അർഹർക്ക്​ പി.എച്ച്​.എച്ച്​ കാർഡ്​ രണ്ടു മാസത്തിനകം -മന്ത്രി

തി​രു​വ​ന​ന്ത​പു​രം: പി.​എ​ച്ച്.​എ​ച്ച് കാ​ര്‍ഡു​ക​ളി​ലെ (മു​ൻ​ഗ​ണ​ന) ഒ​രു ല​ക്ഷം ഒ​ഴി​വു​ക​ള്‍ അ​ര്‍ഹ​ത​യു​ള്ള​വ​ര്‍ക്ക് ര​ണ്ടു മാ​സ​ത്തി​ന​കം ന​ല്‍കാ​ന്‍ ന​ട​പ​ടി​യെ​ടു​ത്ത​താ​യി മ​ന്ത്രി ജി.​ആ​ർ. അ​നി​ൽ. അ​ന​ര്‍ഹ​ര്‍ കൈ​വ​ശം ​െവ​ച്ചി​രു​ന്ന 1,36,266 കാ​ര്‍ഡു​ക​ള്‍ തി​രി​ച്ചേ​ൽ​പി​ച്ചി​ട്ടു​ണ്ട്.

ഈ ​ഒ​ഴി​വി​ല്‍ നി​ന്നും എ.​എ.​വൈ കാ​ര്‍ഡു​ക​ള്‍ക്ക് അ​ര്‍ഹ​ത​യു​ള്ള​വ​ര്‍ക്ക് ന​ല്‍കാ​ന്‍ ഇ​തി​നോ​ട​കം ന​ട​പ​ടി സ്വീ​ക​രി​ച്ചു. സ്വ​കാ​ര്യ ഗോ​ഡൗ​ണു​ക​ള്‍ ഒ​ഴി​വാ​ക്കി എ​ല്ലാ താ​ലൂ​ക്കി​ലും വ​കു​പ്പ് സ്വ​ന്തം നി​ല​യി​ല്‍ ശാ​സ്ത്രീ​യ ഗോ​ഡൗ​ണു​ക​ള്‍ സ്ഥാ​പി​ക്കും. വ​കു​പ്പി​െൻറ നേ​രി​ട്ടു​ള്ള നി​യ​ന്ത്ര​ണ​ത്തി​ലും ഉ​ട​മ​സ്ഥ​ത​യി​ലു​മാ​യി​രി​ക്കും ഗോ​ഡൗ​ണു​ക​ള്‍ പ്ര​വ​ര്‍ത്തി​ക്കു​ക. ഇ​തി​നാ​യി പ്ലാ​നി​ങ് ബോ​ര്‍ഡു​മാ​യു​ള്ള ച​ര്‍ച്ച​ക​ള്‍ പു​രോ​ഗ​മി​ക്കു​ക​യാ​ണെ​ന്നും മ​ന്ത്രി അ​റി​യി​ച്ചു.

ന​വം​ബ​റോ​ടെ ഗോ​ഡൗ​ണു​ക​ളി​ല്‍ കാ​മ​റ സം​വി​ധാ​ന​വും വാ​ഹ​ന​ങ്ങ​ളി​ല്‍ ജി.​പി.​എ​സും കൃ​ത്യ​മാ​യ നി​രീ​ക്ഷ​ണ സം​വി​ധാ​ന​വും ന​ട​പ്പാ​ക്കും. റേ​ഷ​ന്‍ ക​ട​ക​ള്‍ പു​തി​യ ലൈ​സ​ന്‍സി​ക​ളെ ഏ​ല്‍പി​ക്കു​ന്ന​തി​ല്‍ എ​ല്ലാ ന​ട​പ​ടി​ക്ര​മ​ങ്ങ​ളും ഉ​റ​പ്പാ​ക്കും. 25 ശ​ത​മാ​നം സ്ത്രീ​ക​ള്‍ക്കും എ​ട്ടു ശ​ത​മാ​നം പ​ട്ടി​ക​ജാ​തി വി​ഭാ​ഗ​ത്തി​നും ര​ണ്ടു ശ​ത​മാ​നം പ​ട്ടി​ക​വ​ര്‍ഗ വി​ഭാ​ഗ​ത്തി​നും അ​ഞ്ചു ശ​ത​മാ​നം ഭി​ന്ന​ശേ​ഷി​ക്കാ​ര്‍ക്കും സം​വ​ര​ണം ന​ല്‍കു​മെ​ന്നും മ​ന്ത്രി പ​റ​ഞ്ഞു. സ്​​മാ​ര്‍ട്ട് റേ​ഷ​ന്‍ കാ​ര്‍ഡു​ക​ള്‍ ന​വം​ബ​ര്‍ ഒ​ന്നു മു​ത​ല്‍ ല​ഭി​ക്കും.

