നവജാതശിശുവിനെ തട്ടിയെടുത്ത സംഭവം: ആ​ശു​പ​ത്രി അ​ധി​കൃ​ത​ർ​ക്ക്​ ക്ലീൻചിറ്റ്

ഗാ​ന്ധി​ന​ഗ​ർ(​കോ​ട്ട​യം): ന​വ​ജാ​ത​ശി​ശു​വി​നെ ത​ട്ടി​യെ​ടു​ത്ത സം​ഭ​വ​ത്തി​ൽ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി അ​ധി​കൃ​ത​ർ​ക്ക്​ വീ​​ഴ്ച​യി​ല്ലെ​ന്ന്​ ആ​രോ​ഗ്യ​വ​കു​പ്പി​​ന്‍റെ പ്രാ​ഥ​മി​ക അ​ന്വേ​ഷ​ണ റി​പ്പോ​ർ​ട്ട്. ആ​സൂ​ത്ര​ണ​ത്തി​നു​ശേ​ഷ​മാ​ണ്​ കു​ട്ടി​യെ ക​ട​ത്തി​യ​ത്. പ്ര​തി​ക്ക്​ ആ​ശു​പ​ത്രി​ക്കു​ള്ളി​ൽ​നി​ന്ന്​ ആ​രു​ടെ​യും സ​ഹാ​യം ല​ഭി​ച്ചി​ട്ടി​ല്ലെ​ന്നും അ​ന്വേ​ഷ​ണം ന​ട​ത്തി​യ ആ​രോ​ഗ്യ വി​ദ്യാ​ഭ്യാ​സ ജോ​യ​ന്‍റ്​​ ഡ​യ​റ​ക്ട​ർ ഡോ. ​തോ​മ​സ് മാ​ത്യു പ​റ​ഞ്ഞു. അ​ധി​കൃ​ത​രു​ടെ​യോ ജീ​വ​ന​ക്കാ​രു​ടെയോ ഭാ​ഗ​ത്ത്​ വീ​ഴ്ച​യി​ല്ല. വി​ശ​ദ​റി​പ്പോ​ർ​ട്ട് ഒ​രാ​ഴ്ച​ക്കു​ള്ളി​ൽ ആ​രോ​ഗ്യ​മ​ന്ത്രി​ക്ക് കൈ​മാ​റും. സു​ര​ക്ഷ ശ​ക്ത​മാ​ക്കു​ന്ന​തി​ന​ട​ക്ക​മു​ള്ള നി​ർ​ദേ​ശ​ങ്ങ​ളും റി​പ്പോ​ർ​ട്ടി​ലു​ണ്ടാ​കു​മെ​ന്നാ​ണ്​ വി​വ​രം.

ആ​രോ​ഗ്യ​മ​ന്ത്രി​യു​ടെ നി​ർ​ദേ​ശാ​നു​സ​ര​ണം ശ​നി​യാ​ഴ്ച ഉ​ച്ച​ക്കാ​ണ്​ ഡോ. ​തോ​മ​സ് മാ​ത്യു മെ​ഡി​ക്ക​ൽ കോ​ള​ജി​ലെ​ത്തി​യ​ത്. ഗൈ​ന​ക്കോ​ള​ജി വി​ഭാ​ഗ​ത്തി​ലെ​ത്തി​യ അ​ദ്ദേ​ഹം ശി​ശു​വി​ന്‍റെ മാ​താ​വ് അ​ശ്വ​തി, ഭ​ർ​ത്താ​വ് ശ്രീ​ജി​ത്, ഭ​ർ​തൃ​മാ​താ​വ് ഉ​ഷ എ​ന്നി​വ​രെ ക​ണ്ട് വി​വ​രം ശേ​ഖ​രി​ച്ചു.

തു​ട​ർ​ന്ന്, കു​ട്ടി​യെ പ​രി​ച​രി​ച്ച വാ​ർ​ഡി​ലെ ന​ഴ്സി​ങ്​ കൗ​ണ്ട​ർ, ന​ഴ്സ​റി, ന്യൂ ​ബോ​ൺ സെൻറ​ർ എ​ന്നി​വി​ട​ങ്ങ​ളി​ലും പ​രി​ശോ​ധ​ന ന​ട​ത്തി. സി.​സി ടി.​വി ദൃ​ശ്യ​ങ്ങ​ളും പ​രി​ശോ​ധി​ച്ചു. ഇ​തി​ൽ വ്യാ​ഴാ​ഴ്ച ഉ​ച്ച​ക്ക്​ 2.52ന് ​ഗൈ​ന​ക്കോ​ള​ജി വാ​ർ​ഡി​ൽ പ്ര​വേ​ശി​ച്ച ഇ​വ​ർ 2.58ന് ​ന​വ​ജാ​ത ശി​ശു​വു​മാ​യി പോ​കു​ന്ന​ത് കാ​ണാം. ഒപ്പം ഉ​ണ്ടാ​യി​രു​ന്ന എ​ട്ട്​ വ​യ​സ്സു​കാരനെ പ്ര​വേ​ശ​ന ക​വാ​ട​ത്തി​ൽ ഇ​രു​ത്തി​യാ​ണ് വാ​ർ​ഡി​ൽ പ്ര​വേ​ശി​ച്ച് ശി​ശു​വി​നെ കൈ​ക്ക​ലാ​ക്കു​ന്ന​ത്. ശേ​ഷം താ​ഴെ ഇ​റ​ങ്ങി വ​ന്ന്, കൂ​ടെ കൊ​ണ്ടു​വ​ന്ന മ​ക​നെ വി​ളി​ച്ചു​കൊ​ണ്ടു​പോ​കു​ന്ന​തും കാ​ണാം.

