വാഹനാപകടം പ്രതിശ്രുത വരൻ അടക്കം രണ്ട്പേർ മരിച്ചു

നാഗർകോവിൽ: ഇരണിയലിന് സമീപം രണ്ട് ബൈക്കുകൾ കൂട്ടിയിടിച്ച് ഉണ്ടായ അപകടത്തിൽ പ്രതിശ്രുത വരൻ ഉൾപ്പെടെ രണ്ട് പേർ സംഭവ സ്ഥലത്ത് മരിച്ചു. രണ്ട് പേർ ചികിത്സയിലാണ്. നെയ്യൂർ ആത്തി വിള സ്വദേശി പ്രതീഷ്(28), പൊൻ മന ഗാന്ധിനഗർ സ്വദേശി രാജശേഖർ എന്നിവരാണ് മരിച്ചത്.

ഗൾഫിലായിരുന്ന പ്രതീഷിന്റെ വിവാഹം ഈ മാസം അവസാനം നടക്കാനിരിക്കയായിരുന്നു. രാജശേഖർ മുൾവേലി നിർമ്മാണ തൊഴിലാളിയാണ്. ബൈക്കുകളുടെ പിന്നിൽ ഇരുന്ന റെജി (38), രാജൻ (34) എന്നിവർ ചികിത്സയിലാണ്. ഇരണിയൽ പൊലീസ് കേസ്സെടുത്തു.