സൈബറിടം കീഴടക്കി കുറ്റകൃത്യങ്ങൾ

മ​ല​പ്പു​റം: സം​സ്ഥാ​ന​ത്ത്​ തു​ട​ർ​ച്ച​യാ​യി ര​ണ്ടാം വ​ർ​ഷ​വും സൈ​ബ​ർ കു​റ്റ​കൃ​ത്യ​ങ്ങ​ളു​ടെ കു​ത്തൊ​ഴു​ക്ക്. 2024 ജ​നു​വ​രി മു​ത​ൽ ന​വം​ബ​ർ വ​രെ 3346ഉം 2023​ൽ 3295ഉം ​സൈ​ബ​ർ കേ​സു​ക​ളാ​ണ്​ സം​സ്ഥാ​ന​ത്ത്​ ര​ജി​സ്റ്റ​ർ ചെ​യ്ത​ത്. സൈ​ബ​ർ കു​റ്റ​കൃ​ത്യ​ങ്ങ​ളു​ടെ നി​രീ​ക്ഷ​ണ​ത്തി​ന്​ സൈ​ബ​ർ​ഡോം സ്ഥാ​പി​ക്കു​ക​യും സൈ​ബ​ർ പൊ​ലീ​സി​ങ് വി​പു​ലീ​ക​രി​ക്കു​ക​യും ചെ​യ്തി​ട്ടും സം​സ്ഥാ​ന​ത്ത്​ ഇ​ത്ത​രം കു​റ്റ​കൃ​ത്യ​ങ്ങ​ള്‍ക്ക്​ കു​റ​വു​ണ്ടാ​കു​ന്നി​ല്ല. പ്ര​തി​ദി​നം ശ​രാ​ശ​രി 15 മു​ത​ൽ 20 വ​രെ സൈ​ബ​ർ കേ​സു​ക​ള്‍ സം​സ്ഥാ​ന​ത്ത് റി​പ്പോ​ർ​ട്ട് ചെ​യ്യു​ന്നു​ണ്ട്.

2016ല്‍ 283 ​സൈ​ബ​ര്‍ കു​റ്റ​കൃ​ത്യ​ങ്ങ​ൾ മാ​ത്ര​മാ​ണ്​ സം​സ്ഥാ​ന​ത്ത് റി​പ്പോ​ര്‍ട്ട് ചെ​യ്ത​ത്. 2017ല്‍ ​അ​ത് 320 ആ​യി ഉ​യ​ര്‍ന്നു. 2018ല്‍ 340 ​കേ​സു​ക​ള്‍ റി​പ്പോ​ര്‍ട്ട് ചെ​യ്തു. 2019ല്‍ ​കേ​സു​ക​ളി​ൽ നേ​രി​യ കു​റ​വ് രേ​ഖ​പ്പെ​ടു​ത്തി 307 ആ​യി. 2020ല്‍ 426 ​കേ​സു​ക​ളും 2021ല്‍ 626 ​കേ​സു​ക​ളും റി​പ്പോ​ര്‍ട്ട് ചെ​യ്തു. 2022ല്‍ ​കേ​സു​ക​ളു​ടെ എ​ണ്ണം 815 ആ​യി ഉ​യ​ർ​ന്നു.

