'99% മുസ്​ലിം സമുദായം തിങ്ങിപ്പാർക്കുന്ന കവരത്തിയിലെ സുന്ദരമായ ശിവക്ഷേത്രം'; ലക്ഷദ്വീപിന്​ ഐക്യദാർഢ്യവുമായുള്ള മലയാളി യാത്രിക​െൻറ അനുഭവം വൈറൽ

തിരുവനന്തപുരം: ദ്വീപ്​ നിവാസികൾക്കെതിരെ വിദ്വേഷ പ്രചാരണം വ്യാപകമാകുന്നതിനിടെ ലക്ഷദ്വീപ്​ യാത്രയിലെ അനുഭവം പങ്കുവെച്ചുള്ള മലയാളിയുടെ ഫേസ്​ബുക്​ പോസ്​റ്റ്​ വൈറലാകുന്നു. ആരോഗ്യ പ്രവർത്തകനായ ആദർശ്​ വിശ്വനാഥാണ്​ കവരത്തി യാ​ത്രക്കിടയിൽ ശിവക്ഷേത്രം സന്ദർശിച്ചതി​െൻറ അനുഭവക്കുറിപ്പ്​ പങ്കുവെച്ചത്​.

''ഈ ഫോട്ടോ, ലക്ഷദ്വീപ് തലസ്ഥാനമായ കവരത്തിയിലെ ശിവക്ഷേത്രത്തിൽ നിന്നാണ്..ഒരു വർഷം മുമ്പ്​ ലക്ഷദ്വീപ് യാത്രയിൽ പകർത്തിയത്.അത്ഭുതപ്പെടണ്ട, ഇപ്പറഞ്ഞ 99% മുസ്ലീം സമുദായം തിങ്ങിപ്പാർക്കുന്ന ലക്ഷദ്വീപിൽ തന്നെയാണ് ഈ ശാന്തസുന്ദരമായ ശിവക്ഷേത്രം..

അവിടെക്കണ്ട മുസ്​ലിംപള്ളികളെക്കാളും സ്ഥലമുണ്ടെന്ന് തോന്നി ക്ഷേത്രവളപ്പിൽ. എന്നിട്ടും 99 ശതമാനത്തി​െൻറ മൃഗീയഭൂരിപക്ഷത്തിന് ഇതിടിച്ചു കർസേവ നടത്താനും കയ്യേറാനുമൊന്നും തോന്നിയിട്ടില്ല, ഇത്രനാളും. അതാണവിടത്തെ സാഹോദര്യം,ബാക്കിയുള്ള ഒരു ശതമാനത്തെ ഹൃദയത്തോട് ചേർത്തു നിർത്തുന്ന ദ്വീപിന്റെ വലിയ മനസ്സ്.ദ്വീപിൽ മുഴുവൻ ​ഐ.എസ്​ ഭീകരരാണെന്നൊക്കെ ഇവിടിരുന്ന് എഴുതിമറിക്കുന്ന കൂശ്മാണ്ടങ്ങൾ അവിടെ ഒരു ദിവസമെങ്കിലും പോയി ആ സ്നേഹം, നൈർമല്യം കണ്ടറിയണം.

ചോരക്കൊതിമാറാത്ത ഓരോ പട്ടേലൻമാരെ ഇറക്കി ഇനി അവിടേംകൂടെ ശവങ്ങളൊഴുകുന്ന ഗംഗാതീരംപോലെ ആക്കാതിരിക്കൂ'' -ആദർശ്​ വിശ്വനാഥ്​ ഫേസ്​ബുക്കിൽ കുറിച്ചു. കുറഞ്ഞ സമയം കൊണ്ടുതന്നെ ആയിരക്കണക്കിന്​ പേരാണ്​ പോസ്​റ്റ്​ ഷെയർ ചെയ്​തത്​.