‘എന്ത് ചെയ്യുമ്പോഴും വർഗതാൽപര്യം ഉയർത്തി പിടിക്കണം, വ്യവസ്ഥകൾക്കും ഉപാധികൾക്കും വ്യക്തത വരണം’; സി.പി.എം നയരേഖയിൽ പ്രതികരിച്ച് ബിനോയ് വിശ്വം

തിരുവനന്തപുരം: ഇ​ട​തു​ന​യ​ങ്ങ​ളി​ൽ കാ​ത​ലാ​യ മാ​റ്റ​ങ്ങ​ൾ നി​ർ​ദേ​ശി​ച്ച് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ അ​വ​ത​രി​പ്പി​ച്ച ‘ന​വ​കേ​ര​ള​ത്തെ ന​യി​ക്കാ​ൻ പു​തു​വ​ഴി​ക​ൾ’ എന്ന നയരേ​ഖയിൽ പ്രതികരിച്ച് സി.പി.ഐ സംസ്ഥാന സെക്രട്ടറി ബിനോയ് വിശ്വം. എന്ത് ചെയ്യുമ്പോഴും വർഗ താൽപര്യം ഉയർത്തി പിടിക്കണമെന്ന് ബിനോയ് വിശ്വം വ്യക്തമാക്കി.

എന്ത് ചെയ്യുമ്പോഴും വർഗതാൽപര്യം ഉയർത്തി പിടിക്കണം. വ്യവസ്ഥകളും ഉപാധികളും സംബന്ധിച്ച് കൂടുതൽ വ്യക്തത വരണം. വികസനം തേടിയുള്ള യാത്രയിൽ മൂലധനം ആവശ്യമുണ്ടെന്ന് ചൂണ്ടിക്കാട്ടിയ ബിനോയ് വിശ്വം, സി.പി.എം നയരേഖയെ കുറിച്ച് പഠിച്ചിട്ടില്ലെന്നും വ്യക്തമാക്കി.

കൊല്ലത്ത് നടക്കുന്ന സി.​പി.​എം സം​സ്ഥാ​ന സ​മ്മേ​ള​നത്തിലാണ് ഇ​ട​തു​ന​യ​ങ്ങ​ളി​ൽ കാ​ത​ലാ​യ മാ​റ്റ​ങ്ങ​ൾ നി​ർ​ദേ​ശി​ക്കുന്ന ‘ന​വ​കേ​ര​ള​ത്തെ ന​യി​ക്കാ​ൻ പു​തു​വ​ഴി​ക​ൾ’ എന്ന നയരേ​ഖ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ അ​വ​ത​രി​പ്പി​ച്ചത്. സ​ർ​ക്കാ​ർ സേ​വ​ന​ത്തി​ന് ആ​ളു​ക​ളു​ടെ വ​രു​മാ​ന​ത്തി​ന് അ​നു​സ​രി​ച്ച് വ്യ​ത്യ​സ്ത ഫീ​സ് / സെ​സ് ഈ​ടാ​ക്കു​ക, പൊ​തു​മേ​ഖ​ലാ സ്ഥാ​പ​ന​ങ്ങ​ൾ സ്വ​കാ​ര്യ​ നി​ക്ഷേ​ക​ർ​ക്ക് കൈ​മാ​റു​ക എ​ന്നി​ങ്ങ​നെ വി​വാ​ദ നി​ർ​ദേ​ശ​ങ്ങ​ള​ട​ങ്ങി​യ രേ​ഖ​യെ സ​മ്മേ​ള​ന പ്ര​തി​നി​ധി​ക​ൾ ഒ​ന്ന​ട​ങ്കം പി​ന്തു​ണ​ച്ചു.

