Begin typing your search above and press return to search.
proflie-avatar
Login
exit_to_app
exit_to_app

വാളയാർ കേസിൽ പ്രതികൾക്ക് ജാമ്യം

text_fields
bookmark_border
വാളയാർ കേസിൽ പ്രതികൾക്ക് ജാമ്യം
cancel

പാലക്കാട്: വാളയാറില്‍ സഹോദരിമാര്‍ ദുരൂഹ സാഹചര്യത്തില്‍ മരിച്ച കേസില്‍ പ്രതികൾക്ക് ജാമ്യം. ഒന്നാംപ്രതി പാമ്പാംപള്ളം കല്ലംകാട് വി. മധു, മൂന്നാം പ്രതി ഇടുക്കി രാജാക്കാട് മാലുതൈക്കല്‍ വീട്ടില്‍ ഷിബു എന്നിവർക്കാണ് പാലക്കാട് പോക്സോ കോടതി ജാമ്യം അനുവദിച്ചത്. പ്രതികൾക്ക് നേരത്തെയും ജാമ്യം ലഭിച്ചിട്ടുണ്ടെന്നും സാക്ഷികളെ സ്വാധീനിച്ച ചരിത്രമില്ലാത്തതിനാൽ ജാമ്യം അനുവദിക്കണമെന്നുമുള്ള അഭിഭാഷകരുടെ വാദം കോടതി അംഗീകരിക്കുകയായിരുന്നു.

നേരത്തെ രണ്ടാം പ്രതി എം. മധുവിന് ഹൈകോടതി ജാമ്യം അനുവദിച്ചിരുന്നു. പ്രദീപ് കുമാർ എന്ന പ്രതി ആത്മഹത്യ ചെയ്തു. മറ്റൊരു പ്രതി ജുവനൈൽ കോടതിയിൽ വിചാരണ നേരിടുകയാണ്. എല്ലാ പ്രതികളും ഇപ്പോൾ ജയിൽമോചിതരായിട്ടുണ്ട്.

വാളയാർ അട്ടപ്പള്ളത്ത് 13കാ​​രി​​​യെ 2017 ജ​​നു​​വ​​രി 13നും സഹോദരിയായ ​​ഒ​​മ്പ​​തു വ​​യ​​സ്സു​​കാ​രി​യെ മാ​​ർ​​ച്ച് നാ​​ലി​​നും തൂ​​ങ്ങി​​മ​​രി​​ച്ച നി​​ല​​യി​​ൽ ക​​ണ്ടെ​​ത്തു​​ക​​യാ​​യി​​രു​​ന്നു. അസ്വാഭാവിക മരണമെന്നായിരുന്നു ആദ്യമന്വേഷിച്ച ലോക്കൽ പൊലീസിന്റെ റിപ്പോർട്ട്. സംഭവം വിവാദമായതോടെ നാർകോട്ടിക് സെൽ ഡിവൈ.എസ്.പിക്ക് കേസ് കൈമാറി. ഇരുവരം പീഡനത്തിനിരയായതായി പോസ്റ്റ്‌മോർട്ടത്തിൽ കണ്ടെത്തി. എന്നാൽ, തെളിവില്ലെന്ന് പറഞ്ഞ് എല്ലാ പ്രതികളെയും പാലക്കാട് പോക്‌സോ കോടതി വെറുതെ വിട്ടിരുന്നു. 2021 ജനുവരി ആറിന് ഹൈകോടതി ഈ വിധി റദ്ദാക്കുകയും പ്രതികളെല്ലാവരും വീണ്ടും ജയിലിലാവുകയും ചെയ്തു. വാളയാർ കേസ് സി.ബി.ഐ പുനരന്വേഷിക്കണമെന്ന് കഴിഞ്ഞ മാസം പാലക്കാട് പോക്‌സോ കോടതി ഉത്തരവിട്ടിരുന്നു.

Show Full Article
25% Off
E-Paper First Page
Today
Today's Edition is out

Want the complete newspaper?

Print Replica Crop & Save India & GCC Zoom in and zoom out
News Summary - Bail for the accused in the Walayar case
Next Story