മണ്ണാർക്കാട്ട്​​ വാഹനപരിശോധനക്കിടെ ഒന്നരകോടിയുടെ സ്​ഫോടക ശേഖരം പിടികൂടി

മണ്ണാർക്കാട് (പാലക്കാട്​)​: വാഹനപരിശോധനക്കിടെ വൻ സ്​ഫോടക ശേഖരം പിടകൂടി. കോയമ്പത്തൂരിൽനിന്ന്​ കടത്തിയ 6.25 ടൺ ജലാറ്റിൻ സ്റ്റിക്കാണ്​ എക്​സൈസ്​ പിടികൂടിയത്​. ഒന്നര കോട​ിയോളം വില വരും.

രണ്ടുപേരെ കസ്റ്റഡിയിലെടുക്കുകയും തുടർ നടപടികൾക്കായി പൊലീസിന്​ കൈമാറുകയും ചെയ്​തു. സേലം ആത്തൂർ സ്വദേശികളായ ഇളവരശനും കാർത്തിയുമാണ്​ പിടിയിലായത്​.

രഹസ്യവിവരം ലഭിച്ചതിന്‍റെ അടിസ്​ഥാനത്തിൽ എക്​സൈസ്​ പ്രത്യേക സ്​ക്വഡ്​ മണ്ണാർക്കാട്ട്​​ വാഹന പരിശോധന നടത്തുന്നതിനിടെയാണ്​ സ്​ഫോടകശേഖരം പിടികൂടിയത്​. കോയമ്പത്തൂരിൽനിന്ന്​ മത്തനും കാബേജുമായി വന്ന ലോറിയിലായിരുന്നു കടത്ത്​.

250 ​െപട്ടികളിലായായിരുന്നു 6.25 ടൺ സ്​ഫോടകശേഖരം. മലപ്പുറം- കോഴിക്കോട്​ അതിർത്തിയിൽ ​േലാഡ്​ എത്തിക്കാനായിരുന്നു ലോറിക്കാർക്കുണ്ടായിരുന്ന നിർദേശം. അവിടെനിന്ന്​ മറ്റൊരു വാഹനത്തിൽ സ്​​േഫാടകവസ്​തുക്കൾ കടത്താനായിരുന്നു നീക്കമെന്ന്​ പൊലീസ്​ പറഞ്ഞു.