കു​മ​ളി വ​ണ്ടി​പ്പെ​രി​യാ​ർ അ​റു​പ​ത്തി​ര​ണ്ടാം മൈ​ൽ വ​ലി​യ ത​റ​യി​ൽ ശ്രീ​ജി​ത്-​അ​ശ്വ​തി ദ​മ്പ​തി​ക​ളു​ടെ ര​ണ്ടു​ദി​വ​സം പ്രാ​യ​മാ​യ ന​വ​ജാ​ത ശി​ശു​വി​നെ​യാ​ണ് നീ​തു രാ​ജ് (30) ത​ട്ടി​യെ​ടു​ത്ത​ത്. ഗാ​ന്ധി​ന​ഗ​ർ പൊ​ലീ​സ് പി​ടി​കൂ​ടി​യ ഇ​വ​ർ കോ​ട്ട​യം വ​നി​ത ജ​യി​ലി​ൽ റി​മാ​ൻ​ഡി​ലാ​ണ്.

ഇബ്രാഹീം ബാദുഷ റിമാൻഡിൽ

കോ​ട്ട​യം: മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ​നി​ന്ന്​ ന​വ​ജാ​ത​ശി​ശു​വി​നെ ത​ട്ടി​യെ​ടു​ത്ത ​കേ​സി​ലെ പ്ര​തി നീ​തു രാ​ജി​ന്‍റെ സുഹൃത്ത് ക​ള​മ​ശ്ശേ​രി എ​ച്ച്.​എം.​ടി കോ​ള​നി വാ​ഴ​യി​ൽ ഇ​ബ്രാ​ഹീം ബാ​ദു​ഷ (28) റി​മാ​ൻ​ഡി​ൽ. ​പ​ണം ത​ട്ടി​യ​തി​നും നീ​തു​വി​നെ​യും മ​ക​നെ​യും മ​ർ​ദി​ച്ച​തി​നു​മാ​ണ്​ അ​റ​സ്റ്റ്​. ഏ​റ്റു​മാ​നൂ​ർ ഒ​ന്നാം ക്ലാ​സ്​ മ​ജി​സ്​​ട്രേ​റ്റ്​ കോ​ട​തി​യി​ൽ ഹാ​ജ​രാ​ക്കി​യ പ്രതിയെ റി​മാ​ൻ​ഡ്​​ ചെ​യ്തു. കേ​സി​ൽ തു​ട​ര​ന്വേ​ഷ​ണം ക​ള​മ​ശ്ശേ​രി പൊ​ലീ​സി​ന്​ കൈ​മാ​റും. മ​ർ​ദ​ന​വും പ​ണം വാ​ങ്ങ​ലും ക​ള​മ​ശ്ശേ​രി​യി​ൽ ന​ട​ന്ന സം​ഭ​വ​മാ​യ​തി​നാ​ലാ​ണ്​ അത്. രേ​ഖ​ക​ൾ ഗാ​ന്ധി​ന​ഗ​ർ പൊ​ലീ​സ്​ ക​ള​മ​ശ്ശേ​രി​ക്ക്​ കൈ​മാ​റും. 30 ല​ക്ഷ​ത്തോ​ളം രൂ​പ​യും സ്വ​ർ​ണ​വും ത​ട്ടി​യെ​ടു​ത്തെ​ന്ന്​ നീ​തു പ​രാ​തി ന​ൽ​കി​യി​രു​ന്നു. കു​ട്ടി​യെ​യും ത​ന്നെ​യും മ​ർ​ദി​ച്ചി​രു​ന്ന​താ​യി പ​രാ​തി​യി​ലു​ണ്ട്. കു​ട്ടി​യെ ത​ട്ടി​യെ​ടു​ത്ത സം​ഭ​വ​വു​മാ​യി ഇ​യാ​ൾ​ക്ക്​ ബ​ന്ധ​മി​ല്ലെ​ങ്കി​ലും മ​ർ​ദ​ന​ം അ​ന്വേ​ഷ​ിക്കും.

