'അഞ്ച് കെ.എസ്.യുക്കാരുടെ രക്തം വീഴ്ത്തിയേ അടങ്ങൂ'; ഡി.വൈ.എഫ്.ഐ നേതാവിന്‍റെ കൊലവിളി പ്രസംഗം -വിഡിയോ
text_fields
ഡി.വൈ.എഫ്.ഐ നേതാവ് പി.യു ജോമോന്‍ പ്രസംഗിക്കുന്നു
കാലടി: ശ്രീശങ്കര കോളജിൽ കഴിഞ്ഞ ദിവസം നടന്ന തെരഞ്ഞെടുപ്പുമായി ബന്ധപ്പെട്ട് നടന്ന സംഘട്ടനത്തെ തുടർന്ന് എസ്.എഫ്.ഐ നടത്തിയ പ്രതിഷേധ പരിപാടിയിൽ ചോരക്ക് പകരം ചോര എടുക്കുമെന്ന് വെല്ലുവിളി നടത്തിയ അയ്യമ്പുഴ ഗ്രാമപഞ്ചായത്ത് പ്രസിഡന്‍റ് പി.യു. ജോമോന്‍റെ പ്രസംഗം വിവാദമാവുന്നു. കെ.എസ്.യു പ്രവർത്തകർക്കെതിരെയാണ് ഡി.വൈ.എഫ്.ഐ ജില്ല സെക്രട്ടേറിയറ്റ് അംഗം കൂടിയായ ജോമോൻ ബുധനാഴ്ച രാത്രി എഴിന് നടന്ന പ്രതിഷേധത്തിൽ കൊലവിളി പ്രസംഗം നടത്തിയത്.
ശ്രീശങ്കര കോളജ് കാമ്പസിൽ എസ്.എഫ്.ഐ പ്രവർത്തകരുടെ ചോര വീണിട്ടുണ്ടെങ്കിൽ പകരം പ്രതികളായ അഞ്ച് കെ.എസ്.യു പ്രവർത്തകരുടെ രക്തം വീഴ്ത്തിയേ അടങ്ങൂവെന്നും എതിർക്കാൻ വരുന്നവരുടെ കൈയും കാലും തല്ലിയൊടിക്കുമെന്നും പൊലീസും പട്ടാളവും വന്നാലും ഒന്നുമില്ലെന്നും ശ്രീശങ്കരാചാര്യ സംസ്കൃത സർവകലാശാലയിലെ എസ്.എഫ്.ഐ നേതാവായിരുന്ന ജോമോൻ പറഞ്ഞു.