സന്ദീപ്​ നായർക്ക്​ അറസ്​റ്റ്​ വാറൻറ്

കൊ​ച്ചി: ലൈ​ഫ്​ മി​ഷ​ൻ അ​ഴി​മ​തി കേ​സി​ലെ മു​ഖ്യ​പ്ര​തി​ക​ളി​ലൊ​രാ​ളാ​യ സ​ന്ദീ​പ്​ നാ​യ​ർ​ക്ക്​ ജാ​മ്യ​മി​ല്ലാ അ​റ​സ്​​റ്റ്​ വാ​റ​ൻ​റ്​. തു​ട​ർ​ച്ച​യാ​യി കോ​ട​തി​യി​ൽ ഹാ​ജ​രാ​കാ​ത്ത സാ​ഹ​ച​ര്യ​ത്തി​ലാ​ണ് എ​റ​ണാ​കു​ളം പ്ര​ത്യേ​ക കോ​ട​തി വാ​റ​ൻ​റ്​​ പു​റ​പ്പെ​ടു​വി​ച്ച​ത്. കേ​സി​ൽ മൂ​ന്നാം പ്ര​തി​യാ​ണി​യാ​ൾ.

ലൈ​ഫ് മി​ഷ​ന്‍ ക​ള്ള​പ്പ​ണ ഇ​ട​പാ​ടി​ലെ സൂ​ത്ര​ധാ​ര​ന്‍ എം. ​ശി​വ​ശ​ങ്ക​റാ​ണെ​ന്ന്​ കാ​ട്ടി എ​ൻ​ഫോ​ഴ്​​സ്​​മെ​ന്‍റ്​ ഡ​യ​റ​ക്ട​റേ​റ്റ്​ നേ​ര​ത്തേ കു​റ്റ​പ​ത്രം സ​മ​ർ​പ്പി​ച്ചി​രു​ന്നു. ശി​വ​ശ​ങ്ക​റെ​യും സ​ന്തോ​ഷ് ഈ​പ്പ​നെ​യും മാ​ത്ര​മാ​ണ് കേ​സി​ല്‍ ഇ.​ഡി അ​റ​സ്​​റ്റ്​ ചെ​യ്​​ത​ത്. സ്വ​പ്​​ന സു​രേ​ഷ് അ​ട​ക്ക​മു​ള്ള പ്ര​തി​ക​ളു​ടെ അ​റ​സ്​​റ്റ്​ രേ​ഖ​പ്പെ​ടു​ത്തി​യി​രു​ന്നി​ല്ല. കു​റ്റ​പ​ത്രം സ​മ​ർ​പ്പി​ച്ച സാ​ഹ​ച​ര്യ​ത്തി​ലാ​ണ് പ്ര​തി​ക​ൾ​ക്ക് കോ​ട​തി സ​മ​ൻ​സ​യ​ച്ച​ത്. നി​ര​ന്ത​രം സ​മ​ൻ​സ​യ​ച്ചി​ട്ടും ഹാ​ജ​രാ​കാ​തി​രു​ന്ന സാ​ഹ​ച​ര്യ​ത്തി​ലാ​ണ് വാ​റ​ൻ​റ്​ പു​റ​പ്പെ​ടു​വി​ക്കാ​ൻ തീ​രു​മാ​നി​ച്ച​ത്.