കരാർ പ്രതിസന്ധി ഒഴിഞ്ഞിട്ടും 1000 മെഗാവാട്ട് യൂനിറ്റ് കുറവെന്ന്

പാ​ല​ക്കാ​ട്: അം​ഗീ​കാ​ര​മി​ല്ലാ​ത്ത വൈ​ദ്യു​തി ക​രാ​റു​ക​ൾ​ക്ക് അ​നു​മ​തി ന​ൽ​കി​യി​ട്ടും സം​സ്ഥാ​ന​ത്ത് ഉ​പ​ഭോ​ഗം കൂ​ടു​ന്ന സ​മ​യ​ങ്ങ​ളി​ൽ (പീ​ക്ക് അ​വ​ർ) 1000 മെ​ഗാ​വാ​ട്ട് യൂ​നി​റ്റ് വൈ​ദ്യു​തി​ക്കു​റ​വ് ഉ​ണ്ടാ​കു​മെ​ന്ന് കെ.​എ​സ്.​ഇ.​ബി. ഡി​സൈ​ൻ ബി​ൽ​ഡ് ഫി​നാ​ൻ​സ് ഓ​ൺ ആ​ൻ​ഡ് ഓ​പ​റേ​റ്റ് (ഡി.​ബി.​എ​ഫ്.​ഒ.​ഒ) വ്യ​വ​സ്ഥ​യി​ൽ സ്വ​കാ​ര്യ താ​പ​വൈ​ദ്യു​തി നി​ല​യ​ങ്ങ​ളു​മാ​യി ഉ​ണ്ടാ​ക്കി​യ ക​രാ​റി​ൽ നി​ന്ന് 465 മെ​ഗാ​വാ​ട്ട് വൈ​ദ്യു​തി​യാ​ണ് ല​ഭി​ക്കു​ക. അ​ത് വൈ​കീ​ട്ട് ആ​റ് മു​ത​ൽ 10 വ​രെ​യു​ള്ള സ​മ​യ​ത്തി​ന്റെ 10 ശ​ത​മാ​നം വ​രെ മാ​ത്ര​മേ വ​രൂ​വെ​ന്ന് കെ.​എ​സ്.​ഇ.​ബി റ​ഗു​ലേ​റ്റ​റി ക​മീ​ഷ​ന് കൈ​മാ​റി​യ റി​പ്പോ​ർ​ട്ടി​ൽ വ്യ​ക്ത​മാ​ക്കു​ന്നു. 1600 മെ​ഗാ​വാ​ട്ടാ​ണ് സം​സ്ഥാ​ന​ത്തി​ന്റെ ശ​രാ​ശ​രി വൈ​ദ്യു​തി ഉ​ൽ​പാ​ദ​നം. 1600 മെ​ഗാ​വാ​ട്ട് കേ​ന്ദ്ര​വി​ഹി​ത​മാ​യും 1200 മെ​ഗാ​വാ​ട്ട് പു​റ​ത്ത് നി​ന്നും വാ​ങ്ങി​ക്കു​ന്നു.

ഉ​പ​ഭോ​ഗം കൂ​ടു​ന്ന സ​മ​യ​ങ്ങ​ളി​ൽ ശ​രാ​ശ​രി 5000-5500 മെ​ഗാ​വാ​ട്ട് ഉ​പ​ഭോ​ഗം വ​രു​ന്നു​ണ്ട്. ഈ ​സാ​ഹ​ച​ര്യ​ത്തി​ൽ ബാ​ക്കി വൈ​ദ്യു​തി​ക്കു​ള്ള സാ​ധ്യ​ത​ക​ൾ തേ​ട​ണം. ഈ ​ഊ​ർ​ജാ​വ​ശ്യ പ​ശ്ചാ​ത്ത​ല​ത്തി​ൽ ദീ​ർ​ഘ​കാ​ല ക​രാ​റാ​യാ​ലും അ​വ അ​ത്യ​ന്താ​പേ​ക്ഷി​ത​മാ​ണെ​ന്ന് സ​ർ​ക്കാ​ർ റ​ഗു​ലേ​റ്റ​റി ക​മീ​ഷ​ന് ന​ൽ​കി​യ ശി​പാ​ർ​ശ​യി​ൽ വ്യ​ക്ത​മാ​ക്കു​ന്നു. കോ​വി​ഡ് വ്യാ​പ​ന ശേ​ഷം രാ​ജ്യ​ത്ത് വൈ​ദ്യു​തി ഉ​പ​ഭോ​ഗ​ത്തി​ൽ വ​ൻ ​വ​ർ​ധ​ന​വു​ണ്ടാ​യ​താ​യി റ​ഗു​ലേ​റ്റ​റി ക​മീ​ഷ​ൻ രേ​ഖ​ക​ൾ വ്യ​ക്ത​മാ​ക്കു​ന്നു.

വൈ​ദ്യു​തി വാ​ഹ​ന​ങ്ങ​ളു​ടെ ആ​ധി​ക്യ​വും ഉ​പ​ഭോ​ഗം കൂ​ട്ടി. സം​സ്ഥാ​ന​ത്ത് ഉ​പ​ഭോ​ഗാ​ധി​ക്യ സ​മ​യ​ങ്ങ​ളി​ൽ 250 മു​ത​ൽ 350 മെ​ഗാ​വാ​ട്ട് അ​ധി​ക ഉ​പ​ഭോ​ഗം ഓ​രോ വ​ർ​ഷ​വും പ്ര​തീ​ക്ഷി​ക്ക​ണം. ഉ​പ​ഭോ​ഗ​ത്തി​ൽ 4.2 ശ​ത​മാ​നം വ​ർ​ധ​ന​യു​ണ്ടാ​കു​ന്നു​ണ്ട്. അ​താ​യ​ത് പ്ര​തി​വ​ർ​ഷം 1250 ​മി​ല്യ​ൺ യൂ​നി​റ്റ് മു​ത​ൽ 2000 മെ​ഗാ യൂ​നി​റ്റ് വ​രെ ഊ​ർ​ജം അ​ധി​ക ആ​വ​ശ്യ​ത്തി​ന് ക​രു​തേ​ണ്ട​തു​ണ്ടെ​ന്നും പു​തി​യ ഊ​ർ​ജ​സ്രോ​ത​സ്സു​ക​ൾ ക​ണ്ടെ​ത്തി​യി​ല്ലെ​ങ്കി​ൽ 2013-14 ലേ​ത് പോ​ലെ പ​വ​ർ​ക​ട്ടും നി​യ​ന്ത്ര​ണ​വും വേ​ണ്ടി​വ​രു​മെ​ന്നും റ​ഗു​ലേ​റ്റ​റി ക​മീ​ഷ​ൻ സൂ​ചി​പ്പി​ക്കു​ന്നു.