പ്രിയ സുഹൃത്തുക്കൾക്ക് കണ്ണീരോടെ വിട...

കൊച്ചി: കളമശ്ശേരിയിലെ കൊച്ചിൻ ശാസ്ത്രസാങ്കേതിക സർവകലാശാലയിൽ (കുസാറ്റ്) ഇന്നലെ ടെക് ഫെസ്റ്റിനോടനുബന്ധിച്ചുള്ള ഗാനസന്ധ്യക്കിടെ തിരക്കിൽപെട്ട് മരിച്ചവർക്ക് യാത്രാമൊഴി. എ​ൻ​ജി​നീ​യ​റി​ങ് വി​ദ്യാ​ർ​ഥി​ക​ളാ​യ കൂ​ത്താ​ട്ടു​കു​ളം കി​ഴ​കൊ​മ്പ് കൊ​ച്ചു​പാ​റ​യി​ൽ കെ.​എം. ത​മ്പി​യു​ടെ മ​ക​ൻ അ​തു​ൽ ത​മ്പി (23), നോ​ർ​ത്ത് പ​റ​വൂ​ർ ഗോ​തു​രു​ത്ത് കോ​നാ​ത്ത് ഹൗ​സി​ൽ കെ.​ജി. റോ​യി​യു​ടെ മ​ക​ൾ ആ​ൻ റി​ഫ്ത്ത റോ​യ് (20), കോ​ഴി​ക്കോ​ട് താ​മ​ര​ശ്ശേ​രി പു​തു​പ്പാ​ടി വ​യ​ല​പ്പ​ള്ളി​ൽ തോ​മ​സ് സ്​​ക​റി​യ​യു​ടെ മ​ക​ൾ സാ​റ തോ​മ​സ് (19), വി​ദ്യാ​ർ​ഥി​യ​ല്ലാ​ത്ത പാ​ല​ക്കാ​ട് മു​ണ്ടൂ​ർ സ്വ​ദേ​ശി ആ​ൽ​ബി​ൻ ജോ​സ​ഫ് (23) എ​ന്നി​വ​ർ​ക്കാ​ണ് സം​ഗീ​ത​നി​ശ​ക്കി​ടെ തി​ക്കി​ലും തി​ര​ക്കി​ലും ജീ​വ​ൻ ന​ഷ്ട​മാ​യ​ത്. മൃ​ത​ദേ​ഹ​ങ്ങ​ൾ പോ​സ്റ്റ്മോ​ർ​ട്ട​ത്തി​നു​ശേ​ഷം വി​ട്ടു​കൊ​ടു​ത്തു. വി​ദ്യാ​ർ​ഥി​ക​ളു​ടെ മൃ​ത​ദേ​ഹം കു​സാ​റ്റ് കാ​മ്പ​സി​ലെ പൊ​തു​ദ​ർ​ശ​ന​ത്തി​നു ശേ​ഷ​മാ​ണ് നാ​ടു​ക​ളി​ലേ​ക്ക് കൊ​ണ്ടു​പോ​യ​ത്.

അതുൽ തമ്പി, ആൻ റിഫ്ത്ത, സാറാ തോമസ് എന്നിവരുടെ മൃതദേഹമാണ് പോസ്റ്റുമോർട്ടത്തിന് ശേഷം സഹപാഠികൾക്ക് അന്ത്യാഞ്ജലിയർപ്പിക്കാനായി ക്യാമ്പസിലെത്തിച്ചത്.

അ​തു​ൽ ത​മ്പി, ആ​ൽ​ബി​ൻ ജോ​സ​ഫ് എ​ന്നി​വ​രു​ടെ മൃ​ത​ദേ​ഹ​ങ്ങ​ൾ സം​സ്ക​രി​ച്ചു. സാ​റ​യു​ടേ​ത്​ തി​ങ്ക​ളാ​ഴ്ച​യാ​ണ്. ആ​ൻ റി​ഫ്ത്ത​യു​ടെ സം​സ്കാ​രം ഇ​റ്റ​ലി​യി​ൽ ജോ​ലി ചെ​യ്യു​ന്ന മാ​താ​വ് സി​ന്ധു നാ​ട്ടി​ലെ​ത്തി​യ​ശേ​ഷം ചൊ​വ്വാ​ഴ്ച​യാ​ണ്. മൃ​ത​ദേ​ഹം പ​റ​വൂ​ർ താ​ലൂ​ക്ക് ആ​ശു​പ​ത്രി​യി​ൽ സൂ​ക്ഷി​ച്ചി​രി​ക്കു​ക​യാ​ണ്.

ഗുരുതരാവസ്ഥയിൽ രണ്ടുപേർ

മ​ല​പ്പു​റം സ്വ​ദേ​ശി​നി ഷേ​ബ, ആ​ല​പ്പു​ഴ കാ​യം​കു​ളം സ്വ​ദേ​ശി​നി ഗീ​താ​ഞ്ജ​ലി എ​ന്നി​വ​ർ ഗു​രു​ത​രാ​വ​സ്ഥ​യി​ൽ എ​റ​ണാ​കു​ളം ആ​സ്റ്റ​ർ മെ​ഡ്​​സി​റ്റി​യി​ലെ വെ​ന്‍റി​ലേ​റ്റ​റി​ലു​ള്ള​ത്. ഷേ​ബ​യു​ടെ നി​ല​യി​ൽ ചെ​റി​യ പു​രോ​ഗ​തി​യു​ണ്ട്. ര​ണ്ടു പേ​ർ​ക്കും ക​ര​ൾ, ത​ല​ച്ചോ​റ്, ശ്വാ​സ​കോ​ശം എ​ന്നീ ആ​ന്ത​രി​കാ​വ​യ​വ​ങ്ങ​ളി​ലാ​ണ് പ​രി​ക്കേ​റ്റ​ത്.

42 പേർ ചികിത്സയിൽ

എ​റ​ണാ​കു​ളം മെ​ഡി​ക്ക​ൽ കോ​ള​ജ്, കി​ൻ​ഡ​ർ ആ​ശു​പ​ത്രി എ​ന്നി​വി​ട​ങ്ങ​ളി​ലാ​യി 42 പേ​രാ​ണ് ചി​കി​ത്സ​യി​ലു​ള്ള​ത്. ഇ​വ​രു​ടെ ആ​രോ​ഗ്യ​നി​ല​യി​ൽ പു​രോ​ഗ​തി​യു​ണ്ടെ​ന്നും മ​റ്റു​ള്ള​വ​ർ ആ​ശു​പ​ത്രി വി​ട്ടെ​ന്നും സ​ർ​വ​ക​ലാ​ശാ​ല അ​ധി​കൃ​ത​ർ പ​റ​ഞ്ഞു. അ​ഞ്ചു​പേ​ർ തീ​വ്ര​പ​രി​ച​ര​ണ വി​ഭാ​ഗ​ത്തി​ലും 35 പേ​ർ വാ​ർ​ഡു​ക​ളി​ലു​മാ​ണു​ള്ള​ത്. 64 പേ​രാ​ണ് സം​ഭ​വ​ത്തി​ൽ പ​രി​ക്കേ​റ്റ് ചി​കി​ത്സ തേ​ടി​യി​രു​ന്ന​ത്.