ആ​ധാ​ര്‍ കാ​ർ​ഡി​െൻറ വ​ലു​പ്പ​ത്തി​ലു​ള്ള കാ​ര്‍ഡു​ക​ള്‍ക്ക് 25 രൂ​പ​യാ​ണ് ചെ​ല​വ്. ആ​വ​ശ്യ​മു​ള്ള​വ​ര്‍ക്ക് സ്​​മാ​ര്‍ട്ട് കാ​ര്‍ഡ് ന​ല്‍കും. തു​ട​ര്‍ന്ന് മു​ന്‍ഗ​ണ​ന വി​ഭാ​ഗ​ത്തി​ലു​ള്ള​വ​ര്‍ക്ക് സ​ര്‍ക്കാ​ര്‍ ചെ​ല​വി​ല്‍ത​ന്നെ കാ​ര്‍ഡ് സ്​​മാ​ര്‍ട്ടാ​ക്കി ന​ല്‍കും. സാ​ധാ​ര​ണ കാ​ര്‍ഡ് ന​ട​പ​ടി​ക്ര​മ​ങ്ങ​ളി​ലൂ​ടെ​ത​ന്നെ റേ​ഷ​ന്‍ കാ​ര്‍ഡു​ക​ളെ സ്​​മാ​ര്‍ട്ടാ​യി മാ​റ്റി​യെ​ടു​ക്കാ​നാ​കു​മെ​ന്നും മ​ന്ത്രി അ​റി​യി​ച്ചു.

ആ​ഗ​സ്​​റ്റി​ൽ 75 ശ​ത​മാ​നം കാ​ര്‍ഡു​ട​മ​ക​ളും റേ​ഷ​ന്‍ വി​ഹി​തം കൈ​പ്പ​റ്റി​യി​ട്ടു​ണ്ട്. 93.74 ശ​ത​മാ​നം കാ​ര്‍ഡു​ട​മ​ക​ളും ഓ​ണ​ക്കി​റ്റ് വാ​ങ്ങി. 85,06,306 കു​ടും​ബ​ങ്ങ​ളി​ലേ​ക്കാ​ണ് സം​സ്ഥാ​ന സ​ര്‍ക്കാ​റി​െൻറ ഭ​ക്ഷ്യ​ക്കി​റ്റ് എ​ത്തി​യ​ത്. ക​ഴി​ഞ്ഞ വ​ര്‍ഷ​ത്തെ​ക്കാ​ള്‍ അ​ധി​ക​മാ​യി 1,33,960 പേ​ര്‍ക്ക് തി​ങ്ക​ളാ​ഴ്​​ച വ​രെ കി​റ്റ് വാ​ങ്ങി​യി​ട്ടു​ണ്ട്. എ.​എ.​വൈ വി​ഭാ​ഗ​ത്തി​ല്‍ 97.64 ശ​ത​മാ​ന​വും, പി.​എ​ച്ച്.​എ​ച്ച് വി​ഭാ​ഗ​ത്തി​ല്‍ 97.5 ശ​ത​മാ​ന​വും വി​ത​ര​ണം ചെ​യ്​​തു. മു​ന്‍ഗ​ണ​ന വി​ഭാ​ഗ​ത്തി​ല്‍ ഇ​നി​യും കി​റ്റ് കൈ​പ്പ​റ്റാ​ത്ത​ത് ഗൗ​ര​വ​മാ​യി​ത​ന്നെ വ​കു​പ്പ് പ​രി​ശോ​ധി​ക്കും. ഈ ​കാ​ര്‍ഡു​ക​ള്‍ അ​ന​ര്‍ഹ​രു​ടെ കൈ​വ​ശ​മാ​ണോ​യെ​ന്ന് വി​ശ​ദ​മാ​യി പ​രി​ശോ​ധി​ക്കാ​ന്‍ നി​ര്‍ദേ​ശം ന​ല്‍കി​യ​താ​യും മ​ന്ത്രി പ​റ​ഞ്ഞു.