ഇ-ബസുകളുടെ കന്നി​യാത്ര തടഞ്ഞ്​ സി.ഐ.ടി.യു; സർവിസുകൾ തുടങ്ങിയത്​ നേതാക്കളെ അറസ്​റ്റ്​ ചെയ്ത ശേഷം

തി​രു​വ​ന​ന്ത​പു​രം: സ്വി​ഫ്​​റ്റി​ന്​ കീ​ഴി​ൽ തു​ട​ങ്ങി​യ ഇ​ല​ക്​​ട്രി​ക്​ ബ​സു​ക​ളു​​ടെ ക​ന്നി​യാ​ത്ര ത​ട​ഞ്ഞ്​ സി.​​ഐ.​ടി.​യു ​പ്ര​തി​ഷേ​ധം. കെ.​എ​സ്.​ആ​ർ.​ടി.​സി​യു​ടെ കീ​ഴി​ൽ നി​ല​വി​ൽ ഓ​ടി​ക്കൊ​ണ്ടി​രി​ക്കു​ന്ന സ​ർ​വി​സു​ക​ളെ ഇ-​ബ​സു​ക​ൾ ഉ​പ​യോ​ഗി​ച്ച് കെ-​സ്വി​ഫ്റ്റി​ന്‍റെ കീ​ഴി​ൽ കൊ​ണ്ടു​വ​രാ​നു​ള്ള നീ​ക്ക​ത്തി​ൽ പ്ര​തി​ഷേ​ധി​ച്ചും വേ​ണ്ട​ത്ര കൂ​ടി​യാ​ലോ​ച​ന​ക​ളി​ല്ലെ​ന്ന്​ ആ​രോ​പി​ച്ചു​മാ​ണ്​ ബ​സു​ക​ൾ ത​ട​ഞ്ഞ​ത്.

ത​മ്പാ​നൂ​ർ സെ​ൻ​ട്ര​ൽ ഡി​പ്പോ​യി​ലാ​ണ്​ ഗ​താ​ഗ​ത മ​ന്ത്രി ആ​ൻ​റണി രാ​ജു പ​​ങ്കെ​ടു​ത്ത ഉ​ദ്​​ഘാ​ട​ന​ച്ച​ട​ങ്ങ്​ ന​ട​ന്ന​തെ​ങ്കി​ലും സി​റ്റി ഡി​പ്പോ​യി​ലും പേ​രൂ​ർ​ക്ക​ട ഡി​പ്പോ​യി​ലു​മാ​ണ്​ ഇ-​ബ​സു​ക​ൾ വി​ന്യ​സി​ച്ചി​രു​ന്ന​ത്. ഇൗ ​ര​ണ്ട്​ ഡി​പ്പോ​ക​ളി​ലു​മാ​യി​രു​ന്നു സി.​​ഐ.​ടി.​യു​ പ്ര​തി​ഷേ​ധം അ​ര​ങ്ങേ​റി​യ​ത്.

കി​ഴ​ക്കേ​കോ​ട്ട സി​റ്റി സ്റ്റാ​ൻ​ഡി​ൽ​നി​ന്ന്​ ക​ന്നി​യാ​ത്ര തു​ട​ങ്ങാ​നി​രു​ന്ന 14 ഇ​ല​ക്​​ട്രി​ക്​ ബ​സു​ക​ൾ​ക്ക്​ മു​ന്നി​ൽ രാ​വി​ലെ മു​ത​ൽ സി.​ഐ.​ടി.​യു പ്ര​വ​ർ​ത്ത​ക​ർ നി​ല​യു​റ​പ്പി​ച്ചി​രു​ന്നു. കെ.​എ​സ്.​ആ​ർ.​ടി.​ഇ.​എ (സി.​ഐ.​ടി.​യു) സം​സ്ഥാ​ന ഭാ​ര​വാ​ഹി​ക​ൾ നേ​രി​ട്ടാ​ണ്​ സ​മ​ര​ങ്ങ​ൾ​ക്ക്​ നേ​തൃ​ത്വം ന​ൽ​കി​യ​ത്. ഡ്രൈ​വ​ർ​മാ​ർ ബ​സു​ക​ളി​ലെ​ത്തി​യെ​ങ്കി​ലും സ​മ​രം മൂ​ലം സ​ർ​വി​സു​ക​ൾ തു​ട​ങ്ങാ​നാ​യി​ല്ല. പേ​രൂ​ർ​ക്ക​ട, സി​റ്റി ഡി​പ്പോ​ക​ളി​ൽ​നി​ന്ന്​ ഒ​റ്റ ഇ-​ബ​സും ഓ​ടാ​ൻ അ​നു​വ​ദി​ച്ചി​ല്ല. ക​ന​ത്ത​മ​ഴ​യി​ലും സ​മ​രം നീ​ണ്ടു.

