ചികിത്സയിൽ കഴിഞ്ഞിരുന്ന കോവിഡ് രോഗി മരിച്ചു

ഗാന്ധിനഗർ: കോട്ടയം മെഡിക്കൽ കോളജിൽ കോവിഡ് ബാധിച്ച് ചികിത്സയിൽ കഴിഞ്ഞിരുന്ന ഗൃഹനാഥൻ മരിച്ചു. മുണ്ടക്കയം 31ാം മൈൽ കരക്കണ്ടത്തിൽ സാബു (54) ആണ് മരിച്ചത്.

കഴിഞ്ഞ ദിവസമാണ് ശ്വാസം മുട്ടലിനെ തുടർന്ന് സാബുവിനെ ആശുപത്രിയിൽ പ്രവേശിപ്പിച്ചത്. രാത്രി ആരോഗനില മോശമാകുകയും പുലർച്ചെ മരണപ്പെടുകയും ചെയ്തു.

മൃതദേഹം മെഡിക്കൽ കോളജ് മോർച്ചറിയിൽ. സംസ്കാരം മുട്ടമ്പലം പൊതുശ്മശാനത്തിൽ നടക്കും. ഭാര്യ: വത്സമ്മ. മക്കൾ. സൗമ്യ, സൽമിയ, സന്യ.