വിഷാദരോഗിയെന്ന് നരബലി കേസിലെ പ്രതി; ലൈല അടക്കം മൂന്നു പേരും റിമാൻഡിൽ

കൊച്ചി: പത്തനംതിട്ട ഇലന്തൂരിൽ നടന്ന ഇരട്ട നരബലി കേസിലെ മൂന്നു പ്രതികളും റിമാൻഡിൽ. ഭഗവൽ സിങ്, ഭാര്യ ലൈല, മന്ത്രവാദി മുഹമ്മദ് ഷാഫി എന്നിവരെയാണ് ജുഡീഷ്യൽ മജിസ്ട്രേറ്റ് കോടതി റിമാൻഡ് ചെയ്തത്. റിമാൻഡിലായ പ്രതികളെ കാക്കനാട് ജില്ല ജയിലിലേക്ക് മാറ്റും.

അന്വേഷണ സംഘത്തിനെതിരെ പരാതിയില്ലെന്ന് ഷാഫി കോടതിയിൽ വ്യക്തമാക്കി. വിഷാദ രോഗിയാണെന്നും ഉയർന്ന രക്തസമ്മർദമുണ്ടെന്നും മറ്റൊരു പ്രതിയായ ലൈലയും വ്യക്തമാക്കി. ഇന്ന് പുലർച്ചെയാണ് എറണാകുളം സിറ്റി ഡെപ്യൂട്ടി കമീഷണറുടെ നേതൃത്വത്തിൽ പ്രതികളെ കൊച്ചിയിൽ എത്തിച്ചത്. തുടർന്ന് കടവന്ത്ര പൊലീസ് സ്റ്റേഷനിലേക്ക് മാറ്റി.

പ്രതികളെ കസ്റ്റഡിയിൽ ലഭിക്കാൻ അന്വേഷണ സംഘം ഇന്ന് കോടതിയിൽ അപേക്ഷ നൽകും. റോസ് ലിയെയും പത്മയെയും കൂടാതെ മറ്റ് സ്ത്രീകളെയും പൂജയിൽ പങ്കെടുപ്പിക്കാൻ സമീപിച്ചെന്ന വെളിപ്പെടുത്തലിന്‍റെ അടിസ്ഥാനത്തിൽ ഷാഫിയെ വിശദമായ ചോദ്യം ചെയ്യാനാണ് പൊലീസ് തീരുമാനം. സമീപകാലത്ത് കൊച്ചിയിൽ നിന്ന് കാണാതായ സ്ത്രീകളെ കുറിച്ചുള്ള വിവരങ്ങളും പൊലീസ് ശേഖരിക്കുന്നുണ്ട്.

പ​ത്ത​നം​തി​ട്ട ഇ​ല​ന്തൂ​രി​ലാണ് കു​ടും​ബ​ത്തി​ന്‍റെ സാ​മ്പ​ത്തി​ക അ​ഭി​വൃ​ദ്ധി​ക്കാ​യി മ​ന്ത്ര​വാ​ദ​ത്തി​ന്‍റെ പേ​രി​ൽ ര​ണ്ട്​ സ്ത്രീ​ക​ളെ ന​ര​ബ​ലി നടത്തിയത്. പാ​ര​മ്പ​ര്യ തി​രു​മ്മു​ചി​കി​ത്സ കേ​ന്ദ്രം ന​ട​ത്തു​ന്ന ഭഗവൽ​ സിങ്ങിന്‍റെ വീട്ടിലാണ് സ്ത്രീ​ക​ളെ ത​ട്ടി​ക്കൊ​ണ്ടു​വ​ന്ന്​ കൊ​ന്നു ക​ഷ​ണ​ങ്ങ​ളാ​ക്കി കു​ഴി​ച്ചിട്ടത്. കേ​സി​ൽ മ​ന്ത്ര​വാ​ദി​യാ​യ ഏ​ജ​ന്‍റ് ​പെ​രു​മ്പാ​വൂ​ർ സ്വ​ദേ​ശി മു​ഹ​മ്മ​ദ്​ ഷാ​ഫി എ​ന്ന ഷി​ഹാ​ബ്, പാ​ര​മ്പ​ര്യ തി​രു​മ്മു​ചി​കി​ത്സ കേ​ന്ദ്രം ന​ട​ത്തു​ന്ന ഇ​ല​ന്തൂ​ർ ക​ട​ക​മ്പ​ള്ളി​ൽ ഭ​ഗ​വ​ൽ​ സി​ങ് വൈ​ദ്യ​ർ (67), ര​ണ്ടാം​ ഭാ​ര്യ ലൈ​ല (60) എ​ന്നി​വ​ർ​ അ​റ​സ്റ്റി​ലാ​യി.

ലോ​ട്ട​റി വി​ൽ​പ​ന​ക്കാ​രാ​യ എ​റ​ണാ​കു​ളം ക​ട​വ​ന്ത്ര​യി​ൽ താ​മ​സി​ക്കു​ന്ന ത​മി​ഴ്​​നാ​ട്​ ധ​ർ​മ​പു​രി സ്വ​ദേ​ശി പ​ത്മ (56), കാ​ല​ടി മ​റ്റൂ​രി​ൽ താ​മ​സി​ച്ചി​രു​ന്ന തൃ​ശൂ​ർ വ​ട​​ക്കാഞ്ചേ​രി സ്വ​ദേ​ശി റോ​സ്​​ലി​ൻ (49) എ​ന്നി​വ​രെ​യാ​ണ്​​ മ​ന്ത്ര​വാ​ദ​ത്തി​ന്‍റെ ഭാ​ഗ​മാ​യി ​പീ​ഡി​പ്പി​ച്ചും ത​ല​യ​റു​ത്തും കൊ​ല​പ്പെ​ടു​ത്തി​യ​ത്.

ഭ​ഗ​വ​ൽ​ സി​ങ്ങി​ന്‍റെ കു​ടും​ബ​ത്തി​ന്‍റെ സ​മ്പ​ദ്സ​മൃ​ദ്ധി​ക്കാ​യി ഇ​യാ​ളു​ടെ വീ​ടി​ന്​ സ​മീ​പ​ത്തെ തി​രു​മ്മു​ചി​കി​ത്സ കേ​ന്ദ്ര​ത്തി​ലാ​ണ്​ ജൂ​ൺ, സെ​പ്​​റ്റം​ബ​ർ മാ​സ​ങ്ങ​ളി​ലാ​യി കൊ​ല​പാ​ത​ക​ങ്ങ​ൾ ന​ട​ന്ന​ത്. ക​ട്ടി​ലി​ൽ കെ​ട്ടി​യി​ട്ട്​ ക​ഴു​ത്ത​റ​ത്ത​ ശേ​ഷം ജ​ന​നേ​ന്ദ്രി​യ​ത്തി​ൽ ക​ത്തി കു​ത്തി​യി​റ​ക്കി ശേ​ഖ​രി​ച്ച ര​ക്തം വീ​ടി​ന്​ ചു​റ്റും ത​ളി​ക്കു​ക​യാ​യി​രു​ന്നു. തു​ട​ർ​ന്ന്​ മൃ​ത​ദേ​ഹം ക​ഷ​​ണ​ങ്ങ​ളാ​ക്കി വീ​ടി​ന്​ സ​മീ​പ​ത്ത്​ ര​ണ്ടി​ട​ങ്ങ​ളി​ലാ​യി ആ​ഴ​ത്തി​ൽ കു​ഴി​യെ​ടു​ത്ത്​ മ​ണ്ണി​ട്ടു​വെ​ന്ന്​ പൊ​ലീ​സ്​ പ​റ​യുന്നു.