗത്തിൽ എടുത്ത തീരുമാനപ്രകാരമാണ് കത്ത് നൽകിയിരിക്കുന്നത്.