ത​ന്ത്ര​ങ്ങ​ൾ പ​ല​വി​ധം

സൈ​ബ​ർ ത​ട്ടി​പ്പി​ന് ഒ​ട്ട​ന​വ​ധി ത​​ന്ത്ര​ങ്ങ​ളാ​ണ്​ കു​റ്റ​വാ​ളി​ക​ൾ പു​റ​ത്തെ​ടു​ക്കു​ന്ന​ത്​. വി​വി​ധ അ​ന്വേ​ഷ​ണ ഏ​ജ​ൻ​സി​ക​ളു​ടെ പേ​രി​ൽ വി​ഡി​യോ കാ​ളി​ലൂ​ടെ ഡി​ജി​റ്റ​ൽ അ​റ​സ്റ്റ് ഭീ​ഷ​ണി മു​ഴ​ക്കു​ക​യും കേ​സി​ൽ​നി​ന്ന് ഒ​ഴി​വാ​ക്കാ​നാ​യി പ​ണം ആ​വ​ശ്യ​പ്പെ​ടു​ക​യും ചെ​യ്യു​ന്നു. പാ​ർ​സ​ലു​ക​ളി​ൽ ല​ഹ​രി​മ​രു​ന്ന്​ ക​ണ്ടെ​ത്തി​യെ​ന്നും കേ​സി​ൽ​നി​ന്ന് ഒ​ഴി​വാ​കാ​ൻ പ​ണം വേ​ണ​മെ​ന്നും പ​റ​യു​ന്നു. ബാ​ങ്ക്​ അ​ക്കൗ​ണ്ട്, പാ​ൻ, ആ​ധാ​ർ എ​ന്നി​വ​യു​ടെ കെ.​വൈ.​സി​യു​ടെ കാ​ലാ​വ​ധി ക​ഴി​ഞ്ഞെ​ന്ന പേ​രി​ൽ ലി​ങ്ക്​ അ​യ​ച്ച്​ അ​ക്കൗ​ണ്ട്​ വി​വ​ര​ങ്ങ​ളും ഒ.​ടി.​പി​യും കൈ​ക്ക​ലാ​ക്കി പ​ണം​ത​ട്ടു​ന്നു. വീ​ട്ടി​ലി​രു​ന്ന്​ പ​ണം സ​മ്പാ​ദി​ക്കാ​മെ​ന്ന പേ​രി​ൽ വ​ൻ​തു​ക നി​ക്ഷേ​പ​മാ​യി വാ​ങ്ങു​ന്നു. ഓ​ൺ​ലൈ​ൻ വാ​യ്​​പ​യു​ടെ പേ​രി​ൽ പ്രോ​സ​സി​ങ്​ ചാ​ർ​ജ്​ ഇ​ന​ത്തി​ൽ വ​ൻ തു​ക വാ​ങ്ങി പ​ണം ത​ട്ടു​ന്നു. വി​ഡി​യോ കാ​ൾ ചെ​യ്ത് ന​ഗ്​​ന വി​ഡി​യോ നി​ർ​മി​ക്കു​മെ​ന്ന്​ ഭീ​ഷ​ണി​പ്പെ​ടു​ത്തി പ​ണം ത​ട്ടു​ന്നു. ത​ട്ടി​പ്പി​നാ​യി വി​ദ്യാ​ർ​ഥി​ക​ളു​ടെ​യും മ​റ്റും ബാ​ങ്ക്​ അ​ക്കൗ​ണ്ടു​ക​ൾ വാ​ട​ക​ക്കെ​ടു​ത്തും ത​ട്ടി​പ്പ്​ ന​ട​ത്തു​ന്നു.

സ​മൂ​ഹ​മാ​ധ്യ​മ​ങ്ങ​ളി​ലൂ​ടെ പെ​ട്ടെ​ന്ന് സാ​മ്പ​ത്തി​ക​നേ​ട്ടം കൈ​വ​രി​ക്കാം എ​ന്ന വ്യാ​ജേ​ന നി​ര​വ​ധി വ്യാ​ജ സ​ന്ദേ​ശ​ങ്ങ​ളാ​ണ് ത​ട്ടി​പ്പു​കാ​ർ പ​ട​ച്ചു​വി​ടു​ന്ന​ത്.

ലോ​ണ്‍ ആ​പ്, ഓ​ൺ​ലൈ​ൻ ജോ​ബ്​ കേ​സു​ക​ളാ​ണ് കൂ​ടു​ത​ല്‍ റി​പ്പോ​ര്‍ട്ട് ചെ​യ്യു​ന്ന​ത്. സാ​മ്പ​ത്തി​ക ത​ട്ടി​പ്പു​കേ​സി​ലെ പ്ര​തി​ക​ള്‍ പ​ല​തും ഇ​ത​ര സം​സ്ഥാ​ന​ത്തും വി​ദേ​ശ​ത്തി​രു​ന്നു​മാ​ണ്​ നി​യ​ന്ത്രി​ക്കു​ന്ന​ത്.

1930 എ​ന്ന ന​മ്പ​റി​ൽ പ​രാ​തി അ​റി​യി​ക്കാം

ഓ​ൺ​ലൈ​ൻ സാ​മ്പ​ത്തി​ക ത​ട്ടി​പ്പി​നി​ര​യാ​യാ​ൽ ഒ​രു മ​ണി​ക്കൂ​റി​ന​കം (ഗോ​ൾ​ഡ​ൻ അ​വ​ർ) ത​ന്നെ വി​വ​രം 1930 എ​ന്ന ന​മ്പ​റി​ൽ സൈ​ബ​ർ പൊ​ലീ​സി​നെ അ​റി​യി​ക്ക​ണം. www.cybercrime.gov.in എ​ന്ന വെ​ബ്‌​സൈ​റ്റി​ലും പ​രാ​തി ര​ജി​സ്റ്റ​ർ ചെ​യ്യാം.