കഞ്ചാവുമായി ലിഫ്റ്റ് ചോദിച്ചത് എക്സൈസ് സംഘാംഗത്തോട്; യുവാവ് പിടിയിൽ
text_fields
മട്ടാഞ്ചേരി: അപരിചിതരായ ഇരുചക്ര വാഹനയാത്രക്കാരെ കരുവാക്കി കഞ്ചാവ് കടത്താന്‍ ശ്രമിച്ച യുവാവ് പിടിയിലായി. ആലപ ്പുഴ കഞ്ഞിക്കുഴി മന്‍സില്‍ വീട്ടില്‍ മാഹിനാണ് (19) പിടിയിലായത്. കഞ്ചാവുമായി ഇയാൾ ലിഫ്റ്റ് ചോദിച്ചത് എക്സൈസ് ഷാ ഡോ സംഘാംഗത്തോടാണ്. പ്രതി വാഹനത്തില്‍ കയറിയതും കഞ്ചാവിെൻറ ഗന്ധം ഉയർന്നതോടെ ഇയാളെ തന്ത്രപൂർവം കുടുക്കുകയായിരുന്നു. ഒന്നേകാല്‍ കിലോ കഞ്ചാവും പിടികൂടി.
തെരഞ്ഞെടുപ്പിെൻറ കനത്ത നിരീക്ഷണം നിലനില്‍ക്കുന്ന സാഹചര്യത്തിലാണ് ഇരുചക്ര വാഹനങ്ങളില്‍ ലിഫ്റ്റ് ചോദിച്ച് കടത്താനുള്ള ശ്രമം നടന്നത്. പിടിക്കപ്പെട്ടാല്‍ കുറ്റം അപരിചിതനായ വാഹന ഉടമയില്‍ ചാരി തടിതപ്പാനാണിത്. നഗരത്തിലെ ഒരു ഹോട്ടലില്‍ ജോലി ചെയ്യുന്ന പ്രതി നാട്ടിലേക്ക് പോകുമ്പോള്‍ ചെറുകിട കച്ചവടക്കാര്‍ക്ക് വില്‍പന നടത്തിവരുകയായിരുന്നു. നിരവധി തവണ ഇതേ രീതിയില്‍ കഞ്ചാവ് കടത്തിയതായി പ്രതി സമ്മതിച്ചതായി എക്സൈസ് വ്യക്തമാക്കി. മറ്റ് പ്രതികളെക്കുറിച്ച് അന്വേഷണം നടത്തിവരുകയാണ്.
എക്സൈസ് എന്‍ഫോഴ്സ്മെൻറ് ആൻഡ് ആൻറി നാർകോട്ടിക് സ്പെഷല്‍ സ്ക്വാഡ് ഇന്‍സ്പെക്ടര്‍ പി. ശ്രീരാജിെൻറ നേതൃത്വത്തില്‍ നടന്ന പരിശോധനയില്‍ പ്രിവൻറിവ് ഓഫിസര്‍മാരായ രാം പ്രസാദ്, ജയന്‍, സിവില്‍ എക്സൈസ് ഓഫിസര്‍മാരായ അരുണ്‍, റൂബന്‍, സിദ്ധാർഥ കുമാര്‍ എന്നിവരും ഉണ്ടായിരുന്നു.