പ​നി ക​ന​ക്കു​ന്നു; പ്ര​തി​ദി​നം 13,000

തി​രു​വ​ന​ന്ത​പു​രം: സം​സ്ഥാ​ന​ത്ത്​ പ​നി​ക്ക​ണ​ക്കു​ക​ളി​ൽ ആ​ശ​ങ്ക ക​ന​ക്കു​ന്നു. ക​ഴി​ഞ്ഞ ദി​വ​സം 13,000 പേ​രാ​ണ്​ വൈ​റ​ൽ പ​നി ബാ​ധി​ച്ച്​ വി​വി​ധ ജി​ല്ല​ക​ളി​ൽ ചി​കി​ത്സ തേ​ടി​യ​ത്. ഇ​തി​ൽ 180 പേ​ർ​ക്ക്​ കി​ട​ത്തി ചി​കി​ത്സ വേ​ണ്ടി​വ​ന്നു. ഇ​തോ​ടെ സം​സ്ഥാ​ന​ത്താ​കെ ജൂ​ണി​ൽ പ​നി ബാ​ധി​ച്ച്​ ചി​കി​ത്സ തേ​ടി​യ​വ​രു​ടെ എ​ണ്ണം 1,61,346 ആ​യി. സ​ർ​ക്കാ​ർ ആ​ശു​പ​ത്രി​ക​ളി​ൽ ചി​കി​ത്സ തേ​ടി​യ​വ​രു​ടെ എ​ണ്ണ​മാ​ണി​ത്. ഇ​ത്ര​ത്തോ​ള​മോ ഇ​തി​ല​ധി​ക​മോ രോ​ഗി​ക​ൾ പ്ര​തി​ദി​നം ചെ​റു​കി​ട സ്വ​കാ​ര്യ ക്ലി​നി​ക്കു​ക​ൾ മു​ത​ൽ സ്വ​കാ​ര്യ മെ​ഡി​ക്ക​ൽ കോ​ള​ജു​ക​ളി​ൽ​വ​രെ ചി​കി​ത്സ തേ​ടു​ന്നു​ണ്ട്.

ഡെ​ങ്കി​പ്പ​നി​യു​ടെ കാ​ര്യ​ത്തി​ലും ആ​ശ​ങ്ക ക​ന​ക്കു​ക​യാ​ണ്. 218 പേ​രാ​ണ്​ ക​ഴി​ഞ്ഞ ദി​വ​സം രോ​ഗ​ബാ​ധ സം​ശ​യ​വു​മാ​യി വി​വി​ധ ആ​ശു​പ​ത്രി​ക​ളി​ൽ എ​ത്തി​യ​ത്. ഇ​തി​ൽ 110 പേ​ർ​ക്ക് രോ​ഗം സ്ഥി​രീ​ക​രി​ച്ചു. ഇ​തോ​ടെ ഈ ​മാ​സം ഡെ​ങ്കി​പ്പ​നി സ്ഥി​രീ​ക​രി​ച്ച​വ​ർ 1008 ആ​യി. എ​ട്ട്​ പേ​ർ​ക്ക്​ എ​ലി​പ്പ​നി​യും സ്ഥി​രീ​ക​രി​ച്ചു.