മ​ല​പ്പു​റ​ത്ത്​ ലീ​ഗ്​ സ്ഥാ​നാ​ർ​ഥി​യെ​തേ​ടി പ​ത്ര​പ​ര​സ്യം

1948 സെപ്റ്റംബർ 13, ഇ​ന്ത്യ​യി​ൽ ല​യി​ക്കാ​ൻ കൂ​ട്ടാ​ക്കാ​തി​രു​ന്ന ഹൈ​ദ​രാ​ബാ​ദ്​ നൈ​സാ​മി​ന്‍റെ പ​ട്ടാ​ള​ത്തെ തു​ര​ത്താ​നു​ള്ള സൈ​നി​ക ന​ട​പ​ടി അ​ര​ങ്ങേ​റി. ഹൈ​ദ​രാ​ബാ​ദ് ആ​ക്ഷ​ൻ എ​ന്ന പേ​രി​ൽ അ​റി​യ​പ്പെ​ടു​ന്ന ഇ​ന്ത്യ ഗ​വ​ർ​മെ​ന്‍റി​ന്‍റെ സൈ​നി​ക ന​ട​പ​ടി​യെ മു​സ്​​ലിം ലീ​ഗ് ഒ​രി​ക്ക​ലും എ​തി​ർ​ത്തി​ട്ടി​ല്ല. എ​ന്നി​ട്ടും ലീ​ഗ് നേ​താ​ക്ക​ൾ പ​ര​ക്കേ വേ​ട്ട​യാ​ട​പ്പെ​ട്ടു. ഓ​ഫി​സു​ക​ൾ ത​ക​ർ​ത്തു. പാ​ണ​ക്കാ​ട് പൂ​ക്കോ​യ ത​ങ്ങ​ള​ട​ക്കം പ്ര​മു​ഖ​ർ ജ​യി​ലി​ലാ​യി. ആ​യി​ട​ക്കാ​ണ് 1950ൽ ​അ​വി​ചാ​രി​ത​മാ​യി മ​ല​പ്പു​റ​ത്ത്​ ഒ​രു ഉ​പ​തെ​ര​ഞ്ഞെ​ടു​പ്പ് വ​ന്ന​ത്. ലീ​ഗി​ന്​ വ​ലി​യ അ​ഗ്​​നി പ​രീ​ക്ഷ​ണ​മാ​യി​രു​ന്നു അ​ത്.

മ​ദി​രാ​ശി നി​യ​മ​സ​ഭ​യി​ലെ ലീ​ഗ് അം​ഗ​മാ​യി​രു​ന്ന കൊ​യ​പ്പ​ത്തൊ​ടി അ​ഹ​മ്മ​ദ് ഹാ​ജി​യു​ടെ മ​ര​ണ​ത്തെ തു​ട​ർ​ന്നാ​യി​രു​ന്നു ഉ​പ​തെ​ര​ഞ്ഞെ​ടു​പ്പ്. സ​ർ​ക്കാ​റി​ന്‍റെ വേ​ട്ട​യാ​ട​ലും കു​പ്ര​ചാ​ര​ണ​ങ്ങ​ളും നി​മി​ത്തം പാ​ർ​ട്ടി​യി​ൽ​നി​ന്നും പ​ല പ്രാ​ദേ​ശി​ക​നേ​താ​ക്ക​ളും കൊ​ഴി​ഞ്ഞു​പോ​യ കാ​ലം. മ​ല​പ്പു​റ​ത്ത്​ സ്ഥാ​നാ​ർ​ഥി​യാ​യി നി​ൽ​ക്കാ​ൻ ആ​ളെ കി​ട്ടാ​താ​യി. അ​ങ്ങ​നെ​യാ​ണ്​ മ​ദി​രാ​ശി സം​സ്ഥാ​ന മു​സ്​​ലിം ലീ​ഗ് ജ​ന. സെ​ക്ര​ട്ട​റി കെ.​ടി.​എം. അ​ഹ​മ്മ​ദ് ഇ​ബ്രാ​ഹിം ‘ഡെ​ക്കാ​ൻ ഹെ​റാ​ൾ​ഡ്’ പ​ത്ര​ത്തി​ൽ ലീ​ഗി​ന് സ്ഥാ​നാ​ർ​ഥി​യെ ആ​വ​ശ്യ​മു​ണ്ട്​ എ​ന്നു കാ​ണി​ച്ച്​ പ​ര​സ്യം കൊ​ടു​ത്ത​ത്. പ​ല​ത​വ​ണ പ​ര​സ്യം കൊ​ടു​ത്തി​ട്ടും ആ​രും ത​യാ​റാ​യി​ല്ല.