പു​തു​വ​ഴി രേ​ഖ ന​ട​പ്പാ​കു​മ്പോ​ൾ സാ​മൂ​ഹി​ക നീ​തി ഉ​റ​പ്പു​വ​രു​ത്ത​ണം, കാ​ർ​ഷി​ക, പ​ര​മ്പ​രാ​ഗ​ത തൊ​ഴി​ൽ, ടൂ​റി​സം മേ​ഖ​ല​ക്ക് ഊ​ന്ന​ൽ വേ​ണം, പു​തു​ത​ല​മു​റ​യെ ആ​ക​ർ​ഷി​ക്കാ​ൻ കൃ​ഷി​യി​ൽ ആ​ധു​നി​ക​ത കൊ​ണ്ടു​വ​ര​ണം, സു​ഗ​ന്ധ​വ്യ​ഞ്ജ​ന​ങ്ങ​ളു​ടെ മൂ​ല്യ​വ​ർ​ധി​ത ഉ​ൽ​പ​ന്ന​ങ്ങ​ൾ ഉ​ണ്ടാ​ക്കി വി​പ​ണി ക​ണ്ടെ​ത്ത​ണം, വ​ന്യ​ജീ​വി ശ​ല്യ പ്ര​തി​രോ​ധ​ത്തി​ന് സ​മ​ഗ്ര പ​ദ്ധ​തി വേ​ണം എ​ന്നി​ങ്ങ​നെ​യാ​ണ് പ്ര​തി​നി​ധി​ക​ൾ മു​ന്നോ​ട്ടു​വെ​ച്ച നി​ർ​ദേ​ശ​ങ്ങ​ൾ. സ​മ്മേ​ള​നം അം​ഗീ​ക​രി​ക്കു​ന്ന രേ​ഖ മു​ൻ​നി​ർ​ത്തി മൂ​ന്നാം പി​ണ​റാ​യി സ​ർ​ക്കാ​ർ ല​ക്ഷ്യ​മി​ട്ടു​ള്ള കാ​മ്പ​യി​നാ​ണ് സി.​പി.​എ​മ്മി​ന്‍റെ പ​ദ്ധ​തി.

പു​തു​വ​ഴി രേ​ഖ​യി​ലെ നി​ർ​ദേ​ശ​ങ്ങ​ളെ​ല്ലാം ഇ​ട​തു​പ​ക്ഷ ന​യ​മാ​ണോ എ​ന്ന ചോ​ദ്യം മാ​ധ്യ​മ​ങ്ങ​ളും മ​റ്റു ചി​ല​രും ഉ​ന്ന​യി​ക്കു​ന്നു​ണ്ടെ​ന്ന് കോ​ഴി​ക്കോ​ട്ടു​ നി​ന്നു​ള്ള പ്ര​തി​നി​ധി ചൂ​ണ്ടി​ക്കാ​ട്ടി. പു​തു​വ​ഴി രേ​ഖ​യി​ലെ നി​ർ​ദേ​ശ​ങ്ങ​ൾ മി​ക്ക​തും മ​ധ്യ​വ​ർ​ഗ സ​മൂ​ഹ​ത്തെ ബാ​ധി​ക്കു​ന്ന​തും അ​വ​ർ​ക്ക് മാ​ത്രം താ​ൽ​പ​ര്യ​മു​ള്ള​തു​മാ​ണെ​ന്നും അ​ടി​സ്ഥാ​ന വി​ഭാ​ഗ​ങ്ങ​ളെ മ​റ​ക്ക​രു​തെ​ന്നും മ​റ്റൊ​രു പ്ര​തി​നി​ധി പ​റ​ഞ്ഞു.

അ​തി​ന് മ​റു​പ​ടി​യാ​യി കേ​ര​ളം അ​തി​വേ​ഗം മ​ധ്യ​വ​ർ​ഗ സ​മൂ​ഹ​മാ​യി മാ​റി​ക്കൊ​ണ്ടി​രി​ക്കു​ക​യാ​ണെ​ന്നും അ​തു പ​രി​ഗ​ണി​ക്കാ​തെ​യും അ​വ​രു​ടെ പി​ന്തു​ണ ഉ​റ​പ്പാ​ക്കാ​തെ​യും പാ​ർ​ട്ടി​ക്കും സ​ർ​ക്കാ​റി​നും മു​ന്നോ​ട്ടു ​പോ​കാ​നാ​വി​ല്ലെ​ന്ന പ്ര​തി​ക​ര​ണ​വു​മു​ണ്ടാ​യി. പ​ണ​ഞെ​രു​ക്കം നേ​രി​ടു​ന്ന കേ​ര​ള​ത്തി​ന്‍റെ മു​ന്നോ​ട്ടു​ള്ള കു​തി​പ്പി​നും പു​തി​യ വി​ഭ​വ​ സ​മാ​ഹ​ര​ണ​ത്തി​നു​മു​ള്ള മാ​ർ​ഗ​ങ്ങ​ൾ സ്വാ​ഗ​തം ചെ​യ്ത മ​റ്റു​ള്ള​വ​ർ രേ​ഖ​യി​ൽ വി​വി​ധ വി​ഷ​യ​ങ്ങ​ളി​ൽ കൂ​ട്ടി​ച്ചേ​ർ​ക്ക​ലു​ക​ൾ മു​ന്നോ​ട്ടു​വെ​ച്ചു. പു​തു​വ​ഴി രേ​ഖ ച​ർ​ച്ച​ക്ക് സ​മാ​പ​ന​ദി​ന​മാ​യ ഞാ​യ​റാ​ഴ്ച രാ​വി​ലെ പി​ണ​റാ​യി വി​ജ​യ​ൻ മ​റു​പ​ടി പ​റ​യും.