ബസ്​ചാർജ്​ വർധന: ധാരണയാവേണ്ടത്​ വിദ്യാർഥി യാത്രനിരക്കിൽ

തി​രു​വ​ന​ന്ത​പു​രം: ബ​സ്​ ചാ​ർ​ജ്​ വ​ർ​ധി​പ്പി​ക്കാ​ൻ ത​ത്ത്വ​ത്തി​ൽ ധാ​ര​ണ​യാ​യ​തോ​ടെ ഗ​താ​ഗ​ത​വ​കു​പ്പ്​ ന​ട​പ​ടി​ക​ൾ തു​ട​ങ്ങി. മി​നി​മം ചാ​ര്‍ജ് 10 രൂ​പ​യാ​ക്കാ​മെ​ന്ന് ഗ​താ​ഗ​ത​വ​കു​പ്പ് അ​നൗ​ദ്യോ​ഗി​ക​മാ​യി സ​ര്‍ക്കാ​റി​നെ അ​റി​യി​ച്ചിട്ടുണ്ട്. ഇ​തി​ല്‍ സ്വ​കാ​ര്യ​ബ​സു​കാ​രും തൃ​പ്ത​രാ​ണെ​ന്നാ​ണ്​ വി​വ​രം. സ്വ​കാ​ര്യ​ബ​സു​ട​മ​ക​ളു​മാ​യി സ​ര്‍ക്കാ​ര്‍ സ​മ​വാ​യ​ത്തി​ല്‍ എ​ത്തേ​ണ്ട​ത്​ വി​ദ്യാ​ർ​ഥി​ക​ളു​ടെ ക​ൺ​സ​ഷ​ൻ യാ​ത്ര​യു​​ടെ കാ​ര്യ​ത്തി​ലാ​ണ്. 2012ന് ​ശേ​ഷം വി​ദ്യാ​ർ​ഥി​യാ​ത്രാ​നി​ര​ക്കി​ൽ മാ​റ്റം വ​രു​ത്തി​യി​ട്ടി​ല്ല. മി​നി​മം നി​ര​ക്ക് ഒ​രു രൂ​പ​യാ​ണ്. ആ​റു​രൂ​പ​യാ​ണ് ബ​സു​ട​മ​ക​ള്‍ ആ​വ​ശ്യ​പ്പെ​ടു​ന്ന​ത്. വി​ദ്യാ​ർ​ഥി​സം​ഘ​ട​ന​ക​ളു​ടെ നി​ല​പാ​ട്​ കൂ​ടി ക​ണ​ക്കി​ലെ​ടു​ത്താ​കും തീ​രു​മാ​നം. അ​തേ​സ​മ​യം വി​ദ്യാ​ർ​ഥി​യാ​ത്രാ​നി​ര​ക്ക് വ​ര്‍ധി​പ്പി​ക്ക​ണ​മെ​ന്ന ആ​വ​ശ്യ​ത്തി​ല്‍ ബ​സു​ട​മ സം​ഘ​ട​ന​ക​ള്‍ ഉ​റ​ച്ചു​നി​ല്‍ക്കു​ക​യാ​ണ്.

മി​നി​മം പ​ത്താ​കു​മെ​ന്ന്​ ഏ​താ​ണ്ട്​ ഉ​റ​പ്പാ​യെ​ങ്കി​ലും ഇൗ ​നി​ര​ക്കി​ൽ സ​ഞ്ച​രി​ക്കാ​വു​ന്ന ദൂ​ര​ത്തി​െൻറ കാ​ര്യ​ത്തി​ൽ അ​വ്യ​ക്ത​ത തു​ട​രു​ക​യാ​ണ്. കോ​വി​ഡി​നെ തു​ട​ർ​ന്ന്​ ബ​സു​ട​മ​ക​ൾ ഉ​ന്ന​യി​ച്ച പ്ര​തി​സ​ന്ധി ക​ണി​ക്കി​ലെ​ടു​ത്ത്​ 2020 ജൂ​ണ്‍ 25ന്​ ​മി​നി​മം ചാ​ർ​ജി​ൽ സ​ഞ്ച​രി​ക്കാ​വു​ന്ന ദൂ​രം അ​ഞ്ച്​ കി​ലോ​മീ​റ്റ​റി​ൽ നി​ന്ന്​ ര​ണ്ട​ര കി​ലോ​മീ​റ്റ​റാ​യി കു​റ​ച്ചി​രു​ന്നു. ഒ​പ്പം കി​ലോ​മീ​റ്റ​ർ നി​ര​ക്ക്​ 70 പൈ​സ​യി​ൽ നി​ന്ന്​ 90 ​പൈ​സ​യാ​യി വ​ർ​ധി​പ്പി​ക്കു​ക​യും ചെ​യ്​​തി​രു​ന്നു.