ലീ​ഗി​ന്‍റെ പ്ര​ത്യേ​ക ദൂ​ത​നാ​യി എം. ​അ​ലി​ക്കു​ഞ്ഞി തെ​ക്കെ മ​ല​ബാ​റി​ൽ മൂ​ന്ന് ദി​വ​സം 200ല​ധി​കം മൈ​ൽ സ​ഞ്ച​രി​ച്ചു. ഫ​ലം ശൂ​ന്യ​മാ​യി​രു​ന്നു. ഒ​ടു​വി​ൽ കെ.​എം. സീ​തി സാ​ഹി​ബും എം.​കെ. ഹാ​ജി​യും മ​ഞ്ചേ​രി​യി​ലെ എം.​പി.​എം. മൊ​യ്തീ​ൻ​കു​ട്ടി കു​രി​ക്ക​ളെ സ​മീ​പി​ച്ചു. അ​ദ്ദേ​ഹ​ത്തി​ന്‍റെ മ​രു​മ​ക​ൻ എം.​പി.​എം ഹ​സ്സ​ൻ​കു​ട്ടി കു​രി​ക്ക​ൾ സ്ഥാ​നാ​ർ​ഥി​യാ​കാ​ൻ സ​മ്മ​തം മൂ​ളി. ചാ​ക്കീ​രി അ​ഹ​മ്മ​ദ് കു​ട്ടി​യാ​ണ്​ പ​ത്രി​ക ന​ൽ​കാ​നും പ്ര​ചാ​ര​ണ​ത്തി​നും മു​ന്നി​ൽ​നി​ന്നു ന​യി​ച്ച​ത്. ലീ​ഗി​നെ തോ​ൽ​പി​ക്കാ​ൻ എ​ല്ലാ ക​ക്ഷി​ക​ളും കി​ണ​ഞ്ഞു ശ്ര​മി​ച്ചു. പ്ര​ച​ാര​ണ​ത്തി​നെ​ത്തി​യ ഖാ​ഇ​ദെ മി​ല്ല​ത്തി​നെ​തി​രെ കോ​ഴി​ക്കോ​ട്​ റെ​യി​ൽ​വേ സ്​​റ്റേ​ഷ​നി​ൽ ‘ദേ​ശീ​യ മു​സ്​​ലിം​ക​ൾ’ എ​ന്ന​പേ​രി​ൽ അ​റി​യ​പ്പെ​ട്ട ലീ​ഗ്​ വി​രു​ദ്ധ​ർ സം​ഘ​ടി​ച്ച്​ ഗോ​ബാ​ക്ക്​ വി​ളി​ച്ചു.

വാ​ശി​യേ​റി​യ പോ​രാ​ട്ട​മാ​യി​രു​ന്നെ​ങ്കി​ലും ഫ​ലം വ​ന്ന​പ്പോ​ൾ എ​തി​രാ​ളി​ക​ളെ ബ​ഹു​ദൂ​രം പി​ന്നി​ലാ​ക്കി ഹ​സ​ൻ കു​ട്ടി കു​രി​ക്ക​ൾ വ​ൻ വി​ജ​യം നേ​ടി. കോ​ൺ​ഗ്ര​സ്​ സ്ഥാ​നാ​ർ​ഥി​ക​ളാ​യ പാ​ലാ​ട്ട് കു​ഞ്ഞി​ക്കോ​യ​യും കെ.​എ. ഇ​ബ്രാ​ഹീ​മും ദ​യ​നീ​യ​മാ​യി പ​രാ​ജ​യ​പ്പെ​ട്ടു. ലീ​ഗ്​ സ്ഥാ​നാ​ർ​ഥി​ക്ക്​ ല​ഭി​ച്ച ആ​കെ വോ​ട്ടി​ന്റെ പ​ത്ത് ശ​ത​മാ​നം പോ​ലും എ​തി​ർ സ്ഥാ​നാ​ർ​ഥി​ക​ളാ​യ ര​ണ്ടു​പേ​ർ​ക്കും​കൂ​ടി കി​ട്ടി​യി​ല്ല. ഹ​സ്സ​ൻ​കു​ട്ടി കു​രി​ക്ക​ളു​ടെ വി​ജ​യം പ്ര​വ​ർ​ത്ത​ക​രി​ൽ ആ​വേ​ശം ഇ​ര​ട്ടി​പ്പി​ച്ചു. അ​തേ​വ​ർ​ഷം​ത​ന്നെ വ​ണ്ടൂ​രി​ലും ത​മി​ഴ്നാ​ട്ടി​ലെ ഒ​രു സീ​റ്റി​ലും ന​ട​ന്ന ഉ​പ തെ​ര​ഞ്ഞെ​ടു​പ്പു​ക​ളി​ലും ലീ​ഗ് സ്ഥാ​നാ​ർ​ഥി​ക​ൾ വ​ൻ വി​ജ​യം ​നേ​ടി. 1970 ജൂ​ൺ 25നാ​ണ്​ ഹ​സ​ൻ കു​ട്ടി കു​രി​ക്ക​ൾ നി​ര്യാ​ത​നാ​യ​ത്.