അ​തി​നി​ടെ, തെ​ളി​വെ​ടു​പ്പി​ന്​ നീ​തു​വി​നെ ക​സ്​​റ്റ​ഡി​യി​ലാ​വ​ശ്യ​പ്പെ​ട്ട്​ കോ​ട​തി​യി​ൽ ​തി​ങ്ക​ളാ​ഴ്ച പൊ​ലീ​സ്​ അ​പേ​ക്ഷ ന​ൽ​കും. നീ​തു​വി​നെ​തി​രെ 10 വ​ർ​ഷം​വ​രെ ത​ട​വു​ശി​ക്ഷ ല​ഭി​ക്കാ​വു​ന്ന കു​റ്റ​ങ്ങ​ളാ​ണ്​ ചു​മ​ത്തി​യ​ത്. മ​നു​ഷ്യ​ക്ക​ട​ത്ത്​, ആ​ൾ​മാ​റാ​ട്ടം, ത​ട്ടി​ക്കൊ​ണ്ടു​പോ​ക​ൽ തു​ട​ങ്ങി​യ വ​കു​പ്പു​ക​ളാ​ണ്​ ചു​മ​ത്തി​യ​ത്. ഒ​റ്റ​ക്കാ​ണ്​ നീ​തു കു​ട്ടി​യെ ത​ട്ടി​ക്കൊ​ണ്ടു​പോ​യ​തെ​ന്നും മ​റ്റാ​രു​ടെ​യും സ​ഹാ​യം ല​ഭി​ച്ചി​ട്ടി​ല്ലെ​ന്നും റി​മാ​ൻ​ഡ്​ റി​പ്പോ​ർ​ട്ടി​ലുണ്ട്.

പ​രീ​ക്ഷ​ണം അ​തി​ജീ​വി​ച്ച് 'അജയ്യ' വീട്ടിൽ

ഗാ​ന്ധി​ന​ഗ​ർ: നി​റ​യെ സ്​​നേ​ഹ​സ​മ്മാ​ന​ങ്ങ​ളേ​റ്റു​വാ​ങ്ങി അ​മ്മ​യു​ടെ മാ​റി​ൽ​ചേ​ർ​ന്ന്​ കു​ഞ്ഞ്​ അ​ജ​യ്യ മെ​ഡി. കോ​ള​ജ്​ ആ​​ശു​പ​ത്രി​യി​ൽ​നി​ന്ന്​ വീ​ട്ടി​ലേ​ക്ക്​ മ​ട​ങ്ങി. ശ​നി​യാ​ഴ്ച വൈ​കീ​ട്ട്​ 3.30നാ​ണ്​​ അ​ശ്വ​തി​യും മ​ക​ൾ അ​ജ​യ്യ​യും ആ​ശു​പ​ത്രി വി​ട്ട​ത്. ഡി​വൈ.​എ​സ്.​പി ജെ. ​സ​ന്തോ​ഷ് കു​മാ​ർ, എ​സ്.​ഐ ടി.​എ​സ്. റെ​നീ​ഷ് എ​ന്നി​വ​ർ ആ​ശു​പ​ത്രി​യി​ലെ​ത്തി കു​ഞ്ഞി​ന്​ പു​തു​വ​സ്ത്ര​ങ്ങ​ളും മ​റ്റ് സ​മ്മാ​ന​ങ്ങ​ളും ന​ൽ​കി.

തു​ട​ർ​ന്ന് അ​ശ്വ​തി​യു​ടെ സ​ഹോ​ദ​ര​ൻ ഗാ​ന്ധി​ന​ഗ​ർ പൊ​ലീ​സ് സ്​​റ്റേ​ഷ​നി​ലെ​ത്തി മ​ധു​ര​പ​ല​ഹാ​ര​ങ്ങ​ൾ വി​ത​ര​ണം​ചെ​യ്തു. ദ​മ്പ​തി​ക​ളു​ടെ മൂ​ത്ത മ​ക​ൾ അ​ലം​കൃ​ത​യും മ​റ്റു കു​ടും​ബാം​ഗ​ങ്ങ​ളും ആ​ശു​പ​ത്രി​യി​ൽ എ​ത്തി​യി​രു​ന്നു. മെ​ഡി​ക്ക​ൽ കോ​ള​ജ് അ​ധി​കൃ​ത​ർ, പൊ​ലീ​സ്, ടാ​ക്സി ഡ്രൈ​വ​ർ അ​ല​ക്സ് സെ​ബാ​സ്റ്റ്യ​ൻ എ​ന്നി​വ​ർ​ക്ക് പ്ര​ത്യേ​കം ന​ന്ദി അ​റി​യി​ച്ചാ​ണ്​ അ​ശ്വ​തി മ​ട​ങ്ങി​യ​ത്. പ​രീ​ക്ഷ​ണ​ങ്ങ​ളെ അ​തി​ജീ​വി​ച്ച്​ തി​രി​ച്ചെ​ത്തി​യ​തി​നാ​ലാ​ണ്​ കു​ഞ്ഞി​ന്​ അ​ജ​യ്യ എ​ന്ന് പേ​രി​ട്ട​ത്.