ചാടിപ്പോയ ഹനുമാന്‍ കുരങ്ങിനെ വീണ്ടും കാണാതായി

തിരുവനന്തപുരം: മൃഗശാലയിൽനിന്ന് ചാടിപ്പോകുകയും മൃഗശാലക്കുള്ളിലെ മരത്തിൽ തന്നെ കണ്ടെത്തുകയും ചെയ്ത ഹനുമാൻ കുരങ്ങിനെ വീണ്ടും കാണാതായി. നാട്ടുകാർ അറിയിച്ച ഭാഗത്ത് അധികൃതർ തിരച്ചില്‍ ആരംഭിച്ചിട്ടുണ്ട്.

ജീവനക്കാർ കൂട് തുറക്കുന്നതിനിടെയാണ് ദിവസങ്ങൾക്ക് മുമ്പ് മൂന്ന് വയസുള്ള പെൺ കുരങ്ങ് ചാടിപ്പോയിരുന്നത്. വ്യാപക തിരച്ചിലാണ് പിന്നെ നടത്തിയത്. ഒടുവിൽ കോമ്പൗണ്ടിലെ മരത്തിനു മുകളിൽ തന്നെ കുരങ്ങിനെ കണ്ടെത്തി. പിന്നീട് ദിവസങ്ങളോളം ഉ​യ​ര​മു​ള്ള ആ​ഞ്ഞി​ലി മരത്തിന് മുകളിൽ തന്നെ തുടർന്നിരുന്നു.

താ​ഴേ​യി​റ​ക്കാ​ൻ മൃ​ഗ​ശാ​ല അ​ധി​കൃ​ത​ർ പ​ല മാ​ർ​ഗ​ങ്ങ​ളും നോ​ക്കി​യെ​ങ്കി​ലും ഫ​ല​മുണ്ടായിരുന്നില്ല. മ​ര​ത്തി​ന് താ​ഴേ​വെ​ച്ചി​രു​ന്ന പ​ഴവും ശി​ഖ​ര​ങ്ങ​ളു​ടെ ഇ​ട​യി​ൽ​വെ​ച്ച ത​ണ്ണി​മ​ത്ത​ന്റെ ക​ഷ​ണ​ങ്ങ​ളുമെല്ലാം കുരങ്ങൻ കൊണ്ടുപോയിരുന്നു. മരത്തില്‍നിന്ന് കൂട്ടില്‍ എത്തിക്കാന്‍ ശ്രമം തുടരുന്നതിനിടെയാണ് വീണ്ടും കാണാതായിരിക്കുന്നത്.

തിരുപ്പതി ശ്രീ വെങ്കിടേശ്വര സുവോളജിക്കൽ പാർക്കിൽ നിന്നാണ് സിംഹങ്ങളെയും ഹനുമാൻ കുരങ്ങിനെയും തിരുവനന്തപുരം മൃഗശാലയിൽ എത്തിച്ചത്.