കുറുവാ ദ്വീപിൽ സ്കൂട്ടറിൽ സഞ്ചരിച്ച യുവതിക്ക് കാട്ടാന ആക്രമണം

കൽപ്പറ്റ: വയനാട് കുറവാ ദ്വീപിന് സമീപം സ്കൂട്ടറിൽ സഞ്ചരിക്കുകയായിരുന്ന യുവതിയെ കാട്ടാന ആക്രമിച്ചു. പാക്കം സ്വദേശിയും കുറവാ ദ്വീപിലെ വി.എസ്.എസ് ജീവനക്കാരിയുമായ ഇന്ദിരക്കാണ് (37) പരിക്കേറ്റത്.

ഇന്ന് രാവിലെ 8.45 ഓടെയാണ് കാട്ടാന ആക്രമണമുണ്ടായത്. ഇന്ദിരയെ മാനന്തവാടി ജില്ലാ ആശുപത്രിയിൽ പ്രവേശിപ്പിച്ചു. യുവതിയുടെ 4 വാരിയെല്ലുകൾ പൊട്ടിയിട്ടുണ്ട്.

കുറുവാ ദ്വീപ് വനസംരക്ഷണ സമിതി ജീവനക്കാരിയായ ഇന്ദിര സ്കൂട്ടറിൽ കുറുവയിലേക്ക് പോകും വഴി കാട്ടാനകളുടെ മുമ്പിൽ പെടുകയായിരുന്നു. സ്കൂട്ടർ പുർണ്ണമായി ആനകൾ തകർത്തു.