തു​ട​ർ​ന്ന്​ പൊ​ലീ​സെ​ത്തി സ​മ​ര​ക്കാ​രെ അ​റ​സ്റ്റ്​ ചെ​യ്ത്​ നീ​ക്കി​യ ശേ​ഷ​മാ​ണ്​ ബ​സു​ക​ൾ ഓ​ടി​ത്തു​ട​ങ്ങി​യ​ത്. വ​ർ​ക്കി​ങ്​ പ്ര​സി​ഡ​ന്‍റ്​ സി.​കെ. ഹ​രി​കൃ​ഷ്ണ​ൻ, ജ​ന​റ​ൽ സെ​ക്ര​ട്ട​റി എ​സ്. വി​നോ​ദ് എ​ന്നി​വ​രെ​യും അ​റ​സ്റ്റ്​ ചെ​യ്​​തു. ഇ​തി​നി​ടെ ത​മ്പാ​നൂ​ർ ടെ​ര്‍മി​ന​ലി​ല്‍ മ​ന്ത്രി ആ​ന്‍റ​ണി രാ​ജു ബ​സ് ഫ്ലാ​ഗ് ഓ​ഫ്​ ചെ​യ്തു. ഉ​ദ്​​ഘാ​ട​ന​ച്ച​ട​ങ്ങ​ളി​ലേ​ക്ക്​ ടി.​ഡി.​എ​ഫ്​ പ്ര​വ​ർ​ത്ത​ക​ർ പ്ര​ക​ട​ന​മാ​യെ​ത്തി​യെ​ങ്കി​ലും ഇ​വ​രെ​യും അ​റ​സ്റ്റ്​ ചെ​യ്​​ത്​ നീ​ക്കി. അ​തേ​സ​മ​യം, പ്ര​തി​ഷേ​ധ​ങ്ങ​ളെ​ക്കു​റി​ച്ച് ത​നി​ക്ക്​ അ​റി​യി​ല്ലെ​ന്നും പണം കി​ട്ടു​ന്ന മു​റ​ക്ക്​​ ഒ​രു മു​ട​ക്ക​വു​മി​ല്ലാ​തെ ശ​മ്പ​ളം കൊ​ടു​ത്തു​കൊ​ണ്ടി​രി​ക്കു​മെ​ന്നാ​യി​രു​ന്നു മ​ന്ത്രി ആ​ന്‍റ​ണി രാ​ജു​വി​ന്‍റെ പ്ര​തി​ക​ര​ണം. അ​റ​സ്റ്റിനെതിരെ ചൊ​വ്വാ​ഴ്​​ച എ​ല്ലാ ജി​ല്ല ഓ​ഫി​സു​ക​ളി​ലും യൂ​നി​റ്റു​ക​ളും സി.​​ഐ.​ടി.​യു പ്ര​തി​ഷേ​ധ​ത്തി​ന്​ ആ​ഹ്വാ​നം ചെ​യ്തി​ട്ടു​ണ്ട്.

സി.​എം.​ഡി​ക്ക്​ മാ​ട​മ്പി​ത്തം -സി.​ഐ.​ടി.​യു

മാ​നേ​ജ്​​മെ​ന്‍റ്​ ലാ​ഭ​ത്തി​ലാ​ണെ​ന്ന്​ പ​റ​യു​മ്പോ​ഴും വ​രു​മാ​ന​വും ചെ​ല​വു​മെ​ല്ലാം ക​ണ​ക്കാ​ക്കു​മ്പോ​ൾ സ്വി​ഫ്​​റ്റ്​ ന​ഷ്ട​ത്തി​ലാ​ണെ​ന്ന്​ സി.​ഐ.​ടി.​യു സം​സ്ഥാ​ന ഭാ​ര​വാ​ഹി​ക​ൾ ആ​രോ​പി​ച്ചു. സി.​എം.​ഡി ബി​ജു​പ്ര​ഭാ​ക​റി​ന്‍റെ ത​ന്നി​ഷ്​​ട​പ്ര​കാ​ര​വും ഏ​കാ​ധി​പ​ത്യ​പ​ര​വും തൊ​ഴി​ലാ​ളി-​വ്യ​വ​സാ​യ​വി​രു​ദ്ധ​വു​മാ​യി ഇ​റ​ക്കു​ന്ന ഭ്രാ​ന്ത​ൻ ഉ​ത്ത​ര​വു​ക​ൾ കെ.​എ​സ്.​ആ​ർ.​ടി.​സി​യെ​യും തൊ​ഴി​ലാ​ളി​ക​ളെ​യും ഇ​ല്ലാ​താ​ക്കു​ന്ന​താ​ണ്. ര​ണ്ടു​മാ​സ​ത്തെ ടി​ക്ക​റ്റ് വ​രു​മാ​നം 360 കോ​ടി രൂ​പ​യും സ​ർ​ക്കാ​ർ സ​ഹാ​യ​മാ​യ 80 കോ​ടി രൂ​പ​യും ചേ​ർ​ത്ത് 440 കോ​ടി രൂ​പ കൈ​വ​ശ​മു​ള്ള​പ്പോ​ഴാ​ണ് ക​ഴി​ഞ്ഞ ര​ണ്ടു​മാ​സ​ങ്ങ​ളി​ലെ ശ​മ്പ​ളം കു​ടി​ശ്ശി​ക​യാ​ക്കി​യി​രി​ക്കു​ന്ന​തെ​ന്നും ഭാ​ര​വാ​ഹി​ക​ൾ പ​റ​ഞ്ഞു.