കുളിപ്പിക്കുന്നതിനിടെ കാൽവഴുതി ആനക്കടിയിൽ​െപട്ട് പാപ്പാന് ദാരുണാന്ത്യം

കോട്ടയം: ആനത്തറയിൽ കുളിപ്പിക്കുന്നതിനിടെ കാൽവഴുതി ആനക്കടിയിൽപെട്ട് പാപ്പാന് ദാരുണാന്ത്യം. കോട്ടയം ഭാരത് ആ ശുപത്രി ഗ്രൂപ്പി​​െൻറ ഉടമസ്ഥതയിലുള്ള കൊമ്പൻ ഭാരത് വിശ്വനാഥ​​െൻറ അടിയിൽപെട്ടാണ് പാപ്പാൻ ആലപ്പുഴ ചെന്നിത്തല തൃപ്പെരുന്തുറ പട്ടേടത്ത് വീട്ടിൽ അരുൺ പണിക്കർ (40) ഞെരിഞ്ഞുമരിച്ചത്.

ഞായറാഴ്ച രാവിലെ 9.50ഒാടെ ആനയെ സ്ഥിരമായി തളക്കുന്ന കോട്ടയം നഗരപ്രദേശ​െത്ത കാരാപ്പുഴയിലെ പുരയിടത്തിലായിരുന്നു സംഭവം. പൈപ്പ് ഉപയോഗിച്ച് കുളിപ്പിക്കാൻ ആനയോട് കിടക്കാൻ നിർദേശിച്ചെങ്കിലും പൂർണമായും അനുസരിക്കാതെ മുട്ടുകുത്തുക മാത്രമാണ് ചെയ്തത്. ഇതോടെ വടിയെടുത്ത് അടിക്കുന്നതിനിടെ ഇടതു പിൻകാലിനടുത്ത് നിന്ന അരുൺ കാൽതെറ്റി വീഴുക‍യും ഈ സമയം ഇതേവശത്തേക്ക് ഇരുന്ന ആനയുടെ അടിയിൽപെടുകയുമായിരുന്നു.

മാറി നിന്ന മറ്റൊരു പാപ്പാൻ ഓടിയെത്തി ആനയെ പെട്ടെന്നുതന്നെ എഴുന്നേൽപിച്ച് അരുണിനെ വലിച്ച് പുറത്തെടുത്തപ്പോഴേക്കും ബോധം നശിച്ചിരുന്നു. ഭാരത് ആശുപത്രിയിൽ എത്തിച്ചപ്പോഴേക്കും മരിച്ചു. തലക്കടക്കം ഗുരുതരമായി ക്ഷതം സംഭവിച്ചതാണ് മരണകാരണം. 10​ വർഷം ശാസ്​താംകോട്ട ദേവസ്വത്തിലെ പാപ്പാൻ ആയിരുന്ന അരുൺ ഒരുവർഷമായി വിശ്വനാഥ​​െൻറ ഒന്നാം പാപ്പാനാണ്.

കോട്ടയം വെസ്​റ്റ്​ പൊലീസ് സ്ഥല​െത്തത്തി സി.സി ടി.വി ദൃശ്യങ്ങളടക്കം പരിശോധിച്ച ശേഷം അസ്വാഭാവികമരണത്തിന് കേസെടുത്തു. ഭാര്യ: ചെന്നിത്തല തൃപ്പെരുന്തുറ മഹാദേവക്ഷേത്രത്തിനു സമീപം പട്ടേടത്ത് കുടുംബാംഗം സരിത. മക്കൾ: അഖിൽ (നാലാം ക്ലാസ് വിദ്യാർഥി), അനില (രണ്ടാം ക്ലാസ് വിദ്യാർഥിനി ).